కరోనా మహమ్మారికి ఆరంభ భూమిగా మారిన చైనా ఇప్పుడు మరోసారి వైరస్ భయాన్ని మళ్లీ ప్రపంచానికి పరిచయం చేసింది. తాజాగా చైనా(China)లోని శాస్త్రవేత్తలు(scientist) గబ్బిలా(Bats)ల్లో 22 కొత్త వైరస్(New Virus) లను గుర్తించారు. వీటిలో కొన్ని కరోనా కంటే ప్రమాదకరమైనవిగా గుర్తించబడ్డాయని, ప్రాణాంతక ఫలితాలను కలిగించే అవకాశముందని నిపుణులు హెచ్చరిస్తున్నారు.
గబ్బిలాల మూత్రపిండాలపై పరిశోధనలో భయంకర ఫలితాలు
సుమారు 142 గబ్బిలాల మూత్రపిండా(Bats Kidneys)లపై జరిపిన పరిశోధనలో, 22 రకాల వైరస్లు ఉన్నట్లు గుర్తించారు. వీటిలో కొన్ని ఇప్పటికే ప్రపంచానికి తెలిసిన హెనిపా, నిపా వైరస్లు కూడా ఉన్నాయి. గబ్బిలాల నుంచి వైరస్లు మూత్రం ద్వారా లేదా తినే పండ్లు, కూరగాయల ద్వారా మనుషులకు వ్యాపించే ప్రమాదం ఉన్నట్లు నివేదికలో పేర్కొన్నారు.
ఈ వైరస్లు ఎందుకు ప్రమాదకరం?
ఈ కొత్తగా గుర్తించిన వైరస్లలో చాలా వరకు మానవ శరీరంలోకి ప్రవేశించిన తర్వాత ఆకస్మికంగా వ్యాధుల రూపంలో మారుతాయి. ముఖ్యంగా నిపా వంటి వైరస్లు ఒకసారి శరీరంలోకి ప్రవేశించిన తర్వాత మెదడు ఫంక్షన్కు తీవ్రమైన నష్టం కలిగించడమే కాదు, శ్వాస తీసుకోవడాన్ని కూడా ప్రభావితం చేస్తాయి. ఇది కొద్ది గంటల్లోనే మృతికి దారితీసే ప్రమాదం ఉంది.
వైరస్ వ్యాప్తి ఎలా జరుగుతుంది?
ఈ వైరస్లు గబ్బిలాల ద్వారా కొన్ని మార్గాల్లో మానవులకు సోకుతాయి:
గబ్బిలాల మూత్రంతో కాలుష్యానికి లోనైన పండ్లు, కూరగాయలు తినడం
గబ్బిలాల నేరుగా మానవులతో సంబంధం పెట్టుకోవడం
వైరస్ సోకిన ఇతర జంతువుల ద్వారా మానవులకు చేరడం
ప్రపంచానికి మరో హెచ్చరిక
కరోనా అనంతరం ప్రపంచం మరింత అప్రమత్తంగా ఉండాల్సిన అవసరం ఉన్నప్పటికీ, తాజా గబ్బిలాల వైరస్ల విషయం గ్లోబల్ పబ్లిక్ హెల్త్కు మరొక హెచ్చరికగా మారింది. ఈ వైరస్లు అంతర్జాతీయంగా వ్యాపిస్తే, మరో మహమ్మారి ఏర్పడే ప్రమాదం ఉంది.
నివారణకు తక్షణ చర్యలు అవసరం
ప్రపంచ ఆరోగ్య సంస్థ (WHO), మరియు వివిధ దేశాల వైరాలజీ సంస్థలు ఈ 22 కొత్త వైరస్లపై పరిశోధనల్ని ముమ్మరం చేయాల్సిన అవసరం ఉంది. ప్రజలు కూడా హైజిన్, ఫుడ్ సేఫ్టీ, జంతుశ్రేణుల నుంచి దూరంగా ఉండే చర్యలు తీసుకోవాలి.
Read Also: Iran Nuclear: పెంటగాన్ ఇంటెలిజెన్స్ నివేదిక లీక్తో కలకలం
