218 ఓట్లతో బిల్లు ఆమోదం
అమెరికాలో బిగ్ బ్యూటిఫుల్ బిల్లు(Big Beautiful Bill) వివాదాస్పదంగా మారిన సంగతి తెలిసిందే. అయితే తాజాగా ఎట్టకేలకు ఆ బిల్లుకు గ్రీన్ సిగ్నల్ వచ్చింది. అమెరికా ప్రతినిధుల సభ బిగ్ బ్యూటిఫుల్ బిల్లును ఆమోదించింది. ఈ బిల్లుకు అనుకూలంగా 218 మంది సభ్యులు ఓటు వేయగా.. 214 మంది వ్యతిరేకంగా ఓటు వేశారు. దీంతో ట్రంప్(Trump) కల సాకారం అయ్యింది. ఇక వివరాల్లోకి వెళ్తే.. గురువారం అమెరికా ప్రతినిధుల(America Senate) సంభ బిగ్ బ్యూటిఫుల్ బిల్లును ప్రవేశపెట్టింది. ఆ తర్వాత దీనిపై సుదీర్ఘంగా చర్చలు జరిగాయి.
సుదీర్ఘ చర్చల అనంతరం ఓటింగ్
గురువారం ప్రతినిధుల సభలో బిల్లు ప్రవేశపెట్టిన తర్వాత, దీనిపై సుదీర్ఘంగా చర్చలు జరిగాయి. ఈ నేపథ్యంలో మైలురాయి ఓటింగ్ జరిగింది. మైనారిటీ నేత హకీం జెఫ్రీస్ బిల్లుకు వ్యతిరేకంగా 8 గంటల పాటు ప్రసంగించారు. ఈ క్రమంలోనే ఓటింగ్ జరిగింది. బిల్లును సమర్థిస్తూ 218, వ్యతిరేకిస్తూ 214 ఓట్లు వచ్చాయి. కేవలం నాలుగు ఓట్ల తేడాతోనే బిల్లుకు ఆమోదం లభించింది.
పన్నుల్లో కోతలు, ప్రభుత్వ వ్యయ నియంత్రణ
ఈ బిల్లును ఇద్దరు రిపబ్లికన్లు కూడా వ్యతిరేకించారు. మరోవైపు ఈ బిల్లుకు వ్యతిరేకంగా సభ మైనార్టీ నేత హకీం జెఫ్రీస్ 8 గంటల పాటు మాట్లాడారు. అంతకుముందే ఈ బిల్లుకు సెనెట్లో ఆమోదం పొందింది. ట్రంప్ సంతకంతో ఇది చట్టంగా మారనుంది. పన్నుల్లో కోతలు, వ్యయాన్ని నియంత్రించాలనే లక్ష్యాలతో ఈ బిగ్ బ్యూటిఫుల్ బిల్లును ట్రంప్ తీసుకొచ్చారు. విపక్ష డెమొక్రాట్లు ఈ బిల్లును తీవ్రంగా విమర్శిస్తూ, ఇది సామాన్య ప్రజలపై భారం పెడుతుందని, పన్ను మినహాయింపులు పెద్దలకే ఉపయోగపడతాయని అభిప్రాయపడ్డారు.
read hindi news: hindi.vaartha.com
Read Also: Dalai Lama : వారసుడి ఎంపిక ప్రక్రియ దలైలామా చేతుల్లోనే ఉంది : భారత్