భారత్- పాకిస్థాన్ (Bharath-Pakistan) మధ్య నెలకొన్న సరిహద్దు ఉద్రిక్తతల నేపథ్యంలో కొన్ని రోజులుగా మూసివేసిన 32 విమానాశ్రయాలను నేడు తిరిగి తెరిచినట్టు అధికార వర్గాలు వెల్లడించాయి. ఈ మేరకు విమానయాన కార్యకలాపాలను పునరుద్ధరిస్తూ సంబంధిత అధికారులు నోటీస్ టు ఎయిర్మెన్ (Airman) (నోటమ్) జారీ చేశారు. కొన్ని రోజుల పాటు నిలిచిపోయిన విమాన సేవలు ఈ నిర్ణయంతో తిరిగి సాధారణ స్థితికి చేరుకున్నాయి. సరిహద్దుల్లో నెలకొన్న ఉద్రిక్త పరిస్థితుల దృష్ట్యా ముందుజాగ్రత్త చర్యగా ఈ విమానాశ్రయాలను తాత్కాలికంగా మూసివేసిన విషయం విదితమే. ముఖ్యంగా పాకిస్థాన్ (Pakistan) సరిహద్దుకు సమీపంలో ఉన్న అమృత్సర్ (Amritsar) వంటి విమానాశ్రయాలపై ఈ ప్రభావం ఎక్కువగా కనపడింది. భారత వైమానిక దళం (ఐఏఎఫ్) IAF సూచనలు కూడా ఈ నిర్ణయంలో కీలక పాత్ర పోషించి ఉండవచ్చని తెలుస్తోంది.
ప్రయాణాలకు గొప్ప ఊరట
విమానాశ్రయాల పునఃప్రారంభంతో ప్రయాణికులు, విమానయాన సంస్థలు ఊపిరి పీల్చుకున్నాయి. నిలిచిపోయిన సర్వీసులు ఒక్కొక్కటిగా ప్రారంభమవుతుండటంతో ప్రయాణాలకు ఊరట లభించింది. నోటామ్ జారీ చేయడం ద్వారా విమానాల రాకపోకలకు సంబంధించిన సాంకేతిక సమాచారాన్ని పైలట్లకు, ఇతర సిబ్బందికి అధికారికంగా తెలియజేశారు. దీనితో విమానయాన కార్యకలాపాలు సురక్షితంగా, సజావుగా సాగేందుకు మార్గం సుగమమైంది.
32 విమానాశ్రయాల నుంచి పౌర విమాన సేవలు
దేశ భద్రతకు సంబంధించిన అంశం కావడంతో అధికారులు పరిస్థితిని నిశితంగా పర్యవేక్షించి, సాధారణ పరిస్థితులు నెలకొన్నాయని నిర్ధారించుకున్న తర్వాతే విమానాశ్రయాలను తిరిగి తెరిచేందుకు అనుమతించినట్లు సమాచారం. ప్రస్తుతానికి, ఈ 32 విమానాశ్రయాల నుంచి పౌర విమాన సేవలు యథావిధిగా కొనసాగుతాయని అధికారులు తెలిపారు.
Read Also: CHINA: పాకిస్థాన్కు అండగా ఉంటాం: చైనా