అహ్మదాబాద్లో ఘోర విమాన ప్రమాదం దేశాన్ని దుఃఖంలో ముంచింది. ఎయిర్ ఇండియాకు చెందిన బోయింగ్ 787 డ్రీమ్లైనర్ విమానం టేకాఫ్ అయిన కొద్ది నిమిషాల్లోనే కూలిపోయిన ఈ సంఘటనలో 265 మందికి పైగా మరణించడం విషాదకరం. ఈ ఘటనపై ప్రపంచవ్యాప్తంగా విమానయాన రంగంలో కలకలం రేగింది. ఇదే సందర్భంలో బోయింగ్ 787 విమానాల భద్రతపై అనేక ప్రశ్నలు రావడమేకాక, వాటి సేవలను నిలిపివేయాలన్న డిమాండ్లు కూడా వినిపించాయి.అయితే, ప్రస్తుతానికి బోయింగ్ 787 విమానాల రాకపోకలను నిలిపివేయాల్సిన అవసరం లేదని అమెరికా అధికారులు స్పష్టం చేశారు.
భద్రతా లోపాలు
అమెరికా రవాణా శాఖ కార్యదర్శి సీన్ డఫీ, ఫెడరల్ ఏవియేషన్ అడ్మినిస్ట్రేషన్ (FAA) తాత్కాలిక చీఫ్ క్రిస్ రోచెల్యూ సంయుక్తంగా మీడియా సమావేశంలో ఈ విషయాన్ని వెల్లడించారు. ప్రమాదానికి గల కారణాలపై లోతైన దర్యాప్తు కొనసాగుతోందని వారు తెలిపారు.భద్రతే తమ ప్రథమ ప్రాధాన్యమని వారు తెలిపారు.ప్రమాదానికి సంబంధించిన కొన్ని వీడియో క్లిప్లను చూశామని, అయితే బోయింగ్ 787 విమాన నమూనాలో భద్రతా లోపాలు ఉన్నాయని చెప్పడానికి ప్రస్తుతం తమ వద్ద ఎలాంటి సమాచారం లేదని వారు పేర్కొన్నారు. “నిపుణులు ప్రమాద స్థలానికి వెళ్లి క్షుణ్ణంగా పరిశీలించాల్సి ఉంది. కేవలం వీడియోలను చూసి అంచనాలకు రావడం తొందరపాటు అవుతుంది. అది సరైన పద్ధతి కాదు” అని డఫీ అన్నారు.
విమాన ప్రయాణానికి
భారతీయ అధికారులతో పాటు విమాన తయారీ సంస్థ బోయింగ్, ఇంజన్ల తయారీ సంస్థ జీఈ ఏరోస్పేస్తో కలిసి ఎఫ్ఏఏ, నేషనల్ ట్రాన్స్పోర్టేషన్ సేఫ్టీ బోర్డ్ (ఎన్టీఎస్బీ) బృందాలు దర్యాప్తు చేస్తున్నాయని డఫీ(Duffy) తెలిపారు. దర్యాప్తునకు సహకరించేందుకు ఇప్పటికే ఒక అమెరికన్ బృందం భారత్కు బయల్దేరిందని, అవసరమైతే మరిన్ని వనరులను పంపేందుకు సిద్ధంగా ఉన్నామని ఆయన హామీ ఇచ్చారు.దర్యాప్తులో భాగంగా విమాన ప్రయాణానికి సంబంధించి ఏదైనా ప్రమాద సంకేతం మా దృష్టికి వస్తే, దాన్ని తగ్గించడానికి తక్షణ చర్యలు తీసుకుంటాం” అని రోచెల్యూ స్పష్టం చేశారు.వాస్తవాలను అనుసరించి, ప్రయాణికుల భద్రతకు పెద్దపీట వేస్తాం. దర్యాప్తులో వెల్లడయ్యే భద్రతా సిఫార్సులను అమలు చేయడానికి వెనుకాడబోం” అని డఫీ చెప్పారు.
ప్రగాఢ సంతాపం
అమెరికా అధ్యక్షుడు డొనాల్డ్ ట్రంప్, విమాన ప్రమాదం పట్ల తీవ్ర దిగ్భ్రాంతి వ్యక్తం చేశారు. మృతుల కుటుంబాలకు ప్రగాఢ సంతాపం తెలిపారు. ఈ విషాద సమయంలో భారత్కు అన్ని విధాలా సాయం అందించడానికి అమెరికా(America) సిద్ధంగా ఉందని ప్రకటించారు. “భారత్ ఒక పెద్ద, బలమైన దేశం. వారు ఈ పరిస్థితిని అధిగమించగలరు. మా వైపు నుంచి ఎలాంటి సహాయం కావాలన్నా తక్షణమే అందిస్తామని వారికి తెలియజేశాను” అని ట్రంప్ వ్యాఖ్యానించారు.
విమానయాన రంగం
ప్రస్తుతానికి బోయింగ్ 787 విమాన సర్వీసులు యథావిధిగా కొనసాగుతాయని, దర్యాప్తు పూర్తయ్యే వరకు ప్రయాణికులు ఆందోళన చెందాల్సిన అవసరం లేదని అధికారులు తెలిపారు. ప్రమాదానికి గల ఖచ్చితమైన కారణాలను వెలికితీయడంలో భారత్కు పూర్తిగా సహకరిస్తామని అమెరికా అధికారులు పునరుద్ఘాటించారు.ఈ దుర్ఘటన అనంతరం విమానయాన రంగం మరింత జాగ్రత్తగా వ్యవహరించాల్సిన అవసరం ఉందని నిపుణులు పేర్కొంటున్నారు. దర్యాప్తులో తేలనున్న అంశాల ఆధారంగా భవిష్యత్తులో అవసరమైన మార్పులు, సాంకేతిక సవరణలు చేపట్టాలని సూచిస్తున్నారు.
Read Also: Stock Market: విమాన దుర్ఘటనతో భారీ నష్టాల్లో స్టాక్ మార్కెట్లు
