భారత్-బంగ్లాదేశ్ 3వ టీ20: సంజూ శాంసన్ సెంచరీతో టీమిండియా విజయం
హైదరాబాద్‌లో శనివారం రాత్రి జరిగిన మూడవ టీ20 మ్యాచ్‌లో టీమిండియా ఆటగాళ్లు అద్భుతంగా రాణించి బంగ్లాదేశ్‌పై భారీ విజయం సాధించారు. ఓపెనర్ సంజూ శాంసన్ విధ్వంసకర బ్యాటింగ్‌తో భారత్ 20 ఓవర్లలో 6 వికెట్ల నష్టానికి 297 పరుగులు సాధించింది. భారీ లక్ష్యం వెంట బంగ్లాదేశ్ 7 వికెట్ల నష్టానికి కేవలం 164 పరుగులు మాత్రమే చేసి, 133 పరుగుల తేడాతో ఓడిపోయింది. ఈ విజయంతో భారత్ మరో అద్భుత రికార్డును సృష్టించింది.
పరుగుల పరంగా బంగ్లాదేశ్‌పై అత్యంత భారీ విజయం
బంగ్లాదేశ్‌పై పరుగుల పరంగా టీ20 ఫార్మాట్‌లో భారత్‌కు ఇదే అతిపెద్ద విజయంగా నిలిచింది. 2022 టీ20 ప్రపంచ కప్‌లో దక్షిణాఫ్రికా 104 పరుగుల తేడాతో బంగ్లాదేశ్‌ను ఓడించింది, కానీ ఈ మ్యాచ్‌లో 133 పరుగుల భారీ తేడాతో భారత్ ఆ రికార్డును అధిగమించింది.
బంగ్లాదేశ్‌పై భారీ విజయాలు:
- భారత్ – 133 పరుగులు (2024)
- దక్షిణాఫ్రికా – 104 పరుగులు (2022)
- పాకిస్థాన్ – 102 పరుగులు (2008)
- భారత్ – 86 పరుగులు (2024)
- దక్షిణాఫ్రికా – 83 పరుగులు (2017)
భారత ఇన్నింగ్స్ – సంజూ శాంసన్ సెంచరీ
ఈ మ్యాచ్‌లో భారత బ్యాటర్లు తమ సత్తా చూపించారు. టీమిండియా టాస్ గెలిచి మొదట బ్యాటింగ్‌కు దిగగా, సంజూ శాంసన్ ఆడిన విధ్వంసకర ఇన్నింగ్స్ మ్యాచ్‌ను పూర్తిగా భారత్‌కు మార్చేసింది. కేవలం 47 బంతుల్లోనే 111 పరుగులు సాధించి శాంసన్ టాప్ స్కోరర్‌గా నిలిచాడు. అతని ఇన్నింగ్స్‌లో 7 సిక్సర్లు, 9 ఫోర్లు ఉన్నాయి. సంజూ శాంసన్, సూర్య కుమార్ యాదవ్ కలిసి రెండో వికెట్‌కు 173 పరుగుల భాగస్వామ్యాన్ని నెలకొల్పారు.
తర్వాత హార్దిక్ పాండ్యా చివరి 18 బంతుల్లో 47 పరుగులు బాదడంతో భారత ఇన్నింగ్స్ మరింత బలపడింది. పాండ్యా ఆటతీరుతో భారత్ తమ స్కోరును 297 పరుగుల వరకు తీసుకెళ్లింది. ఇది బంగ్లాదేశ్‌కు చేధించడానికి పెద్ద సవాలుగా మారింది.
భారత్ నిర్దేశించిన 297 పరుగుల లక్ష్యం బంగ్లాదేశ్‌కు ఎప్పటికీ అందని ద్రాక్షగా మారింది. భారత బౌలర్ల అద్భుత ప్రదర్శనతో బంగ్లాదేశ్ జట్టు 7 వికెట్లు కోల్పోయి కేవలం 164 పరుగులకే పరిమితమైంది. బంగ్లాదేశ్ బ్యాటర్లు టీమిండియా పేసర్లు, స్పిన్నర్లకు మేడలు పడకుండా ఉండిపోయారు.
ఈ విజయంతో భారత్ టీ20 క్రికెట్‌లో మరో భారీ మైలురాయిని అధిగమించింది.
రవిచంద్రన్ అశ్విన్ స్థానంలో ఈ అవకాశం దక్కించుకోవడం అతని కెరీర్‌లో ముఖ్యమైన మలుపు అని చెప్పాలి.తనుష్ పేరు తెలవడానికి ముందు అతని ఘనతలు తెలుసుకోవడానికి క్రికెట్ అభిమానులు Read more
భారత క్రికెట్ జట్టు స్టార్ ఫాస్ట్ బౌలర్ జస్ప్రీత్ బుమ్రా ప్రతీ మ్యాచ్‌లో వికెట్లు పడగొడుతూ,బ్యాటర్లకు పజిల్ లా మారాడు.తన బౌలింగ్ వైవిధ్యంతో బుమ్రా బ్యాట్స్‌మెన్‌ను కష్టంలో Read more
టీమిండియా లో సీనియర్ ఆటగాళ్లు రోహిత్ శర్మ, విరాట్ కోహ్లీ టీ20 ఫార్మాట్ నుంచి రిటైర్మెంట్ ప్రకటించడంతో, టాప్ ఆర్డర్‌లో ఖాళీగా ఉన్న స్థానాలు పక్కా టాలెంట్ Read more
ఇప్ప‌టికే జాతీయ జ‌ట్టుకు దూర‌మైన టీమిండియా యువ క్రికెట‌ర్ పృథ్వీ షాకు మరొక భారీ ఎదురుదెబ్బ తగిలింది ముంబై రంజీ ట్రోఫీ జట్టులో కూడా అతని స్థానం Read more