అర్జున్ సర్కార్ వీరగాథ.. బాక్సాఫీస్ను దుమ్ములేపిన హిట్ 3
నేచురల్ స్టార్ నాని నటించిన తాజా సినిమా ‘హిట్ : ది థర్డ్ కేస్’ మరోసారి ఆయన నటనకు, నిర్మాణశైలికి అద్దం పడే విధంగా ప్రేక్షకుల మనసు దోచుకుంటోంది. ‘హిట్’ ఫ్రాంచైజీలో మూడవ చిత్రంగా వచ్చిన ఈ సినిమా మే 1న విడుదలై, మొదటి రోజు నుంచే సంచలన విజయాన్ని సాధించింది. సైకలాజికల్ క్రైమ్ థ్రిల్లర్గా రూపొందిన ఈ చిత్రం లోతైన కథనంతో పాటు, ఆడియెన్స్ను కట్టిపడేసే మేజికల్ నరేషన్తో ముందుకు సాగింది. ఇందులో నాని పోషించిన ఎస్పీ అర్జున్ సర్కార్ పాత్ర మామూలు పోలీసాఫీసర్ పాత్ర కాదని, ఆయన మనస్తత్వం, డెడికేషన్, కిల్లింగ్ ఇన్స్టింక్ట్ అన్నీ పాత్రను అత్యున్నత స్థాయికి తీసుకెళ్లాయి.
సైకో గ్యాంగ్ను తరిమికొట్టిన అర్జున్ సర్కార్ – కథలో హై వోల్టేజ్ థ్రిల్
ఈ సినిమాలో కథనం గాఢంగా సాగుతుంది. వరుసగా జరుగుతున్న దారుణ హత్యలు.. వీటికి కారకులెవరు? ఏమైపోతున్న యువతులు? అనే మిస్టరీలు ప్రేక్షకుల్ని ఆశ్చర్యపరిచే విధంగా ఉండటం, ప్రతి ట్విస్ట్ అనంతరం వేరే ఊహల వైపు నడిపించడం దర్శకుడు శైలేష్ కొలను ప్రతిభను చూపిస్తుంది. ముఖ్యంగా క్యాప్చర్-టార్చర్-కిల్లింగ్ (CTK) అనే సైకో కిల్లర్స్ గ్యాంగ్ ఆధారంగా నడిచే కథ, అర్జున్ సర్కార్ ఛేదించే దారి, విచారణలో చూపిన ఇంటెలిజెన్స్ — ఇవన్నీ ప్రేక్షకుల్ని సీట్ ఎడ్జ్కి తీసుకెళ్లేలా ఉన్నాయి.
నాని ప్రదర్శనకు విజయం హామీ
‘హిట్ 3’ నాని నటనకు మరో మెట్టు అని చెప్పడంలో ఎలాంటి సందేహం లేదు. ఆయనను చూసిన ప్రతీ సీన్లో పాత్రలో ఎంతగా విలీనం అయ్యాడో తెలుస్తుంది. నటి శ్రీనిధి శెట్టి కూడా తన పాత్రకు న్యాయం చేసింది. ఆమె ఎమోషనల్ ఎక్స్ప్రెషన్స్కు మంచి మార్కులే పడతాయి. మిక్కీ జే మేయర్ అందించిన నేపథ్య సంగీతం, కథను గట్టి స్థాయికి తీసుకెళ్లింది. ఛాయాగ్రాహణ, ఎడిటింగ్ కూడా హై స్టాండర్డ్స్లో ఉన్నాయన్నది స్పష్టంగా తెలుస్తుంది.
ఊరంతా హిట్.. వసూళ్ల పరంగా రికార్డ్ సృష్టి
ఈ సినిమా విడుదలైన మొదటి రోజు నుంచే ప్రేక్షకులు బ్రహ్మరథం పట్టారు. ప్రపంచవ్యాప్తంగా రూ. 43 కోట్లు (గ్రాస్) వసూళ్లు సాధించి నాని కెరీర్లో అత్యుత్తమ ఓపెనింగ్గా నిలిచింది. రెండవ రోజు కూడా ఈ క్రేజ్ కొనసాగింది. శుక్రవారం రోజున మాత్రమే రూ. 19 కోట్ల గ్రాస్ వసూలు చేసింది. మొత్తం రెండు రోజుల్లో రూ. 62 కోట్ల గ్రాస్ మార్క్ను అందుకుని, మేకర్స్ అధికారిక పోస్టర్తో ఈ విషయాన్ని ధృవీకరించారు. “బాక్సీఫీస్ వద్ద అర్జున్ సర్కార్ వేట కొనసాగుతోంది” అనే క్యాప్షన్తో విడుదల చేసిన పోస్టర్కు సోషల్ మీడియాలో విశేష స్పందన వచ్చింది.
ట్రేడ్ విశ్లేషకులు చెబుతున్న దాని ప్రకారం, ఈ వీకెండ్లో ఇది రూ. 100 కోట్ల క్లబ్లో చేరే అవకాశాలు పుష్కలంగా ఉన్నాయని అంచనా వేస్తున్నారు.
నాని నిర్మాణంలో ఒక శక్తివంతమైన బ్రాండ్ – హిట్ ఫ్రాంచైజీ
నాని మరియు ప్రశాంతి తిపిర్నేని నిర్మించిన ఈ మూవీ, కంటెంట్కు ప్రాధాన్యం ఇచ్చే నాని నిర్మాతగా తీసుకునే నిర్ణయాలను సమర్థించేస్తుంది. ‘హిట్’ సిరీస్లో ఇప్పటివరకు వచ్చిన మూడు సినిమాలు ప్రేక్షకుల్ని పూర్తిగా మెప్పించాయి. కానీ ‘హిట్ 3’ మాత్రం ఆ స్థాయిని మించి సరికొత్త ప్రమాణాలను నెలకొల్పిందని చెప్పాలి.
read also: Kingdom: ‘కింగ్డమ్’ నుండి ‘హృదయం లోపల’ ఫుల్ సాంగ్ వచ్చేసింది
