ఇప్పటి ఆధునిక జీవనశైలిలో షుగర్ (డయాబెటిస్) ఒక కామన్ సమస్యగా మారిపోయింది. యువత నుంచి వృద్ధుల వరకూ చాలామందిని ఈ జీవనశైలి వ్యాధి బాధిస్తోంది. రకరకాల మందులు, ఇన్సులిన్, ఆహార నియమాలు తీసుకుంటూ జీవితం గడుపుతున్న చాలామందికి ఇప్పుడు ఒక సహజ మార్గంగా టమాటా జ్యూస్ ఒక విశేషమైన మార్గం అవుతుంది. నేచురోపతి నిపుణుల ప్రకారం, టమాటా జ్యూస్ (Tomato juice) ని సరిగ్గా, క్రమంగా తీసుకుంటే షుగర్ లెవెల్స్ ను గణనీయంగా తగ్గించవచ్చు.
టమాటాలో ఉండే ముఖ్య పోషకాలు
టమాటాలలో పుష్కలంగా ఉండే పోషకాలు ఆరోగ్యానికి అనేక విధాలుగా మేలు చేస్తాయి:
విటమిన్ C – రోగ నిరోధక శక్తిని పెంచుతుంది
విటమిన్ A – కంటి ఆరోగ్యాన్ని మెరుగుపరుస్తుంది
లైకోపీన్ (Lycopene) – శక్తివంతమైన యాంటీ ఆక్సిడెంట్, క్యాన్సర్ నుంచి రక్షణ
ఫైబర్ – జీర్ణ వ్యవస్థను బలోపేతం చేస్తుంది
పొటాషియం – గుండె ఆరోగ్యానికి (heart health) మేలు చేస్తుంది
కెలరీలు తక్కువగా ఉండడం – బరువు తగ్గించడంలో సహాయపడుతుంది
షుగర్ తగ్గించడంలో టమాటా పాత్ర
టమాటాలో ఉండే యాంటీ ఆక్సిడెంట్లు, ఫైబర్, మరియు న్యూట్రియంట్లు షుగర్ లెవెల్స్ను సహజంగా నియంత్రించడంలో కీలక పాత్ర పోషిస్తాయి. ముఖ్యంగా లైకోపీన్, టాక్సిన్లను బయటకు పంపడంతో పాటు ఇన్సులిన్ సెన్సిటివిటీని మెరుగుపరచడంలో సహాయపడుతుంది.
టమాటా జ్యూస్ తయారీ విధానం (బాయిల్ చేసి)
- మూడు టమాటాలు తీసుకుని బాగా కడగాలి.
- వాటిని గిన్నెలో నీటిలో వేసి బాగా ఉడికించాలి.
- ఉడికిన తర్వాత చల్లారనివ్వాలి.
- టమాటాల పై చర్మం తీసివేయాలి, గింజలు కూడా తొలగించాలి.
- మిక్సీలో వేసి జ్యూస్ లా గ్రైండ్ చేయాలి.
- పల్ప్ ను ఫిల్టర్ చేయాలి.
- తాగే ముందు కొద్దిగా గోరువెచ్చని నీళ్లు కలపాలి.
ఆరోగ్య ప్రయోజనాలు
టాక్సిన్ డిటాక్సిఫికేషన్: శరీరంలోని విషకిరణాలను బయటకు పంపిస్తుంది.
చర్మ ఆరోగ్యం: ముఖానికి అప్లై చేస్తే చర్మం మృదువుగా, ప్రకాశవంతంగా మారుతుంది.
బరువు తగ్గించడంలో సహాయం: ఫైబర్ అధికంగా ఉండటం వల్ల తక్కువకాలంలో తృప్తి కలుగుతుంది.
గుండె ఆరోగ్యం: పొటాషియం మరియు లైకోపీన్ గుండె సమస్యలు రాకుండా చేస్తాయి.
కంటి ఆరోగ్యం: విటమిన్ ఎ మరియు ఇతర యాంటీ ఆక్సిడెంట్లు కంటి చూపును మెరుగుపరుస్తాయి.
జాగ్రత్తలు
టమాటాలు పూర్తిగా పండినవే తీసుకోవాలి.
అధిక మోతాదులో తీసుకోవద్దు – రోజుకు ఒక గ్లాస్ చాలు.
యాసిడ్ రెఫ్లక్స్ లేదా గ్యాస్ సమస్య ఉన్నవారు వైద్య సలహా తీసుకోవాలి.
షుగర్ కంట్రోల్ కోసం మాత్రమే కాకుండా, ఇది మీ జీవనశైలిలో భాగం కావాలి. ప్రతిరోజూ మన వంటగదిలో ఉండే సాధారణ టమాటా, డయాబెటిస్ను సమర్థవంతంగా నియంత్రించగలదంటే ఆశ్చర్యమే. అయితే ఇది నిపుణుల సూచనల ప్రకారం, క్రమం తప్పకుండా తీసుకుంటేనే ప్రయోజనం ఉంటుంది. మందులతో పాటు సహజ ఔషధాలను సరిగ్గా సమన్వయం చేస్తే, ఆరోగ్య జీవితం సాధ్యమే.
Read also: Banana: అరటిపండు తొక్కలో బోలెడన్ని విటమిన్స్