Brinjal: వంకాయ రుచికరమైనది, పోషక పదార్థాలతో నిండి ఉంటుంది. ఇందులో ఫైబర్, విటమిన్లు, యాంటీఆక్సిడెంట్లు(Antioxidants) పుష్కలంగా ఉంటాయి. అయితే ప్రతి ఒక్కరికి ఇది అనుకూలం కాదని నిపుణులు హెచ్చరిస్తున్నారు. నైట్షేడ్ కుటుంబానికి చెందిన ఈ కూరగాయకు అలెర్జీ ఉన్నవారు వంకాయ తింటే చర్మంపై దద్దుర్లు, తలనొప్పి లేదా జీర్ణ సమస్యలు రావచ్చు. అందువల్ల అలాంటి వారు జాగ్రత్తగా ఉండాలి.
కిడ్నీ మరియు జీర్ణ సంబంధ సమస్యలు
వంకాయలో ఉండే ఆక్సలేట్లు కిడ్నీ రాళ్లను పెంచే అవకాశం ఉంది. ఇప్పటికే మూత్రపిండ సమస్యలు ఉన్నవారు దీనిని పరిమితంగా తీసుకోవడం లేదా వైద్యుని సలహా తీసుకోవడం మంచిది. అలాగే వంకాయలో ఉన్న అధిక ఫైబర్ జీర్ణక్రియకు సహాయపడినప్పటికీ, ఇరిటబుల్ బౌల్ సిండ్రోమ్ (IBS) వంటి సమస్యలున్నవారికి కడుపులో ఉబ్బరం లేదా అసౌకర్యం కలిగించవచ్చు.
రక్తహీనత, మందులు, రక్తపోటు
వంకాయలో ‘నాసునిన్’(Nasunin) అనే యాంటీఆక్సిడెంట్ ఉండటం వల్ల ఐరన్ శోషణ తగ్గే ప్రమాదం ఉంది. కాబట్టి రక్తహీనత ఉన్నవారు వంకాయను ఎక్కువగా తినకపోవడం మంచిది. అదేవిధంగా ‘టైరమైన్’ అనే సమ్మేళనం రక్తపోటు మందులు, ముఖ్యంగా MAO ఇన్హిబిటర్లతో ప్రభావం చూపి రక్తపోటును పెంచవచ్చు. రక్తపోటు తక్కువగా ఉన్నవారు వంకాయను అధికంగా తింటే అలసట, తల తిరుగుడు వంటి సమస్యలు రావచ్చు.
గర్భిణీలు మరియు కీళ్ల నొప్పులు
సాధారణంగా గర్భిణీ స్త్రీలకు వంకాయ సురక్షితమే అయినప్పటికీ, కొంతమంది డాక్టర్లు దీనిని పరిమితంగా తీసుకోవాలని సూచిస్తారు. సంప్రదాయంగా వంకాయ గర్భాశయంపై ప్రభావం చూపవచ్చని ఒక నమ్మకం ఉంది. అదేవిధంగా, నైట్షేడ్ కూరగాయలు కీళ్ల నొప్పులను పెంచవచ్చని కొందరు భావిస్తారు. కాబట్టి ఆర్థరైటిస్ ఉన్నవారు వంకాయ తిన్న తర్వాత శరీరంలో మార్పులను గమనించడం అవసరం.
వంకాయ అందరికీ మంచిదేనా?
కాదు, కిడ్నీ సమస్యలు, రక్తహీనత, జీర్ణ సమస్యలు లేదా అలెర్జీలు ఉన్నవారు జాగ్రత్తగా ఉండాలి.
కిడ్నీలో రాళ్లు ఉన్నవారు వంకాయ తినవచ్చా?
వంకాయలో ఆక్సలేట్లు ఉండటం వల్ల రాళ్ల సమస్య పెరిగే అవకాశం ఉంది. కాబట్టి డాక్టర్ సలహా తీసుకోవడం మంచిది.
Read hindi news: hindi.vaartha.com
Read also:
