చక్కెర (Sugar) మరియు బెల్లం (Jaggery). వీటన్నీ ముఖ్యంగా చెరకు నుంచి ఉత్పత్తి చేస్తారు కానీ, వాటి తయారీ విధానం, పోషక విలువలు, ఆరోగ్యంపై ప్రభావాలు విభిన్నంగా ఉంటాయి. అందువల్ల ఈ రెండింటి మధ్య ఎంచుకునేటప్పుడు జాగ్రత్త అవసరం.
చక్కెర తయారీ మరియు రకాలు
చక్కెరను సాధారణంగా ‘టేబుల్ షుగర్’ అంటారు. ఇది ప్రధానంగా చెరకు రసం నుంచి తీసుకునే స్వచ్ఛమైన సుక్రోజ్ పదార్థం. తయారీ ప్రక్రియలో చాలా శుద్ధి (Refining), బ్లీచింగ్, మరియు స్ఫటికీకరణ జరుగుతుంది. ఫలితంగా, ఈ చక్కెరలో ఎటువంటి సహజ పోషకాలూ ఉండవు, కేవలం తీపి ఇచ్చే స్వచ్ఛమైన కార్బోహైడ్రేటు మాత్రమే ఉంటుంది. చక్కెర రకాల్లో తెల్ల చక్కెర (White Sugar), బ్రౌన్ షుగర్, మరియు ముడి చక్కెర ఉన్నాయి. తెల్ల చక్కెర అత్యంత శుద్ధి చేయబడినదిగా ఉంటుంది, బ్రౌన్ షుగర్లో కొంత ఖనిజ పదార్థం మిగిలి ఉండొచ్చు, ముడి చక్కెర తక్కువ శుద్ధి చేయబడిన రూపంలో ఉంటుంది.
బెల్లం తయారీ విధానం
బెల్లం అనేది చెరకు లేదా తాటి రసం వంటి సహజ పదార్థాల నుండి తయారు చేసే సంపూర్ణ సహజ స్వీటెనర్. బెల్లాన్ని తయారుచేయడంలో రసం తక్కువ పగిలే వరకు మరిగించి, ఉడికించి, గట్టిపడి గడ్డకట్టడం జరుగుతుంది. దీనివల్ల బెల్లానికి ముదురు రంగు, కారామెల్ వంటిది రుచి, మరియు తీపి వుంటుంది. ఇది పూర్తి శుద్ధి చేయబడని, సహజ పోషకాలు ఎక్కువగా ఉండే పదార్థం. బెల్లం రకాలు చెరకు బెల్లం, తాటి బెల్లం, కొబ్బరి బెల్లం
పోషక విలువలు: చక్కెర vs బెల్లం
చక్కెరలో ప్రధానంగా సుక్రోజ్ మాత్రమే ఉంటుంది. దీనిలో విటమిన్లు, ఖనిజాలు, ఫైబర్ వంటి పోషకాలు ఉండవు. అధిక ప్రాసెసింగ్ కారణంగా సహజ పోషకాలు పూర్తిగా తొలగిపోతాయి. అందుకే చక్కెర కేవలం శక్తి ఉత్పత్తికి ఉపయోగపడుతుంది కానీ దీర్ఘకాలిక ఆరోగ్యానికి ఎటువంటి లాభాలు ఇవ్వదు. బెల్లం, మరోవైపు, ఇనుము, మెగ్నీషియం, పొటాషియం, కాల్షియం వంటి ఖనిజాలు మరియు సహజ యాంటీఆక్సిడెంట్లు కలిగి ఉంటుంది. ఇవి ఎముకల ఆరోగ్యం, రక్త ప్రసరణ, కండరాల శక్తి మరియు రోగ నిరోధక శక్తిని బలోపేతం చేస్తాయి. బెల్లంలోని సంక్లిష్ట కార్బోహైడ్రేట్లు శక్తిని నెమ్మదిగా విడుదల చేయడంతో శరీరానికి స్థిరమైన ఇంధనం అందుతుందిఅని నమ్మకం ఉంది.
ఆరోగ్య ప్రయోజనాలు
బెల్లం:
జీర్ణ శక్తిని మెరుగుపరచడం, రక్తం శుద్ధి చేయడం, సహజ యాంటీఆక్సిడెంట్లు ద్వారా రోగ నిరోధక శక్తిని పెంపొందించడం, ఎముకల మరియు కండరాల ఆరోగ్యానికి సహాయపడటం, శక్తిని మెల్లగా విడుదల చేయడం వల్ల ఎనర్జీ నిల్వ ఉండటం.
చక్కెర:
శరీరానికి వెంటనే శక్తిని అందించడం, క్రీడాకారులు మరియు శారీరక శ్రమదారులకు తక్షణ శక్తి ప్రదానం, వంటలు, పానీయాల్లో సులభంగా కరిగి స్థిరమైన తీపిని అందించడం.
ఆరోగ్య ప్రమాదాలు
చక్కెర అధిక సేవనంతో:
రక్తంలో చక్కెర స్థాయిలు అధికమవ్వడం (హైపర్గ్లైసీమియా), టైప్ 2 మధుమేహం, ఇన్సులిన్ నిరోధకత పెరగడం, ఊబకాయం, గుండె జబ్బులు, కొవ్వు కాలేయ వ్యాధి ప్రమాదం, దంత క్షయం మరియు నోటిలో బ్యాక్టీరియా వృద్ధికి దారి తీస్తుంది.
బెల్లం అధిక సేవనంతో:
అధిక కేలరీలు ఉండటం, కావున అధిక మోతాదులో తీసుకోవడం శరీర బరువు పెరుగుదలకు దారితీస్తుంది. మధుమేహ రోగులకు, రక్తంలో చక్కెర అసమతుల్యత ఉన్నవారికి మితంగా తీసుకోవాలి (గ్లైసెమిక్ ఇండెక్స్ కారణంగా) బెల్లం మరియు చక్కెర రెండూ చెరకు నుంచి ఉత్పత్తి కాని, వాటి ప్రాసెసింగ్ విధానాలు, పోషక విలువలు, ఆరోగ్య ప్రభావాలు వేర్వేరు. ఆరోగ్యాన్ని పరిరక్షించుకోవాలంటే తక్కువ ప్రాసెస్ చేసిన, సహజ స్వీటెనర్ అయిన బెల్లం మితంగా వాడటం మంచిది. అయితే ఈ రెండింటినీ ఎక్కువగా తీసుకోవడం ప్రమాదకరం. ప్రతి ఒక్కరి ఆరోగ్య పరిస్థితిని బట్టి తగిన నిర్ణయాలు తీసుకోవడం అవసరం.
Read also: Sesame Oil: నువ్వుల నూనెతో అందం,ఆరోగ్యం