రోజ్ యాపిల్ (Rose Apple) అనే పేరు వినగానే చాలా మంది యాపిల్ పండు అనుకుంటారు. కానీ ఇది యాపిల్ కాదు. నిజానికి, ఇది జామపండు జాతికి చెందిన ఒక ప్రత్యేకమైన పండు. మలబార్ ప్లమ్, వాటర్ యాపిల్, జంబూ ఫలం, గులాబ్ జామ్ పండు అనే పేర్లతో కూడా పిలుస్తారు.వీటికి ఆకర్షణీయమైన రంగు, తీపి రుచి, గులాబీ వాసన ఉండడం విశేషం. తొలుత తింటే కొద్దిగా కరకరలాడుతుంది. తర్వాత తీపి రుచి వస్తుంది. చివర్లో గులాబీల సువాసన గుర్తుకు వస్తుంది. పైగా ఇందులో ఎన్నో ఆరోగ్య ప్రయోజనాలూ ఉన్నాయి.రోజ్ యాపిల్లో ‘జాంబోసిన్’ అనే సహజ పదార్థం ఉంటుంది. ఇది చక్కెరకు మారే ప్రక్రియను నియంత్రించి, మధుమేహాన్ని అదుపులో ఉంచుతుంది. ఇందులో మాలిక్ యాసిడ్ కూడా ఉండి గ్లూకోజ్ వినియోగాన్ని నియంత్రిస్తుంది.
గుండె ఆరోగ్యానికి బలంగా
ఈ పండులో పొటాషియం, సోడియం ఎక్కువగా ఉంటాయి. ఇవి రక్తపోటు, కొలెస్ట్రాల్ను నియంత్రించడంలో సహాయపడతాయి. ఫలితంగా గుండెపోటు, పక్షవాతం ముప్పు తగ్గుతుంది.
రోగనిరోధక శక్తికి తోడ్పాటు
విటమిన్ C, విటమిన్ A అధికంగా లభ్యమవుతాయి. ఇవి శరీరాన్ని ఇన్ఫెక్షన్ల నుంచి కాపాడతాయి. ఐరన్, కాల్షియం వంటి పోషకాలు ఆరోగ్యాన్ని మెరుగుపరుస్తాయి.
జీర్ణవ్యవస్థకు మంచిది
ఇందులో ఫైబర్ పుష్కలంగా ఉంటుంది. ఇది మలబద్ధకం, కడుపు ఉబ్బరం వంటి సమస్యల నుంచి ఉపశమనం ఇస్తుంది. గింజలు వాంతులు, విరేచనాలను తగ్గించడంలో సహకరిస్తాయి.
బరువు నియంత్రణలో సహాయం
ఫైబర్ ఎక్కువగా ఉండటంతో కడుపు నిండిన భావన కలుగుతుంది. దీని వల్ల తిన్నపుడు అధికంగా తినకుండా ఉండొచ్చు. ఫలితంగా బరువు అదుపులో ఉంటుంది.
ఎముకల బలం పెరుగుతుంది
100 గ్రాముల రోజ్ యాపిల్లో సుమారు 29mg కాల్షియం ఉంటుంది. ఇది ఎముకలు, దంతాలకు అవసరం. ఇందులో మెగ్నీషియం, పొటాషియం కూడా ఉండి ఎముకల ఆరోగ్యాన్ని మెరుగుపరుస్తాయి.
కాలేయం, మూత్రపిండాల శుద్ధి
ఈ పండులో ఉండే యాంటీఆక్సిడెంట్లు కాలేయ, మూత్రపిండాల పనితీరును మెరుగుపరుస్తాయి. పౌష్టికాహార లోపం వల్ల వచ్చే సమస్యలకు ఇది సహాయం చేస్తుంది.
క్యాన్సర్ ముప్పు తగ్గిస్తుంది
విటమిన్ C, A వంటి పదార్థాలు క్యాన్సర్ (Cancer) కణాల ఎదుగుదలని అడ్డుకుంటాయి. దీన్ని రోజూ తీసుకుంటే క్యాన్సర్ ముప్పు తగ్గే అవకాశముంది.
చర్మానికి పాళ్ళు
రోజ్ యాపిల్ చర్మాన్ని కాంతివంతంగా ఉంచుతుంది. ఇది ఫంగస్, బ్యాక్టీరియా ఇన్ఫెక్షన్లను నివారిస్తుంది. ఆకుల సారాన్ని చర్మ సంరక్షణలో విస్తృతంగా ఉపయోగిస్తారు.
నీరసం నివారించడంలో సహాయం
ఇందులో నీటి శాతం ఎక్కువగా ఉంటుంది. ఇది శరీరాన్ని తేమతో ఉంచి, డీహైడ్రేషన్ను నివారిస్తుంది.
ఇతర ప్రయోజనాలు
గర్భిణులకి ఐరన్, విటమిన్లు అందిస్తుంది.
ఆకులు, గింజలు జ్వరం చికిత్సలో ఉపయోగపడతాయి.
జ్ఞాపకశక్తి మెరుగవుతుంది.
మశూచి, కీళ్ల వాపులపై ప్రభావం చూపుతుంది.
కంటి సమస్యలకు ఆకులు ఉపశమనంగా పనిచేస్తాయి.
కణజాలాల మరమ్మత్తుకు తోడ్పడుతుంది.రోజ్ యాపిల్ అనేక ఆరోగ్య ప్రయోజనాలు కలిగిన పండు. అయితే త్వరగా పాడయ్యే గుణం ఉంది. కావున జామ్ లేదా జెల్లీగా నిల్వ చేసుకోవచ్చు. మితంగా తీసుకుంటే ఆరోగ్యానికి ఎంతో మేలు చేస్తుంది.