ప్రతీ ఒక్కరికి అందంగా కనిపించాలని ఉంటుంది. అబ్బాయిలైనా, అమ్మాయిలైనా – ఆకర్షణీయంగా ఉండాలనే కోరిక సహజం. ఈ కోరికను నెరవేర్చేందుకు చాలా మంది మార్కెట్లో దొరికే క్రీములు, లోషన్లు వాడుతూ ఉంటారు. కానీ ఈ పైపై శరీర సంరక్షణ కన్నా శరీర అంతర్భాగాలు ఆరోగ్యంగా ఉండటం చాలా ముఖ్యం. లోపల నుంచే ఆరోగ్యంగా ఉంటే, చర్మం సహా మొత్తం శరీరం ప్రకాశవంతంగా కనిపిస్తుంది.
ఇంట్లోనే అందాన్ని పెంచే మార్గాలు ఉన్నాయి
అందాన్ని పెంచుకోవాలంటే ఖచ్చితంగా ఖరీదైన ప్రొడక్ట్స్ అవసరం లేదు. మన ఇంట్లోనే కొన్ని సరళమైన సహజ పదార్థాలతో చర్మాన్ని మెరుగు పరచుకోవచ్చు. వాటిలో ముఖ్యమైనది – పింక్ సాల్ట్ (Pink salt) (హిమాలయ ఉప్పు).
ఉప్పు ఆరోగ్యానికి హానికరమేనేమో కానీ… అందానికి?
“ఉప్పు ఆరోగ్యానికి మంచిది కాదు” అన్న అభిప్రాయం చాలామందిలో ఉంటుంది. కానీ అదే ఉప్పు ఓ ప్రత్యేక రూపంలో – పింక్ సాల్ట్ (Pink salt)గా మారినపుడు, అది ఆరోగ్యాన్ని కాపాడడమే కాదు, అందాన్ని కూడా పెంపొందించగలదు. పింక్ సాల్ట్ను హిమాలయ ప్రాంతాల్లో వెలికి తీయడం వల్ల దీనికి హిమాలయన్ సాల్ట్ (Himalayan Salt)అని కూడా అంటారు.
పింక్ సాల్ట్లో పోషకాలు – సాధారణ ఉప్పుతో తేడా
సాధారణ ఉప్పులో సోడియం ఎక్కువగా ఉంటుంది, ఇది అధికంగా తీసుకుంటే రక్తపోటును పెంచుతుంది. కానీ హిమాలయ పింక్ సాల్ట్లో సోడియం తక్కువగా ఉండటంతో పాటు, మెగ్నీషియం, పొటాషియం, క్యాల్షియం వంటి ఖనిజాలు పుష్కలం (Rich in minerals)గా ఉంటాయి. ఇవి ఆరోగ్యానికి ఎంతో మేలు చేస్తాయి.
పింక్ సాల్ట్ను ఆహారంలో భాగంగా చేర్చినప్పుడు ఇది చర్మాన్ని లోపల నుంచి శుభ్రపరుస్తుంది. చర్మంపై ఉండే బ్యాక్టీరియా, మృత కణాలు, ధూళి వంటి మలినాలను తొలగించి చర్మానికి ప్రకాశం ఇస్తుంది. దీనివల్ల చర్మం మృదువుగా, కాంతివంతంగా మారుతుంది.
రక్తపోటు నియంత్రణ, హార్మోన్ల సమతుల్యతలో సహాయం
పింక్ సాల్ట్ వాడటం వల్ల రక్తపోటు స్థిరంగా ఉంటుంది. అంతేగాక, ఇది శరీరంలోని హార్మోన్ల సమతుల్యతను కాపాడుతుంది. జీర్ణక్రియ మెరుగవుతుంది. ఇది శరీరంలోని మలినాలను బయటకు పంపే డిటాక్సిఫికేషన్ గుణాలను కలిగి ఉంది, తద్వారా శరీరం శుభ్రంగా ఉంటుంది.
పింక్ సాల్ట్తో అందం & ఆరోగ్యం – రెండూ సాధ్యం!
మొత్తంగా చెప్పాలంటే, పింక్ సాల్ట్ ఒక సహజ ఔషధంగా పని చేస్తుంది. ఇది ఆరోగ్యానికి మేలు చేస్తుందనే కాదు, చర్మ ఆరోగ్యాన్ని మెరుగుపరచి, మన రూపాన్ని కూడా మరింత ఆకర్షణీయంగా మార్చగలదు. అందుకే, ఇంట్లో సహజంగా అందుబాటులో ఉండే ఈ రాళ్ల ఉప్పును జీవితంలో భాగం చేసుకోవాలి.
Read hindi news: hindi.vaartha.com
Read also: