ఈ రోజుల్లో మధుమేహం అనేది అత్యంత సాధారణ ఆరోగ్య సమస్యగా మారిపోయింది. చిన్న పిల్లల నుంచి వృద్ధుల వరకు ప్రతి వయసులోను కనిపించే ఈ వ్యాధి నివారణకు జీవనశైలిలో మార్పులు చేయడం ఎంతో అవసరం. ఈ నేపథ్యంలో ఖాళీ కడుపుతో బొప్పాయి తినడం ద్వారా రక్తంలో గ్లూకోజ్ స్థాయిని నియంత్రించవచ్చని అనేక అధ్యయనాలు సూచిస్తున్నాయి. బొప్పాయిలో తక్కువ గ్లైసెమిక్ ఇండెక్స్ (GI) ఉంటుంది. ఇది నెమ్మదిగా రక్తప్రవాహంలో చక్కెరను విడుదల చేస్తుంది. అందువల్ల డయాబెటిస్ రోగులకు ఇది భద్రమైన పండు.
బొప్పాయి వల్ల కలిగే ఆరోగ్య ప్రయోజనాలు
జీర్ణవ్యవస్థకు అద్భుత సహాయంగా బొప్పాయి
బొప్పాయిలో ఉండే “పపైన్” అనే జీర్ణ ఎంజైమ్ అత్యంత ముఖ్యమైనది. ఇది ఆహారాన్ని త్వరగా, సమర్థవంతంగా జీర్ణం చేసేందుకు సహాయపడుతుంది. ఉదయం ఖాళీ కడుపుతో బొప్పాయి తినడం వల్ల ఈ ఎంజైమ్ పనితీరు శరీరానికి మరింత లాభాన్ని ఇస్తుంది. ఇది మలబద్ధకం, అసిడిటీ వంటి సమస్యలను తగ్గించడంలో సహాయపడుతుంది. శరీరంలోని వ్యర్థాలను బయటకు పంపే ప్రక్రియను వేగవంతం చేస్తుంది.
శరీర డిటాక్స్కు సహాయపడే పండు
బొప్పాయి ప్రకృతి సహజమైన డిటాక్స్ ఫలంగా పరిగణించబడుతుంది. ఖాళీ కడుపుతో బొప్పాయి తినడం వల్ల కాలేయం , మూత్రపిండాలు సహా శరీరంలోని టాక్సిన్లను బయటకు పంపే ప్రక్రియ మెరుగవుతుంది. ఇది శరీర శుద్ధికి దోహదపడుతుంది. రోజూ ఉదయాన్నే బొప్పాయి తినడం వల్ల రోజంతా శరీరంలో తేజం, ఉత్సాహం కలుగుతుంది.
చర్మ ఆరోగ్యాన్ని మెరుగుపరిచే విటమిన్ సి శక్తి
బొప్పాయిలో విటమిన్ C అధికంగా ఉంటుంది. ఒక మధ్యతరహా బొప్పాయి తింటే దాదాపు రోజువారీ అవసరమైన విటమిన్ C పరిమాణానికి మించి లభిస్తుంది. ఇది చర్మాన్ని కాంతివంతంగా మార్చడంలో, మొటిమలు, ముడతలు తగ్గించడంలో, ముడతల నివారణలో సహాయపడుతుంది. పైగా కొల్లాజెన్ ఉత్పత్తిని పెంచడం ద్వారా చర్మం యవ్వనంగా కనిపించేందుకు సహాయపడుతుంది.
రక్తపోటు – కొలెస్ట్రాల్ నియంత్రణకు బొప్పాయి
బొప్పాయిలో ఫైబర్, పొటాషియం, ఫోలేట్ వంటి పోషకాలు అధికంగా ఉంటాయి. ఇవి హార్ట్ హెల్త్కు అత్యంత ఉపయోగపడతాయి. ఫైబర్ వల్ల చెడు కొలెస్ట్రాల్ (LDL) స్థాయిలు తగ్గుతాయి. పొటాషియం వల్ల రక్తపోటు నియంత్రితంగా ఉంటుంది. ఈ రెండు లక్షణాల వల్ల గుండె సంబంధిత వ్యాధుల ప్రమాదం తక్కువ అవుతుంది. బొప్పాయిలో బీటా-కెరోటిన్, లైకోపిన్ వంటి శక్తివంతమైన యాంటీఆక్సిడెంట్లు ఉంటాయి. ఇవి శరీరంలో ఉన్న ఫ్రీ రాడికల్స్ను తొలగించడంలో సహాయపడతాయి. దీని వల్ల క్యాన్సర్ వంటి తీవ్రమైన వ్యాధుల ప్రమాదం తక్కువవుతుంది. అలాగే శరీరంలోని మంటలను తగ్గించడంలో, శరీర అవయవాల పనితీరును మెరుగుపరిచే విషయంలో బొప్పాయి కీలక పాత్ర పోషిస్తుంది.
బరువు తగ్గాలనుకునే వారికి బొప్పాయి బెస్ట్
బొప్పాయి తినడం వల్ల నొప్పులు లేకుండా, తక్కువ క్యాలరీలతో కడుపు నిండినట్లు అనిపిస్తుంది. దీని వల్ల ఆహార పదార్థాలను అధికంగా తినాలనే కోరిక తగ్గుతుంది. ఖాళీ కడుపుతో తీసుకున్న బొప్పాయి శరీరంలోని కొవ్వును కరిగించడంలో సహాయపడుతుంది. దీనివల్ల బరువు తగ్గే ప్రక్రియకు సహకరిస్తుంది.
బొప్పాయి తినే సమయ సూచనలు
ఉదయం లేవగానే ఒక గ్లాస్ గోరువెచ్చని నీరు తాగిన తర్వాత 15–30 నిమిషాల గ్యాప్తో బొప్పాయి తినడం ఉత్తమం. టీ, కాఫీ తినే ముందు బొప్పాయిని తినాలి. బాగా పండిన బొప్పాయిని చిన్న ముక్కలుగా కోసుకుని నెమ్మదిగా నమిలి తినాలి. బొప్పాయి తిన్న తర్వాత కనీసం 30 నిమిషాలపాటు ఏదైనా ఆహారం తీసుకోకుండా ఉండటం ఉత్తమం.
Read also: Mango: రసాయనాలతో పండించిన మామిడి పండ్లను గుర్తించండి ఇలా..