ఆసియా, ఆఫ్రికా, అమెరికా వంటి ఖండాల్లో విస్తృతంగా ఉపయోగించే తాటి బెల్లం అనేక ఆరోగ్య ప్రయోజనాలను కలిగి ఉంది. ఒకప్పుడు ప్రతి ఇంట్లో వాడే ఈ సహజ చక్కెర పదార్థం, ఇప్పటికీ తన విలువను కోల్పోలేదు. తాజా తరానికి ఇది కొత్త విషయమే కావొచ్చు, కానీ ఆరోగ్య పరంగా ఇది నిజంగా అద్భుతమైన దివ్యౌషధం.
తాటి బెల్లం తయారీ – రసాయనాల లేని ప్రక్రియ
తాటి బెల్లాన్ని తయారు చేసే విధానం పూర్తిగా సహజంగా ఉంటుంది. దీనిలో ఎటువంటి రసాయనాలు కలిపే అవసరం ఉండదు. కాబట్టి, ఇది “ప్రాసెస్డ్ షుగర్” కంటే ఎంతో ఆరోగ్యకరమైన ప్రత్యామ్నాయం. తక్కువ గ్లైసెమిక్ ఇండెక్స్ ఉన్న ఈ బెల్లం, రక్తంలో చక్కెర స్థాయిని నిలుపుకోవడంలో సహాయపడుతుంది.
ఐరన్ సమృద్ధిగా ఉండే బెల్లం – రక్తహీనతకు చక్కటి పరిష్కారం
తాటి బెల్లంలో పుష్కలంగా ఉండే ఐరన్(Iran), రక్తహీనతను తగ్గించడంలో కీలకంగా పనిచేస్తుంది. దీనిని పాలలో కలిపి తినడం వల్ల హిమోగ్లోబిన్ స్థాయిలో మెరుగుదల సాధ్యమవుతుంది. ఇది ముఖ్యంగా మహిళలకు, పిల్లలకు ఎంతో మేలు చేస్తుంది.
ఎముకల బలానికి తాటి బెల్లం
పొటాషియం మరియు కాల్షియం (Calcium)వంటి ఖనిజాలు తాటి బెల్లంలో సమృద్ధిగా ఉండే కారణంగా, ఇది ఎముకలు, దంతాలు బలంగా ఉండేందుకు సహాయపడుతుంది. వృద్ధుల ఆరోగ్యానికి ఇది ఒక సహజమైన బలం ఇచ్చే పదార్థంగా చెబుతున్నారు.
జీర్ణవ్యవస్థకు మేలు చేసే సహజ టానిక్
తాటి బెల్లం జీర్ణశక్తిని మెరుగుపరచడంలో సహాయపడుతుంది. ఇందులో ఉన్న సహజ ఎంజైమ్స్ ప్రేగుల కదలికను మెరుగుపరచి, మలబద్ధకం, అజీర్ణం వంటి సమస్యల నుంచి ఉపశమనం కలిగిస్తాయి. రోజూ కొద్దిగా తినడం వల్ల జీర్ణవ్యవస్థ ఆరోగ్యంగా ఉంటుంది.
జలుబు, గొంతు నొప్పికి తాటి బెల్లం ఉపశమనం
పాత కాలంలో చిన్నపిల్లలకు జలుబు వచ్చినప్పుడు తాటి బెల్లాన్ని చికిత్సగా వాడేవారు. ఇది శ్లేష్మాన్ని బయటకు పంపించి శ్వాసకోశ సమస్యలను తగ్గిస్తుంది. బెల్లాన్ని నెయ్యితో కలిపి తీసుకోవడం వల్ల గొంతు నొప్పి నుంచి ఉపశమనం లభిస్తుంది.
నోటి పూతల నివారణకు సహాయం
పిల్లల్లో తరచుగా కనిపించే నోటి పూతలకు తాటి బెల్లం మంచి పరిష్కారం. ఏలకులు, బెల్లం పొడి కలిపి గాయాలపై పూయడం వల్ల నొప్పి తగ్గుతుంది. దీని యాంటీసెప్టిక్ లక్షణాలు నోటి శుభ్రతను కాపాడుతాయి.
డిటాక్స్ కోసం తాటి బెల్లం – శరీర శుభ్రతకు సహాయం
తాటి బెల్లం కాలేయాన్ని శుభ్రపరచడంలో సహాయపడుతుంది. శరీరంలోని విషపదార్థాలను బయటకు పంపి, రక్తాన్ని శుభ్రపరచుతుంది. ఇది రోగనిరోధక శక్తిని పెంచుతుంది, శరీరాన్ని ఉత్తమ స్థితిలో ఉంచుతుంది.ఈ బెల్లం పేగుల కదలికను నియంత్రించడంలో సహాయపడుతుంది. ఇది హాజీర్ణ సమస్యలు తగ్గించడమే కాక, పేగుల పని తీరు మెరుగుపరుస్తుంది. పొట్టను శుభ్రంగా ఉంచడంలో ఇది సహజ రీత్యా పని చేస్తుంది.
Read hindi newshindi.vaartha.com
Read also
