హిమోఫిలియా అంటే ఏమిటి? రాయల్ డిసీజ్ పై పూర్తి అవగాహన
ప్రపంచ హిమోఫిలియా దినోత్సవాన్ని ప్రతి ఏప్రిల్ 17న జరుపుకుంటారు. ఇది ఫ్రాంక్ ష్నాబెల్ పుట్టినరోజు సందర్భంగా 1989 నుండి ప్రారంభమైంది. ఫ్రాంక్ స్వయంగా హిమోఫిలియా రుగ్మతతో బాధపడుతూ, 1963లో ప్రపంచ హిమోఫిలియా ఫెడరేషన్ (WFH) అనే సంస్థను స్థాపించారు. ఇది లాభాపేక్షలేని అంతర్జాతీయ సంస్థగా, ప్రస్తుతం 147 దేశాల్లో కార్యకలాపాలు నిర్వహిస్తోంది.ఈ సంవత్సరం Hemophilia దినోత్సవ థీమ్ “అందరికీ అందుబాటులో ఉన్న ఆరోగ్య సంరక్షణ”. ఈ సందేశం ద్వారా అన్ని లింగాలకు సమాన వైద్య సేవలు అందాలని పిలుపునిచ్చారు. మహిళలు, బాలికలు కూడా ఈ రుగ్మతలతో బాధపడతున్నా, తక్కువ సేవలు అందడం ఆందోళన కలిగించే విషయం. అందువల్ల అవగాహన పెంచడం అవసరం.
హిమోఫిలియా ఎందుకు “రాయల్ డిసీజ్”?
హిమోఫిలియాను “రాయల్ డిసీజ్” అని పిలవడానికి ప్రధాన కారణం బ్రిటిష్ రాణి విక్టోరియాలో ఈ వ్యాధి ఉండడం. ఆమె ద్వారా ఈ వ్యాధి ఆమె వారసులకు వ్యాపించి ఇంగ్లాండ్, జర్మనీ, రష్యా, స్పెయిన్ వంటి రాజకుటుంబాలపై ప్రభావం చూపింది. దీనివల్ల ఇది రాజ కుటుంబాలలో కనిపించే వ్యాధిగా చరిత్రలో ప్రస్తావించబడింది. Hemophilia వంశపారంపర్యంగా వచ్చే జన్యుపరమైన రక్తస్రావ వ్యాధి. ఇది మూడు రకాలుగా ఉంటుంది – హిమోఫిలియా ఎ (Factor VIII లోపం), హిమోఫిలియా బి (Factor IX లోపం), హిమోఫిలియా సి. రక్తం గడ్డకట్టే ప్రోటీన్లు లేకపోవడం వల్ల రక్తస్రావం ఎక్కువ సేపు జరుగుతుంది. చిన్న గాయాలైనా, శస్త్రచికిత్స అయినా రక్తం ఆగకపోవచ్చు. మెదడులో, కీళ్లలో అంతర్గత రక్తస్రావం జరగడం వల్ల శాశ్వత నష్టం కలగవచ్చు
వ్యాధి తీవ్రత & భారతదేశంలో స్థితి
ప్రపంచవ్యాప్తంగా 4 లక్షల మందికి పైగా హిమోఫిలియా బాధితులు ఉన్నారని అంచనా. కానీ వారిలో 75% మందిని ఇప్పటికీ గుర్తించలేదు. భారతదేశంలో సుమారు 1.36 లక్షల మందికి Hemophilia ఉన్నట్టు నమ్ముతారు, కానీ నిజంగా ఇది ఇంకా ఎక్కువగా ఉండే అవకాశం ఉంది. వ్యాధి నిర్ధారణ లేకపోవడం వల్ల చాలా మంది చికిత్స పొందకుండానే ఉంటున్నారు.హిమోఫిలియా నివారించలేని వ్యాధి అయినా సరే, దీన్ని నియంత్రించేందుకు ఫ్యాక్టర్ ప్రోటీన్ ద్వారా చికిత్స అందిస్తారు. శస్త్రచికిత్సలకు ముందు వైద్యులకి తెలియజేయడం, సమతుల్య ఆహారం తీసుకోవడం, సాధ్యమైనంత వరకు గాయాలు కలుగకుండా జాగ్రత్తలు తీసుకోవడం అవసరం. సరైన వైద్య సహకారం ఉంటే హిమోఫిలియా ఉన్నవారు సాధారణ జీవితం గడపవచ్చు.
Read more : Inter : ఫెయిలైన విద్యార్థులకు స్పెషల్ క్లాసులు