ఈ మధ్య కాలంలో అధిక బరువు, ఉబ్బసం, జీర్ణ సంబంధిత సమస్యలు చాలా మందిని వేధిస్తున్నాయి. బరువు తగ్గేందుకు అనేక మంది డైట్, వ్యాయామం, డిటాక్స్ డ్రింక్స్ను అలవాటు చేసుకుంటున్నారు. ఈ క్రమంలో గ్రీన్ టీ మరియు మునగాకు టీ రెండూ విశేష ప్రాధాన్యం పొందాయి.
గ్రీన్ టీ – శక్తివంతమైన యాంటీఆక్సిడెంట్ల మూలం
గ్రీన్ టీలో కాటెచిన్లు మరియు కెఫిన్ (Caffeine)వంటి శక్తివంతమైన యాంటీఆక్సిడెంట్లు ఉంటాయి. ఇవి జీవక్రియను వేగవంతం చేసి శరీరంలోని టాక్సిన్లను బయటకు పంపిస్తాయి. ముఖ్యంగా, ఆకలిని నియంత్రించే గుణం గ్రీన్ టీలో ఉంటుంది. అంతేకాదు, థర్మోజెనిక్ ప్రభావం కారణంగా ఇది శరీరంలో వేడి ఉత్పత్తిని పెంచి ఫ్యాట్ బర్న్ వేగాన్ని పెంచుతుంది.
మునగాకు టీ – కెఫిన్ లేని సహజ పోషణ ధనం
మునగాకు టీ (Moringa Tea)పూర్తిగా కెఫిన్ లేని స్వభావం కలది. ఇది మోరింగా ఆకుల నుండి తయారవుతుంది. ఇందులో ఐరన్, కాల్షియం, విటమిన్ A, C, E, పొటాషియం వంటి పోషకాలు పుష్కలంగా ఉంటాయి. ఇది శరీరానికి అవసరమైన ఫైబర్ను అందించడంలోను, చిరుతిళ్ల నియంత్రణలోను ఎంతో ఉపయోగపడుతుంది.
గ్రీన్ టీ – వేగంగా ఫలితాల కోసం
ఒకవేళ మీరు తక్కువ సమయంలో బరువు తగ్గాలనుకుంటే, వ్యాయామంతో పాటు గ్రీన్ టీ తాగడం మంచి ఫలితాలను ఇస్తుంది. ఇది ఫ్యాట్ ఆక్సిడేషన్ను పెంచుతుంది. కేలరీలను వేగంగా బర్న్ చేయడంలో సహాయపడుతుంది. అయితే, దీనిలో కెఫిన్ ఉన్నందున, కొందరికి అసౌకర్యాన్ని కలిగించే అవకాశముంది.
మునగాకు టీ – నెమ్మదిగా కానీ దీర్ఘకాలిక ప్రయోజనాలతో
మునగాకు టీ తాగితే ఫలితాలు నెమ్మదిగా కనిపించవచ్చు, కానీ దీని ప్రభావం దీర్ఘకాలికంగా ఉంటుంది. ఇందులోని పోషకాలు శరీరాన్ని లోపల నుంచి ఆరోగ్యంగా ఉంచుతాయి. క్లోరోజెనిక్ ఆమ్లం వల్ల శరీరంలో చెడు కొలెస్ట్రాల్ ను తగ్గించడంలో, పేగుల శుభ్రతలో, ఇన్ ఫ్లమేషన్ తగ్గించడంలో ఇది ఉపయోగపడుతుంది.
కెఫిన్ వల్ల ఇబ్బందులు లేకపోతే గ్రీన్ టీ తాగడం ఉత్తమం. కానీ మీరు సహజమైన, కెఫిన్ లేని, పోషకాలతో నిండి ఉన్న పానీయం కోరుకుంటే, మునగాకు టీ సరైన ఎంపిక అవుతుంది.
Read hindi news: hindi.vaartha.com
Read Also: