నేటి కాలుష్య భరితమైన వాతావరణం, పోషకాహార లోపం, దుమ్ము, ధూళి కారణంగా యువతలో చాలామందికి ముఖంపై ముఖ్యంగా నుదుటిపై మొటిమలు, నల్ల మచ్చలు కనిపిస్తున్నాయి. వీటిని నిర్లక్ష్యం చేస్తే తక్కువ సమయంలోనే తీవ్రమైన చర్మ సమస్యలుగా మారే అవకాశం ఉంది. మార్కెట్లో లభించే కెమికల్ ఉత్పత్తులు తాత్కాలిక ఉపశమనం ఇవ్వగలిగినా, కొన్నిసార్లు దుష్ప్రభావాలు కలిగించే ప్రమాదం ఉంది. అందుకే, సహజ పదార్థాలతో సురక్షితమైన పద్ధతుల్లోనే ఈ సమస్యను ఎదుర్కోవాలని సౌందర్య నిపుణులు సూచిస్తున్నారు.
దాల్చిన చెక్క మరియు తేనె పేస్ట్
చర్మ సమస్యలకు ఇంటి వద్దే సరళమైన పరిష్కారం కావాలంటే, దాల్చిన చెక్క మంచి పరిష్కారం. ఇది సహజ యాంటీబాక్టీరియల్ గుణాలు కలిగి ఉంటుంది.
- 1 టీస్పూన్ దాల్చిన చెక్క పొడిని తీసుకుని
- అందులో 1 టీస్పూన్ తేనె కలపాలి
- తయారైన పేస్ట్ను నుదుటిపై మొటిమల మీద అప్లై చేయాలి
ఈ మిశ్రమాన్ని ప్రతిరోజూ వరుసగా 5–7 రోజులు ఉపయోగిస్తే, మొటిమలు స్పష్టంగా తగ్గుతున్నట్లు అనిపిస్తుంది.
గ్రీన్ టీ టోనర్ తో సహజ క్లీన్-అప్
చర్మాన్ని శుభ్రంగా, తాజాగా ఉంచే సహజ మార్గాల్లో ఒకటి గ్రీన్ టీ టోనర్(Green tea toner). ఇది చర్మానికి తేమను ఇచ్చే విధంగా పనిచేస్తుంది.
- 1 టీస్పూన్ గ్రీన్ టీ పొడిని తీసుకుని
- అందులో కొంత రోజ్ వాటర్ కలిపి, స్ప్రే బాటిల్లో భద్రపరచాలి
- ప్రతిరోజూ రాత్రి నిద్రించే ముందు ముఖానికి స్ప్రే చేయాలి
ఇది చర్మాన్ని డీటాక్స్ చేయడంలో సహాయపడుతుంది మరియు మొటిమల రాకను అడ్డుకుంటుంది.
పుదీనా & రోజ్ వాటర్ ప్యాక్
నుదుటిపై మొటిమలను తగ్గించడంలో పుదీనా ఆకులు అద్భుతంగా పనిచేస్తాయి. వీటిలో సహజ కూలింగ్ మరియు యాంటీ-ఇన్ఫ్లమేటరీ (Anti-inflammatory)గుణాలు ఉంటాయి.
- 10–12 పుదీనా ఆకులను మెత్తగా గ్రైండ్ చేసి
- అందులో కొద్దిగా రోజ్ వాటర్ కలపాలి
- ఈ పేస్ట్ను నుదుటిపై అప్లై చేసి, 15 నిమిషాల తర్వాత కడగాలి
ఈ చిట్కాను వారంలో 3–4 సార్లు పాటిస్తే మొటిమల శాతం కనబడదగ్గగా తగ్గుతుంది.
ఇవి తప్పకుండా జాగ్రత్త పడాలి!
- మొటిమల ప్రాంతాన్ని రుద్దటం, స్క్రబ్ చేయడం పూర్తిగా నివారించాలి
- చేతులు ముఖానికి తరచూ తాకకుండా చూసుకోవాలి
- మేకప్ ఉత్పత్తులను పూర్తిగా శుభ్రపరచకుండా వాడకూడదు
- తగినంత నీరు త్రాగడం, ఆరోగ్యకరమైన ఆహారం తీసుకోవడం ముఖ్యం
Read hindi news:hindi.vaartha.com
Read also:
