వేసవి కాలం ఉష్ణోగ్రతలు రోజురోజుకీ పెరుగుతున్నాయి. ఈ కాలంలో వృద్ధులకే కాదు, చిన్నపిల్లలకూ అసౌకర్యంగా ఉంటుంది. ముఖ్యంగా రాత్రిళ్లు వేడితో తలబొబ్బలయ్యే పరిస్థితి ఏర్పడుతుంది. దీంతో తల్లిదండ్రులు పిల్లల కోసం ఏసీ(AC) గదులను సిద్ధం చేస్తుంటారు. కానీ చిన్నపిల్లలు ఇంకా అభివృద్ధి చెందుతున్న దశలో ఉండటంతో, వారి శరీరం శరీర ఉష్ణోగ్రతల మార్పులకు తేలికగా స్పందిస్తుంది. అందువల్ల ఏసీ వాడకంలో కొన్ని కీలకమైన జాగ్రత్తలు తీసుకోకపోతే, అది ఆరోగ్య సమస్యలకు దారితీసే ప్రమాదం ఉంటుంది.
అధికంగా ఏసీ వాడితే వచ్చే సమస్యలు
ఏసీ గాలి నేరుగా పడకూడదు
ఏసీ గాలి నేరుగా శరీరంపై పడితే శరీర ఉష్ణోగ్రత అసమతుల్యతకు లోనవుతుంది. ఇది జలుబు, దగ్గు, ముక్కు కారడం వంటి శ్వాస సంబంధిత సమస్యలకు దారితీస్తుంది. ముఖ్యంగా రాత్రిపూట శరీరం విశ్రాంతిలో ఉండే సమయంలో, చలితో సంబంధిత ఇబ్బందులు ఎక్కువగా ఎదురు కావచ్చు. కాబట్టి ఏసీ వాయు ప్రవాహాన్ని గది మొత్తం చల్లదనం వచ్చేలా సర్దుకోవాలి కానీ నేరుగా పిల్లలపై ఉండకూడదు.
ఉష్ణోగ్రత నియంత్రణ చాలా ముఖ్యం
పిల్లల కోసం గది ఉష్ణోగ్రతను 24°C నుండి 26°C మధ్య ఉంచటం ఉత్తమం. ఇది శరీరానికి మితమైన చల్లదనాన్ని ఇస్తుంది, ఆరోగ్యాన్ని కాపాడుతుంది. చాలా తక్కువ ఉష్ణోగ్రత (18°C-22°C) ఉంచితే తక్షణంగా జలుబు లక్షణాలు కనిపించే అవకాశం ఉంటుంది. కొన్ని పిల్లలకు నిద్రలో దగ్గు రావడం, శ్వాస ఆడకపోవడం వంటి సమస్యలు ఎదురవుతాయి.
సౌకర్యవంతమైన దుస్తుల ఎంపిక
కాటన్ దుస్తులు వేసే అలవాటు పెడితే శరీరానికి గాలి చక్కగా చేరుతుంది. ఇవి తేమను గ్రహించి, చలి తక్కువగా ఉండేలా చేస్తాయి. శరీరానికి నిండుగా ఉండే కఠినమైన దుస్తులు చలిని పెంచి అసౌకర్యంగా చేయవచ్చు. నరసింహ వైద్య నిపుణుల అభిప్రాయం ప్రకారం, పిల్లలు మెత్తగా, గాలి చొరబడే దుస్తులు వేసుకోవడం ఆరోగ్యానికి మంచిదని తేలింది.
డీహైడ్రేషన్కు అవకాశం –
ఏసీ వాతావరణంలో ఉండే వేళ శరీరానికి బయటికి చలి ఉండే కావచ్చు, కానీ లోపల తేమ తగ్గిపోతుంది. ఈ తేమ తగ్గడం వలన పిల్లలకు డీహైడ్రేషన్ (Dehydration) వచ్చే ప్రమాదం ఉంది. పిల్లలు దాహంగా అనిపించకపోయినా, తరచూ నీరు, కొబ్బరి నీళ్లు, నిమ్మకాయ రసం వంటి ద్రవాలు ఇవ్వాలి. ఏసీ గదిలో పూర్తిగా డోర్లు, కిటికీలు మూసివేస్తే గదిలో గాలి సర్క్యులేషన్ నిలిచిపోతుంది. దీని వల్ల గాలి నాణ్యత తగ్గి, బాక్టీరియా, వైరస్లు గదిలోనే చేరి పిల్లల ఆరోగ్యానికి హానికరం అవుతాయి. కనుక కొంత భాగంలో వెంటిలేషన్ ఉండేలా చూసుకోవాలి. ఉదాహరణకు – కిటికీ ఓపెన్ మోడ్ లేదా ఎగ్జాస్ట్ ఫ్యాన్ వాడటం మంచిది.
ఏసీ ఫిల్టర్ల పరిశుభ్రతను నిలబెట్టాలి
ఏసీ ఫిల్టర్లలో ధూళి నిలిచిపోతే గాలిలో ఉండే సూక్ష్మ రేణువులు పిల్లల ఊపిరితిత్తులకు హాని చేస్తాయి. ఈ ధూళితో డస్ట్ అలర్జీ, అస్తమా లక్షణాలు, కంటి ఎరుపు వంటి సమస్యలు వస్తాయి. కనుక వారానికి ఒక్కసారి అయినా ఫిల్టర్లను శుభ్రం చేయడం అవసరం. పిల్లలు ఏసీ గదిలో ఒంటరిగా ఉండకూడదు. వారు నిద్రలో దుప్పటి విసిరివేయడం, నీరు అడగడం, కడుపు బిగించడం వంటి సమస్యలు ఎదుర్కొనవచ్చు. కనుక తల్లిదండ్రుల్లో ఒక్కరైన పిల్లల పక్కనే ఉండాలి.
ఏసీని సమయానికి ఆఫ్ చేయడం మంచిది
గది చల్లబడిన తరువాత పిల్లలు నిద్రలోకి వెళ్లిపోయాక ఏసీని ఆఫ్ చేయాలి. దీని వలన సహజ గాలి గదిలోకి ప్రవేశిస్తుంది. దీనితో పిల్లలు చలికి గురవకుండా ఆరోగ్యంగా నిద్రపోతారు. ఏసీ వాడకంలో జాగ్రత్తలు పాటిస్తే పిల్లలకు హాని కలగదు. పై చెప్పిన సూచనలను అనుసరిస్తే వేసవి కాలంలో పిల్లలు చల్లగా, సౌకర్యంగా, ఆరోగ్యంగా నిద్రపోవచ్చు.
Read also: Pumpkin: గుమ్మడికాయలో ఆయుర్వేద, ఆరోగ్య లాభాలు ఎన్నో?