సహజంగా నల్లని, ఒత్తయిన జుట్టు కోసం మందార మంత్రం
ప్రతీ అమ్మాయి కోరికే – పొడవైన, మృదువుగా, ఒత్తయిన, పట్టులాంటి నల్లని జుట్టు. కానీ ఆధునిక జీవనశైలి, పనుల ఒత్తిడి, పోషకాహార లోపం, రసాయన ఉత్పత్తుల వాడకం వంటి కారణాలతో జుట్టు సమస్యలు చిన్న వయసులోనే మొదలవుతున్నాయి. చాలా మంది మగ, ఆడ తేడా లేకుండా తెల్లజుట్టు, హెయిర్ఫాల్ సమస్యలతో బాధపడుతున్నారు. చిన్న వయసులోనే జుట్టు నెరిసిపోవడం, కుదుళ్ల బలహీనత, తలలో చుండ్రు వంటి సమస్యలు పలు కుటుంబాల్లో సాధారణమయ్యాయి. అయితే, ఈ సమస్యలకు చెక్ పెట్టే అద్భుతమైన ఆయుర్వేద పరిష్కారం మన పక్కన ఉండే మందార పువ్వు అని చాలా నిపుణులు చెబుతున్నారు. ఇది కేవలం అందాన్ని అందించడానికే కాదు, ఆరోగ్యకరమైన జుట్టును అందించడంలో అద్భుతంగా పనిచేస్తుంది.
మందారలోని పోషక గుణాలు – సహజమైన హెయిర్ టానిక్
మందార పువ్వులో విటమిన్ సి, ఫ్లావనాయిడ్స్, అమైనో ఆమ్లాలు, యాంటీ ఆక్సిడెంట్స్, యాంటీమైక్రోబయల్ గుణాలు పుష్కలంగా ఉంటాయి. ఇవి జుట్టుకు లోపలినుంచి పోషణను అందించి, కుదుళ్లను బలోపేతం చేస్తాయి. మందార తల చర్మంలో రక్త ప్రసరణను మెరుగుపరచడం ద్వారా, కొత్త జుట్టు మొలకెత్తడానికి సహాయపడుతుంది. పైగా, ఈ పువ్వులోని సహజ యాంటీ ఫంగల్ లక్షణాలు చుండ్రును నివారించి తల చర్మాన్ని శుభ్రంగా ఉంచుతాయి. దీని వాడకంతో జుట్టు రాలిపోవడం తక్కువై, నల్లగా, మెరిసేలా మారుతుంది. ముఖ్యంగా తెల్లజుట్టును సహజంగా నల్లగా మారుస్తుందని ఆయుర్వేద నిపుణులు చెబుతున్నారు.
ఇలా వాడితే అద్భుత ఫలితాలు
మందార పువ్వులను ఎంచుకొని వాటిని మెత్తగా పేస్ట్ చేయాలి. ఆ పేస్ట్ను శుద్ధమైన కొబ్బరి నూనెలో కలిపి, జుట్టు మూలాల నుండి చివర్ల వరకూ అప్లై చేయాలి. దీనిని 10 నిమిషాలు మసాజ్ చేసి, రాత్రంతా అలాగే వదిలేయాలి. ఉదయం మృదువైన షాంపూతో తలస్నానం చేయండి. ఈ ప్రక్రియను వారంలో రెండు సార్లు పాటిస్తే, రెండు వారాల్లోనే స్పష్టమైన మార్పును చూడవచ్చు. జుట్టు నల్లగా మారడం, మెరుపు రావడం, కుదుళ్లు బలపడటం మొదలవుతుంది.
ఇంకొక శక్తివంతమైన హేర్ మాస్క్ తయారీకి, మందార పేస్ట్ను పెరుగు మరియు కాఫీ పొడి కలిపి మిశ్రమాన్ని తయారు చేయాలి. దీన్ని 10 నిమిషాలు పక్కన ఉంచి, తర్వాత జుట్టుకు అప్లై చేసి 45 నిమిషాలు వదిలేయాలి. తరువాత నీటితో శుభ్రం చేయాలి. ఇది తెల్లజుట్టు మీద వెంటనే పని చేస్తుంది. మరొక విధంగా, మందార ఆకులు, పువ్వులను నీటిలో మరిగించి, ఆ నీటిని జుట్టు కడగడానికి ఉపయోగించవచ్చు. ఇది జుట్టుకు సహజ రంగును అందిస్తుంది. మందార టీ కూడా ఒక ప్రయోజనకరమైన పద్ధతి. ఖాళీ కడుపుతో మందార టీ తాగడం వల్ల శరీరానికి అవసరమైన పోషకాలు అందుతాయి, జుట్టు ఆరోగ్యంగా మారుతుంది.
పాతకాలపు పద్ధతులు – కొత్త పర్యవసానాలు
మన అమ్మమ్మల కాలంలోనే మందార వాడకం ఉండేది. కానీ ఇప్పుడు మళ్లీ ఆయుర్వేద శాస్త్రం ద్వారా ఇది ప్రధానంగా హైలైట్ అవుతోంది. సహజమైన ముసురు, మెరుపుతో కూడిన జుట్టు కావాలంటే, రసాయనాలకన్నా మందార ఉపయోగం అమూల్యమైందని నిపుణులు చెబుతున్నారు. జుట్టు సమస్యలు ఎన్ని ఉన్నా, మందారను కొబ్బరి నూనెతో కలిపి వాడటం ద్వారా సహజంగా పరిష్కారాలు లభిస్తాయి. ఇకపై మీ బ్యూటీ కెరియర్లో మందార పూలకు ప్రత్యేక స్థానం ఇవ్వండి.
Read also: Nose Bleeding: వేసవిలో ముక్కు నుంచి రక్తం కారితే ఎం చేయాలి?
