శీతాకాలం రాగానే మార్కెట్లలో తాటి తేగలు (గేగులు) విస్తృతంగా కనిపిస్తాయి. సహజ పౌష్టికాహారంగా ప్రసిద్ధి చెందిన ఈ తేగల్లో(Palm Sprouts) ఫైబర్ అధికంగా ఉండడం వల్ల జీర్ణవ్యవస్థకు మంచి మద్దతు లభిస్తుంది. వీటిలో విటమిన్లు, ఖనిజాలు పుష్కలంగా ఉండటంతో శరీరానికి కావలసిన అనేక పోషకాలు అందుతాయి.
రక్తహీనత, బరువును నియంత్రించడంలో సహాయకరం
తాటి తేగల్లో(Palm Sprouts) ఉన్న సహజ ఖనిజాలు రక్తహీనత నివారణలో సహాయపడతాయి. అంతేకాక, అధిక ఫైబర్ కారణంగా పొట్ట నిండిన భావన ఎక్కువసేపు ఉంటుంది కాబట్టి బరువును నియంత్రించుకోవాలనుకునేవారికి ఇవి మంచి ఎంపిక. తక్కువ గ్లైసెమిక్(Glycemic) విలువ కారణంగా షుగర్ ఉన్నవారూ పరిమితంగా తేగలను తీసుకోవచ్చు. ఇవి రక్తంలో చక్కెర స్థాయిలను ఒక్కసారిగా పెంచవు.
తాటి తేగల ఉత్పత్తి విధానం
తాటి గింజలు మొలకెత్తిన తర్వాత నేలలో నుంచి తవ్వి తీసే చిన్న మొలకలనే తేగలు అని అంటారు. సహజ రుచిని ఇష్టపడేవారికి ఇది ప్రత్యేకమైన రుచికరమైన ఆహారం.
Read hindi news: hindi.vaartha.com
Epaper: epaper.vaartha.com
Read Also: