మజ్జిగ అనేది ప్రాచీన కాలం నుంచి ఆరోగ్యానికి మేలు చేసే పానీయంగా ప్రసిద్ధి చెందింది. ఇందులో కాల్షియం, ప్రోటీన్, విటమిన్ B2, B12 (Vitamin B2, B12), అలాగే పొటాషియం, ఫాస్ఫరస్, జింక్, అయోడిన్, ప్రోబయోటిక్స్ వంటి పుష్కలమైన పోషకాలు ఉంటాయి. ఇవన్నీ శరీరానికి అవసరమైన ముఖ్యమైన పోషకాలుగా పరిగణించబడతాయి.
ప్రోబయోటిక్స్ పేగుల ఆరోగ్యానికి తోడ్పడతాయి
మజ్జిగ (Buttermilk) లో ఉండే ప్రోబయోటిక్స్ శరీరంలో మంచి బ్యాక్టీరియాను పెంపొందించి, పేగుల ఆరోగ్యాన్ని మెరుగుపరచడానికి సహాయపడతాయి. దీని వల్ల జీర్ణక్రియ మెరుగవుతుంది, ఇన్ఫెక్షన్లకు తట్టుకోగల శక్తి పెరుగుతుంది.
ఎముకల బలానికి మజ్జిగ ఉపయోగం
మజ్జిగ (Buttermilk) లో ఉన్న కాల్షియం మరియు ప్రోటీన్ ఎముకలకు బలం ఇస్తాయి. దీనివల్ల ఒస్టియోపోరోసిస్ వంటి ఎముకల సమస్యలకు దూరంగా (bone problems) ఉండవచ్చు. మజ్జిగను రోజూ తీసుకోవడం ద్వారా శరీరం మొత్తం ఆరోగ్యంగా ఉంటుంది.
రాత్రి మజ్జిగ తాగితే ఏమౌతుంది?
పలువురు నిపుణుల అభిప్రాయం ప్రకారం, రాత్రిపూట నిద్రకు ముందు మజ్జిగ తాగడం వల్ల అనేక ప్రయోజనాలు ఉంటాయి. మజ్జిగలో ఉండే ట్రిప్టోఫాన్ అనే అమైనో ఆమ్లం శరీరాన్ని రిలాక్స్ చేసి, మంచి నిద్రకు తోడ్పడుతుంది. దీని వల్ల నిద్రలేమి సమస్య తగ్గుతుంది.
బరువు తగ్గాలనుకునేవారికి మంచిది
బరువు తగ్గాలనుకునేవారు రాత్రిపూట మజ్జిగ తీసుకుంటే, దానిలోని ప్రోటీన్ మరియు కాల్షియం వలన ఎక్కువసేపు ఆకలి వేయదు. ఇది రాత్రుళ్లు అనవసరంగా తినకుండా అడ్డుకుంటుంది. అంతేకాదు, మజ్జిగ తాగిన తర్వాత కడుపు నిండినట్టు అనిపిస్తుంది, తద్వారా కలరీలు తగ్గిపోతాయి.
వేసవిలో మజ్జిగ తీసుకోవడం వల్ల ఉపయోగాలు
వేసవి కాలంలో మజ్జిగ తాగడం శరీరాన్ని చల్లగా ఉంచుతుంది. ఇది శరీర ఉష్ణోగ్రతను నియంత్రించి, డీహైడ్రేషన్ నుండి రక్షిస్తుంది. వేసవిలో రోజుకు ఒకసారి మజ్జిగ తాగితే, శరీరానికి తడి, తేలికపాటి శక్తి లభిస్తుంది.
జీర్ణక్రియ మెరుగవ్వాలంటే..
మజ్జిగలో జీలకర్ర, నల్ల మిరియాలు కలిపి తీసుకుంటే జీర్ణక్రియ బాగా మెరుగవుతుంది. ఇది వాంతులు, అజీర్ణం, గ్యాస్ వంటి సమస్యలను తగ్గించడంలో సహాయపడుతుంది. మెటాబాలిజాన్ని పుంజించటం ద్వారా బరువు తగ్గించడంలో కూడా ఇది ఓ అద్భుతమైన సహాయకారి.
రోజూ మజ్జిగను మన ఆహారంలో భాగంగా చేసుకోవడం ద్వారా ఆరోగ్యానికి అనేక లాభాలు పొందవచ్చు. ముఖ్యంగా రాత్రిపూట తగిన మోతాదులో తీసుకుంటే నిద్ర, బరువు తగ్గింపు, జీర్ణక్రియ వంటి విషయాల్లో ఎంతో మేలు జరుగుతుంది. అయితే, ఏ ఆహారాన్ని అయినా పరిమితిగా, సరైన సమయానికి తీసుకోవడమే ఉత్తమం.
Read hindi news: hindi.vaartha.com
Read also:
