Ananya Pandey : బాలీవుడ్ యంగ్ బ్యూటీ అనన్య పాండే తన వ్యక్తిగత జీవితానికి సంబంధించి మళ్లీ వార్తల్లో నిలిచారు. గత కొంతకాలంగా మోడల్, మోడల్-బిజినెస్‌మ్యాన్ వాకర్ బ్లాంకోతో ప్రేమలో ఉన్నట్లు ప్రచారం సాగుతుండగా, తాజాగా ఈ జంట విడిపోయినట్లు బీటౌన్ వర్గాల్లో ఊహాగానాలు వినిపిస్తున్నాయి. రెండేళ్ల క్రితం జరిగిన అనంత్ అంబానీ – రాధికా మర్చంట్ ల్యాండ్‌మార్క్ వివాహ వేడుకల్లో వీరిద్దరికీ మొదటిసారి పరిచయం ఏర్పడిందని, అది కాస్తా ప్రేమగా మారిందని బాలీవుడ్ సమాచారం. తమ బంధాన్ని అధికారికంగా ప్రకటించనప్పటికీ, పలు వేడుకల్లో కలిసి కనిపించడం, సోషల్ మీడియా వేదికగా పరోక్షంగా పోస్టులు పెట్టడంతో వీరి లవ్ ట్రాక్ నిజమేనని అభిమానులు భావించారు.
Read Also : వివాదంలో కృతి డ్రెస్సింగ్!
పరస్పర అంగీకారంతో నిర్ణయం: దారితీసిన పరిస్థితులు
గత రెండేళ్లుగా సాగిన ఈ ప్రేమబంధానికి స్వస్తి చెప్పాలని అనన్య పాండే నిర్ణయించుకున్నట్లు బి-టౌన్ కథనాలు పేర్కొంటున్నాయి. వారం రోజుల క్రితమే ఈ బంధం నుంచి బయటకు రావాలని ఆమె భావించారని, ఇద్దరి మధ్య అభిప్రాయ భేదాలు రావడంతో పరస్పర అంగీకారంతోనే విడిపోవాలని నిర్ణయించుకున్నట్లు తెలుస్తోంది. ప్రస్తుతం అనన్య పాండే తన పూర్తి దృష్టిని బాలీవుడ్ సినిమాలపైనే కేంద్రీకరించాలని భావిస్తున్నారని ఆమె సన్నిహిత వర్గాలు అంటున్నాయి. ఈ బ్రేకప్ వార్తలపై ఇప్పటివరకు అనన్య లేదా వాకర్ బ్లాంకోల నుంచి ఎలాంటి అధికారిక స్పందన రానప్పటికీ, ఈ వార్త ప్రస్తుతం సోషల్ మీడియాలో విపరీతంగా వైరల్ అవుతోంది.
Read Also hindi news: hindi.vaartha.com
Read Also Epaper : epaper.vaartha.com
Read Also :