భారత్, పాకిస్థాన్ దేశాలకు అమెరికా అధ్యక్షుడు డొనాల్డ్ ట్రంప్ హితవు పలికారు. రెండోసారి అధ్యక్ష పదవిని చేపట్టిన తరువాత ఆయన చేపట్టిన మొదటి ప్రధాన విదేశీ పర్యటనలో భాగంగా మంగళవారం ఆయన సౌదీ అరేబియాలో మాట్లాడారు.రియాద్లో జరిగిన సమావేశంలో సౌదీ క్రౌన్ ప్రిన్స్ మహమ్మద్ బిన్ సల్మాన్ సమక్షంలో ట్రంప్ ఈ కీలక వ్యాఖ్యలు చేశారు. “ఇటీవలి రోజుల్లో భారత్, పాకిస్థాన్ మధ్య ఉద్రిక్తతలు తీవ్రమవుతున్న వేళ, నా ప్రభుత్వం చారిత్రాత్మక కాల్పుల విరమణ ఒప్పందాన్ని సాధించింది. ఆ సమయంలో వాణిజ్యాన్ని ఒక శాంతియుత ఆయుధంగా వాడాం,” అని ట్రంప్ తెలిపారు.”ఒక ఒప్పందం చేద్దాం, కొంత వర్తకం చేద్దాం. మీరు తయారుచేసే అందమైన వస్తువులను పరస్పరం తీసుకునేలా చూద్దాం. అణు క్షిపణులు, యుద్ధం, విధ్వంసం మానుదాం,” అని Donald Trump చెప్పారు.
ఈ మాటలు భారతదేశానికి, పాకిస్థాన్కు తాను చెప్పినదేనని ఆయన అన్నారు.ఈ చర్చలు విజయవంతం కావడంలో అమెరికా విదేశాంగ మంత్రి మార్కో రూబియో పాత్రను ట్రంప్ ప్రత్యేకంగా ప్రశంసించారు. ‘‘చిన్న గొడవగా మొదలై, పెద్ద యుద్ధంగా మారే ప్రమాదం ఉండేది. లక్షలాది ప్రజల ప్రాణాలు ప్రమాదంలో పడే పరిస్థితి ఏర్పడేది. కానీ, సమయోచిత చర్యలతో దాన్ని నివారించగలిగాం,” అని ఆయన వివరించారు.ఇరు దేశాల్లో శక్తివంతమైన నాయకత్వం ఉండటమే ఈ పరిణామానికి కారణమని ట్రంప్ అభిప్రాయపడ్డారు.
‘‘భారత్లో, పాకిస్థాన్లో తెలివిగల, ధైర్యమైన నాయకులు ఉన్నారు.వారి వల్లే సమస్య పరిష్కారమైంది,” అని అన్నారు.ఇక ఈ వివాదంపై భారత ప్రభుత్వ వర్గాలు మాత్రం కొంచెం భిన్నంగా స్పందించాయి. ఇరుదేశాల మధ్య ఏర్పడిన అవగాహనే శాంతికి దారితీసిందని స్పష్టం చేశాయి. కానీ, ప్రపంచానికి శాంతిని చాటే నాయకుడిగా తన పాత్రను ట్రంప్ మరోసారి నొక్కిచెప్పారు.అంతేకాక, రష్యా–ఉక్రెయిన్ మధ్య జరుగుతున్న యుద్ధాన్ని ముగించేందుకు తాను చేస్తున్న శ్రమను కూడా ట్రంప్ ఈ సందర్భంలో వివరించారు. “ప్రపంచం ఇప్పుడు యుద్ధాలకు కాదు, చర్చలకు అవసరం ఉంది,” అని ట్రంప్ పేర్కొన్నారు.
Read Also : Sindhu Water Treaty : సింధూ జలాల నిలిపివేత ఒప్పందం కొనసాగుతుంది..
