ఇండియన్ ప్రీమియర్ లీగ్ (ఐపిఎల్ ) 2025లో అత్యంత ఆసక్తికరమైన పోరు చెన్నై సూపర్ కింగ్స్ ( సిఎస్ కె) ,ముంబై ఇండియన్స్ (ఎంఐ) మధ్య చెపాక్ మైదానంలో జరగనుంది. ఈ రెండు జట్లు ఇప్పటివరకు ఐపీఎల్‌లో అత్యధిక టైటిళ్లు గెలుచుకున్నాయి. కొత్త కెప్టెన్లతో బరిలోకి దిగుతున్న ఈ జట్లకు ఈ మ్యాచ్ చాలా కీలకం.చపాక్ మైదానం స్పిన్నర్లకు అనుకూలంగా ఉండటంతో సిఎస్ కె తమ బలాన్ని ఉపయోగించుకునే అవకాశం ఉంది.
కొత్త కెప్టెన్లు
ఇండియన్ ప్రీమియర్ లీగ్ (ఐపిఎల్ ) 2024 సీజన్ సిఎస్ కె , ఎంఐ జట్లకు నిరాశనే మిగిల్చింది. ముంబై ఇండియన్స్ గత సీజన్‌లో చివరి స్థానానికి పడిపోయింది. ఇక సిఎస్ కె తృటిలో ప్లేఆఫ్ అవకాశాన్ని కోల్పోయింది. ఐపిఎల్ 2025లో రుతురాజ్ గైక్వాడ్ సిఎస్ కె కి, సూర్యకుమార్ యాదవ్ ఎంఐకి కొత్త కెప్టెన్లుగా నియమితులయ్యారు. ఈ మార్పులతో రెండు జట్లు కొత్త వ్యూహాలతో బరిలోకి దిగనున్నాయి.అయితే, ముంబై జట్టుకు ప్రారంభంలో కొన్ని కష్టాలు తప్పేలా లేవు. హార్దిక్ పాండ్యా ఓవర్‌రేట్ కారణంగా ఈ మ్యాచ్‌కు అందుబాటులో ఉండకపోవడం, ప్రధాన బౌలర్ జస్ప్రిత్ బుమ్రా గాయం కారణంగా ఏప్రిల్ వరకు ఆడే అవకాశమిలేకపోవడం ముంబైకు పెద్ద ఎదురుదెబ్బ.
చెపాక్ మైదానం
చెపాక్ మైదానం స్పిన్నర్లకు అనుకూలంగా ఉంటుందని క్రికెట్ విశ్లేషకులు అంచనా వేస్తున్నారు. సిఎస్ కె తరపున రవిచంద్రన్ అశ్విన్, రవీంద్ర జడేజా, నూర్ అహ్మద్ లాంటి స్పిన్నర్లు అందుబాటులో ఉండటం జట్టుకు కలిసొచ్చే అంశం.ముంబై జట్టులో ముజీబ్ ఉర్ రెహమాన్, మిచెల్ సాంట్నర్ లాంటి స్పిన్నర్లు ఉన్నప్పటికీ, బుమ్రా లేని లోటును భర్తీ చేయడం ముంబై బౌలింగ్ కి సవాలుగా మారింది.
కొత్త ఆటగాళ్లు
ఈ సీజన్‌లో సిఎస్ కె,ఎంఐ కొత్త ఆటగాళ్లపై భారీగా ఆశలు పెట్టుకున్నాయి. సిఎస్ కె తరపున అన్షుల్ కాంబోజ్ కొత్త బౌలర్‌గా అవకాశాన్ని అందుకోవచ్చు. ముంబై ఇండియన్స్ తరపున కార్బిన్ బాష్, ర్యాన్ రికెల్టన్ లాంటి ఆటగాళ్లు హార్దిక్ లేకున్నా జట్టుకు సపోర్ట్ అందించేందుకు సిద్ధంగా ఉన్నారు.
స్కోర్ ప్రిడిక్షన్
చెపాక్ మైదానంలో మొదటి ఇన్నింగ్స్‌లో 170+ స్కోరు పోటీతత్వమైనదిగా పరిగణించబడుతుంది. ముంబై బ్యాటింగ్ లోతును పరీక్షించాల్సి ఉంటుంది, అదే సమయంలో సిఎస్ కె తమ స్పిన్ బలాన్ని ఉపయోగించేందుకు ప్రయత్నించనుంది. ఈ మ్యాచ్‌లో విజయావకాశాలు 60% సిఎస్ కె వైపు ఉండే అవకాశముంది.ముంబై కెప్టెన్సీ బాధ్యతలు స్వీకరించిన సూర్యకుమార్ యాదవ్ తన బ్యాటింగ్ ఫామ్‌ను పునరుద్ధరించుకోవాల్సిన అవసరం ఉంది. అతను చివరి ఐదు టి20 ఇన్నింగ్స్‌లలో 15 పరుగులు దాటలేదు, ఇది ముంబై అభిమానులను ఆందోళనకు గురిచేస్తోంది. 2023లో చెన్నైలో సిఎస్ కె బౌలర్ల చేతిలో కష్టాలు ఎదుర్కొన్న ఎస్కేవై ఈసారి మెరుగైన ప్రదర్శన ఇవ్వగలడా అన్నది ప్రశ్నగా మారింది.చెపాక్ మైదానంలో సిఎస్ కె తమ స్పిన్ బలాన్ని ఉపయోగించుకుంటే విజయం సాధించే అవకాశం ఎక్కువగా ఉంది. మరొకవైపు, ముంబై ఇండియన్స్ కఠినమైన పిచ్‌పై తమ బ్యాటింగ్ సామర్థ్యాన్ని నిరూపించుకోవాలి. ఈ మ్యాచ్‌లో నువ్వా-నేనా అన్నట్టు హోరాహోరీ పోటీ జరగనుంది.
మార్చి ప్రారంభం నుంచే ఎండలు మండిపోతున్నాయి. ఈ సీజన్‌లో ప్రజలు దాహం తీర్చుకునేందుకు శీతలపానీయాలకు ఎక్కువగా మొగ్గు చూపుతుంటారు. అయితే, మందుబాబుల కోసం ఉత్తర ప్రదేశ్‌లోని వైన్ Read more
శ్రీహరికోట : శ్రీహరికోట నుండి ఇస్రో ప్రయోగించిన పి ఎస్ ఎల్ వి - సి 59 ప్రయోగం విజయవంతం అయ్యింది. అంతరిక్ష కక్షలోకి చేరిన ప్రోబా Read more
జమ్ము కశ్మీర్‌లోని రాజౌరీ జిల్లాలోని బుధాల్ గ్రామంలో అంతుచిక్కని మరణాలు సంభవిస్తున్న విషయం అందరికీ తెలిసిందే. అయితే నెలన్నర రోజుల వ్యవధిలోనే మొత్తంగా 17 మంది ప్రాణాలు Read more
టీ20 సిరీస్‌లో ఇంగ్లాండ్ జట్టును 1-4 తేడాతో చిత్తుగా ఓడించి ఇప్పుడు వన్డే సిరీస్‌లో అదే విజయాన్ని కొనసాగించాలని టీమ్ ఇండియా చూస్తోంది. ఈ సిరీస్‌లో విరాట్ Read more