మహారాష్ట్రలోని పుణెలో మరో దారుణ ఘటన వెలుగుచూసింది. డెలివరీ బాయ్గా ఇంట్లోకి ప్రవేశించిన ఓ వ్యక్తి, యువతిపై లైంగిక దాడికి పాల్పడిన ఘటన స్థానికంగా కలకలం రేపుతోంది. పోలీసులు తెలిపిన వివరాల ప్రకారం బాధితురాలు మహారాష్ట్ర పుణెలోని ఓ పాష్ అపార్ట్మెంట్లో నివాసం ఉంటుంది. ఓ ప్రైవేటు కంపెనీలో పని చేస్తుంది. ఈక్రమంలో బుధవారం రాత్రి 7.30 గంటలకు నిందితుడు డెలివరీ బాయ్ (Delivery boy) నంటూ మహిళ నివాసం ఉండే ప్లాట్ దగ్గరకు వచ్చాడు. బ్యాంక్ నుంచి మీకు కొరియర్ వచ్చిందని చెప్పాడు. బాధితురాలి మొబైల్ నంబర్కి ఓటీపీ వస్తుంది.అది చెప్పమని అడిగాడు.దీంతో బాధితురాలు తన మొబైల్లో ఓటీపీ చెక్ చేయడం కోసం లోపలికి వెళ్లింది. ఇదే అవకాశంగా భావించిన ఆ వ్యక్తి ఇంట్లో దూరి ఆమెపై అత్యాచారం చేశాడు. ఆతర్వాత ఇంటి నుంచి వెళ్తూ బాధితురాలి మొబైల్లో సెల్ఫి దిగి మళ్లీ కలుద్దాం అని మెసేజ్ పెట్టి వెళ్లాడు.
సమాచారం తెలిసిన వెంటనే పోలీసులు
అయితే నిందితుడు బాధితురాలి మీద కెమికల్ స్ప్రే చేసి ఆమె స్పృహ కోల్పోయేలా చేసి ఆ తర్వాత అత్యాచారానికి ఒడిగట్టి ఉంటాడని భావిస్తున్నారు. సుమారు గంట పాటు ఆమె స్పృహ కోల్పోయిందని తెలిసింది.రాత్రి 8.30 ప్రాంతంలో బాధితురాలికి (victim) మెలకువ రావడంతో జరిగిన దారుణం గురించి తన బంధువులకు సమాచారం అందించింది. వారు వెంటనే పోలీసులకు తెలిపారు. సమాచారం తెలిసిన వెంటనే పోలీసులు సంఘటనా స్థలానికి చేరుకుని కేసు నమోదు చేశారు. బాధితురాలు నిందితుడిని గుర్తించే స్థితిలో లేదు. దీంతో పోలీసులు ఆ ప్రాంతంలో ఉన్న సీసీటీవీ ఫుటేజ్ ఆధారంగా నిందితుడి ఆచూకీ గుర్తించడం కోసం ప్రయత్నాలు చేస్తున్నారు.
యువతులు జాగ్రత్తగా ఉండాలని ప్రతి ఒక్కరిని నమ్మవద్దని
బాధితురాలికి ఓ సోదరుడు కూడా ఉన్నాడని అతడు పని నిమిత్తం బయటకు వెళ్లాడని ఆ సమయంలోనే ఈ దారుణం చోటు చేసుకుందని పోలీసులు తెలిపారు. ఒంటరిగా ఇళ్లల్లో ఉండే మహిళలు, యువతులు జాగ్రత్తగా ఉండాలని ప్రతి ఒక్కరిని నమ్మవద్దని పూర్తిగా తెలుసుకున్న తర్వాతే ఎవరినైనా ఇంట్లోకి అనుమతించాలని ఏమాత్రం అనుమానాస్పదంగా ఉన్నా పోలీసులకు సమాచారం అందించాలని సూచించారు.ఈ ఘటన పుణే (Pune) నగరంలో మహిళల భద్రతపై మరోసారి ప్రశ్నలు ఎత్తుతోంది. డెలివరీ బాయ్గా వచ్చి ఈ స్థాయిలో దారుణానికి ఒడిగట్టడం, స్పృహ కోల్పోయేలా కెమికల్ స్ప్రే వాడటం వంటి అంశాలు కేసును మరింత భయానకంగా మార్చాయి.
Read Hindi: hindi.vaartha.com
Read Also: Tungabhadra Dam : తుంగభద్ర డ్యామ్ 12 గేట్లు ఎత్తివేత