Mancherial crime: ప్రేమించి పెళ్లి చేసుకుంటాడన్న నమ్మకం ఆ యువతి పాలిట మృత్యుపాశమైంది. ఒక వ్యక్తి చేసిన మోసం, అనాలోచితంగా తీసుకున్న అబార్షన్ నిర్ణయం చివరకు ఒక నిండు ప్రాణాన్ని బలితీసుకుంది. మంచిర్యాల జిల్లా తాండూర్ మండలంలో చోటుచేసుకున్న ఈ ఘటన స్థానికంగా తీవ్ర సంచలనం సృష్టించింది.
Read Also: Delhi Crime: ఆరేళ్ల చిన్నారిపై సామూహిక అత్యాచారం
వివరాల్లోకి వెళితే
తాండూర్ మండల కేంద్రానికి చెందిన అక్కెపల్లి భాగ్యలక్ష్మి (24) అనే యువతికి, అదే ప్రాంతానికి చెందిన గట్టు జగదీశ్ అనే యువకుడితో పరిచయం ఏర్పడింది. ఆ పరిచయం కాస్తా ప్రేమగా మారింది. పెళ్లి చేసుకుంటానని నమ్మించిన జగదీశ్, ఆమెను లొంగదీసుకుని గర్భవతిని చేశాడు. తీరా గర్భం దాల్చిన విషయం తెలిశాక, పెళ్లికి నిరాకరించిన జగదీశ్.. అబార్షన్(abortion death) చేయించుకోవాలని ఆమెపై ఒత్తిడి తెచ్చాడు.
నగరాల చుట్టూ తిప్పినా దక్కని ప్రాణం
గర్భాన్ని తొలగించే ప్రయత్నంలో భాగంగా జగదీశ్ బాధితురాలిని తొలుత హైదరాబాద్కు తీసుకువెళ్లాడు. అక్కడ అబార్షన్ కోసం చేసిన ప్రయత్నం విఫలమైంది. అయినప్పటికీ వెనక్కి తగ్గకుండా, ఆమెను కర్నూలుకు తరలించి మరోసారి గర్భవిచ్ఛిత్తికి ప్రయత్నించాడు. ఈ క్రమంలో చికిత్స వికటించి భాగ్యలక్ష్మికి తీవ్ర రక్తస్రావం జరిగింది. పరిస్థితి విషమించడంతో ఆమె గురువారం మృతి చెందింది. ప్రేమించిన వ్యక్తి చేతిలో మోసపోవడమే కాకుండా, సరైన వైద్యం అందక ఆ యువతి ప్రాణాలు వదలడం అందరినీ కలిచివేసింది.
కుటుంబ సభ్యుల ఫిర్యాదు
తమ సోదరి మరణానికి జగదీశ్ కారణమంటూ మృతురాలి అన్న కుమారస్వామి స్థానిక పోలీస్ స్టేషన్లో ఫిర్యాదు చేశారు. బాధితురాలి కుటుంబ సభ్యుల ఫిర్యాదు మేరకు నిందితుడిపై కేసు నమోదు చేసినట్లు ఇన్-చార్జి ఎస్ఐ సౌజన్య తెలిపారు. ప్రస్తుతం పోలీసులు ఈ కేసును అన్ని కోణాల్లో దర్యాప్తు చేస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
