హైదరాబాద్ శివారు శంషాబాద్ పరిధిలోని పెదతూప్ర గ్రామానికి చెందిన పి. ప్రవీణ్ గౌడ్ (32) స్థానికంగా ఒక ప్రైవేటు కంపెనీలో ఉద్యోగం చేస్తున్నాడు. కొన్ని నెలలుగా అతని కుటుంబ సభ్యులు ప్రవీణ్కు తగిన వధువు కోసం తీవ్రంగా ప్రయత్నిస్తున్నారు. అయితే, వారు చూసిన అనేక సంబంధాలు వివిధ కారణాల వల్ల కొలిక్కి రాలేదు.దీంతో వరుసగా ఎదురవుతున్న ఈ పరిణామాలతో ప్రవీణ్ తీవ్ర నిరాశకు గురయ్యాడు. పెళ్లి విషయంలో ఎదురవుతున్న అడ్డంకులను తట్టుకోలేక తీవ్ర మనోవేదనకు గురయ్యాడు. ఈ క్రమంలోనే జీవితంపై విరక్తి చెందిన ప్రవీణ్, ఇంట్లో ఎవరూ లేని సమయంలో సీలింగ్ ఫ్యాన్కు ఉరి వేసుకుని ఆత్మహత్య చేసుకున్నాడు.
దర్యాప్తు
ఈ ఘటనపై సమాచారం అందుకున్న స్థానిక పోలీసులు సంఘటనా స్థలానికి చేరుకుని వివరాలు సేకరించారు. మృతదేహాన్ని పోస్టుమార్టం నిమిత్తం ఆసుపత్రికి తరలించారు. కుటుంబ సభ్యుల ఫిర్యాదు మేరకు కేసు నమోదు చేసుకుని దర్యాప్తు ప్రారంభించారు. వివాహ విషయంలో సమాజంలో నెలకొన్న ఒత్తిళ్లు, అంచనాలు నెరవేరనప్పుడు యువత ఎంతటి మానసిక వేదనకు గురవుతారో ఈ ఘటన తెలియజేస్తోందని పలువురు ఆవేదన వ్యక్తం చేస్తున్నారు.
Read Also: Andhra Pradesh: బంగారు బిస్కెట్ల పేరుతో ఘరానా మోసం..లబోదిబోమంటున్న భాదితులు
