కరోనా వైరస్‌తో ప్రపంచం ఇబ్బంది పడిన తర్వాత, ఇప్పుడు హెచ్‌ఎంపీవీ (HMPV) అనే కొత్త వైరస్ భయాన్ని పెంచుతోంది. చైనాలో వేగంగా వ్యాప్తి చెందిన ఈ వైరస్, జపాన్‌లో కూడా తన ప్రభావం చూపుతుంది. ప్రపంచ వ్యాప్తంగా దేశాలు ఈ వైరస్‌పై అప్రమత్తమవుతుండగా, తెలంగాణ ప్రభుత్వం కూడా ముందస్తు చర్యలు తీసుకోవాలని నిర్ణయించింది. సీఎం రేవంత్ రెడ్డి నేతృత్వంలో రాష్ట్ర ప్రభుత్వం ప్రజలకు ఆరోగ్య సూచనలు జారీ చేసింది.
తెలంగాణ వైద్యారోగ్య శాఖ ఈ వైరస్‌పై ముందుగానే చైతన్యం కలిగించింది. ఫ్లూ లక్షణాలు ఉన్నవారు మాస్కులు ధరించాలని, జన సమూహాలకు దూరంగా ఉండాలని సూచించింది. ఇప్పటి వరకు రాష్ట్రంలో హెచ్‌ఎంపీవీ కేసులు నమోదుకాలేదని, అయినా జాగ్రత్తలు తీసుకోవాలని స్పష్టం చేసింది. ముఖ్యంగా దగ్గు, జలుబు, జ్వరంతో బాధపడేవారు మరింత అప్రమత్తంగా ఉండాలని సూచించారు.
హెచ్‌ఎంపీవీ వైరస్ లక్షణాలు సాధారణ ఫ్లూ, ఇతర శ్వాసకోశ ఇన్ఫెక్షన్ల మాదిరిగానే ఉంటాయని నిపుణులు చెబుతున్నారు. దగ్గు, జ్వరం, ముక్కు దిబ్బడ, శ్వాసలో ఇబ్బంది వంటి లక్షణాలు కనిపిస్తాయి. రోగనిరోధక శక్తి తక్కువగా ఉన్న చిన్నారులు, వృద్ధులు ఈ వైరస్ భారిన పడే ప్రమాదం ఎక్కువని వైద్య నిపుణులు హెచ్చరిస్తున్నారు.
ఈ వైరస్ తీవ్రత ఎక్కువగా ఉంటే బ్రాంకైటిస్, నిమోనియాకు దారితీసే అవకాశం ఉందని చెబుతున్నారు. లక్షణాలు కనిపించడానికి 3-6 రోజులు పడుతుందని తెలిపారు. ఈ నేపథ్యంలో ప్రజలు వ్యక్తిగత పరిశుభ్రత పాటించడంతో పాటు, స్వల్ప లక్షణాలు ఉన్నా వైద్యుల సలహా తీసుకోవాలని సూచించారు. హెచ్‌ఎంపీవీ ప్రభావం ఎక్కువ కాకుండా నిరోధక చర్యలు తీసుకోవడంలో ప్రజలు ప్రభుత్వానికి సహకరించాలన్నారు. సీఎం రేవంత్ ప్రజలను భయపడకుండా ఉండాలని, కానీ అనవసర రిస్క్‌లు తీసుకోవద్దని సూచించారు. తెలంగాణ ప్రభుత్వం వైద్య సదుపాయాలను సిద్ధంగా ఉంచి, వైరస్ నియంత్రణకు ప్రత్యేక చర్యలు చేపడుతోంది.
న్యూఢిల్లీ : మార్కెట్‌లో పోటీని తట్టుకునేందుకు ఉద్యోగులు వారానికి 90 గంటలు, ఆదివారాల్లో కూడా పని చేయాలని ఎల్ అండ్ టీ చైర్మన్ ఎస్ఎన్ సుబ్రహ్మణ్యన్ ఇటీవల Read more
న్యూఢిల్లీ: ఆర్థిక సంవత్సరానికి చెందిన బడ్జెట్ను ఎన్డీయే సర్కార్‌ పార్లమెంటులో ప్రవేశ‌పెట్టారు. ఈ మేరకు కేంద్ర ఆర్థిక మంత్రి నిర్మలా సీతారామన్‌ లోక్‌సభలో బడ్జెట్ను చ‌ద‌వి వినిపిస్తున్నారు. Read more
కుటుంబ విభేదాలతో ముగిసిన మానవ విలయం కర్ణాటక రాష్ట్రంలోని చామరాజనగర జిల్లా హనూరు తాలూకాలోని కాడుగోళ గ్రామంలో జరిగిన ఘోర ఘటన స్థానికులను శోకసంద్రంలో ముంచింది. కుటుంబానికి Read more
ఆంధ్రప్రదేశ్ సీఎం చంద్రబాబు నాయుడు తిరుమల లడ్డూ ప్రసాదంపై అవాస్తవ ఆరోపణలు చేస్తున్నారని వైసీపీ నేత అంబటి రాంబాబు తీవ్ర విమర్శలు చేశారు. లడ్డూ తయారీలో కల్తీ Read more