స్పీడ్ పెంచిన రెబల్ స్టార్ ప్రభాస్ బ్యాక్ టూ బ్యాక్ ప్రాజెక్ట్స్ కమిట్ అవుతూ వస్తున్నారు. ఇప్పుడు ఆయన లైనప్ లో ఇప్పుడు చాలా సినిమాలు ఉన్నాయి. ఒకేసారి రెండు మూడు చిత్రాల్లో నటిస్తూ బిజీగా ఉంటున్నారు. ప్రస్తుతం ఓవైపు మారుతి దర్శకత్వంలో ‘ది రాజాసాబ్’ చేస్తూనే, మరోవైపు హను రాఘవపూడి డైరెక్షన్ లో ‘ఫౌజీ’ మూవీ షూటింగ్ లో పాల్గొంటున్నారు. మరికొన్ని రోజుల్లో ‘స్పిరిట్’ సినిమా స్టార్ట్ అవుతుందని అనుకుంటుండగా డార్లింగ్ సినిమాల ఆర్డర్ మారబోతోందని రూమర్స్ వచ్చాయి.సందీప్ రెడ్డి వంగా దర్శకత్వంలో ప్రభాస్ హీరోగా తెరకెక్కనున్న సినిమా ‘స్పిరిట్’. టీ-సిరీస్, భద్రకాళి పిక్చర్స్ బ్యానర్ పై చాలాకాలం క్రితమే ఈ ప్రాజెక్ట్ ను అనౌన్స్ చేసారు. ‘యానిమల్’ తర్వాత సందీప్ ఫ్రీ అవ్వడంతో, ఈ సినిమా వెంటనే సెట్స్ మీదకు వెళ్తుందని అంతా అనుకున్నారు. కానీ ప్రభాస్ ప్రాధాన్యతా క్రమం మారుతూ వస్తుండటంతో, వంగా సినిమా లేట్ అవుతూ వస్తోంది. రాజాసాబ్ షూటింగ్ చివరి దశకు చేరుకోవడంతో స్పిరిట్ చిత్రాన్ని మొదలు పెడతారని అభిమానులు ఆసక్తిగా ఎదురు చూస్తున్నారు. అయితే సందీప్ రెడ్డి కంటే ముందుగా ప్రభాస్ మరో రెండు ప్రాజెక్ట్స్ ఫినిష్ చేస్తారని పుకార్లు పుట్టుకొచ్చాయి.
ఇంట్రెస్ట్
‘కల్కి 2898 ఏడి’ చిత్రానికి సీక్వెల్ గా ప్రభాస్ ‘కల్కి 2’ చేయాల్సి ఉంది. హీరో డేట్స్ ఇస్తే ఈ ఏడాది చివర్లో సెట్స్ మీదకు తీసుకెళ్లాలని దర్శకుడు నాగ్ అశ్విన్ భావిస్తున్నారు. దీంతో పాటుగా ప్రశాంత్ వర్మతో డార్లింగ్ ఓ ప్రాజెక్ట్ కమిట్ అయ్యారు. ‘స్పిరిట్’ సినిమాకి డేట్స్ అవసరం అవుతాయని అంటున్నారు కాబట్టి సందీప్ కంటే ముందుగా నాగి, ప్రశాంత్ వర్మలతో వర్క్ చేయడానికి ప్రభాస్ ఇంట్రెస్ట్ చూపిస్తున్నారని ప్రచారం జరుగుతోంది. ‘యానిమల్ పార్క్’ పూర్తి చేసిన తర్వాతే స్పిరిట్ ఉంటుందని రూమర్స్ చక్కర్లు కొట్టాయి. వీటిపై నిర్మాత భూషణ్ కుమార్ క్లారిటీ ఇచ్చారు. షూటింగ్ కి సంబంధించిన అప్డేట్ పంచుకున్నారు.
‘స్పిరిట్’ కంటే ముందుగా ‘యానిమల్ పార్క్’ వస్తుందనే వార్తలను భూషణ్ కుమార్ ఖండించారు. మరో రెండు, మూడు నెలల్లో ప్రభాస్ – సందీప్ వంగా సినిమా షూటింగ్ ప్రారంభం కానుందని తెలిపారు. 2027లో విడుదల చేసే విధంగా ప్లాన్ చేస్తున్నట్లుగా చెప్పారు. ఈ మూవీ తర్వాతే రణబీర్ కపూర్ తో ‘యానిమల్ పార్క్’ చిత్రాన్ని తెరకెక్కిస్తామని స్పష్టం చేశారు. దీంతో రెబల్ ఫ్యాన్స్ ఖుషీ అవుతున్నారు. ఎందుకంటే ప్రభాస్ నటిస్తున్న మిగతా మూడు సినిమాల కంటే స్పిరిట్ కోసమే వారంతా ఎక్కువగా ఎగ్జైటింగా ఉన్నారు.
చిత్రీకరణ
ప్రస్తుతం ఇటలీలో రెస్ట్ మోడ్ లో ఉన్న ప్రభాస్ ఈ నెలలో హైదరాబాద్కు తిరిగి రానున్నారు. మారుతి ‘ది రాజాసాబ్’ సినిమాని పూర్తి చేసి, సందీప్ రెడ్డి వంగాతో ‘స్పిరిట్’ సినిమా చిత్రీకరణ ప్రారంభించనున్నారు. ఈ ఏడాది సెకండాఫ్ లో ‘ది రాజా సాబ్’ చిత్రాన్ని ప్రేక్షకుల ముందుకు తీసుకురానున్నారు. దీని తర్వాత ‘ఫౌజీ’ రానుంది. ఇదే క్రమంలో ‘కల్కి 2’ ‘సలార్ 2’, ప్రశాంత్ వర్మ సినిమాలు రానున్నాయి.
Read Also: Remuneration: సింగర్స్ రెమ్యూనరేషన్స్పై మ్యూజిక్ డైరెక్టర్ ఆవేదన