తమన్నా నాయిక ప్రధానమైన పాత్రలను పోషిస్తూ వెళుతోంది. ఈ నేపథ్యంలోనే హారర్ థ్రిల్లర్ జోనర్ కి సంబంధించిన కథలలోను గట్టిగానే కనిపిస్తోంది. అలా ఈ మధ్య వచ్చిన ‘అరణ్మనై 4’ సినిమాలోనూ దెయ్యంగా ప్రేక్షకులను భయపెట్టే ప్రయత్నం చేసింది. అలాంటి ఆమె ఇప్పుడు దెయ్యాల ఆటకట్టించే మాంత్రికురాలుగా కనిపించనుంది. తమన్నా మాంత్రికురాలిగా కనిపించే సినిమా ‘ఓదెలా 2’.అశోక్ తేజ దర్శకత్వంలో రూపొందిన ‘ఓదెలా రైల్వేస్టేషన్’ 2022లో థియేటర్స్ లోకి వచ్చింది. హెబ్బా పటేల్ ప్రధానమైన పాత్రను పోషించిన ఆ సినిమా, ఆశించినస్థాయిలో ఆకట్టుకోలేకపోయింది. అలాంటి ఆ సినిమాకి ఇది సీక్వెల్. ఆ సినిమా క్రైమ్ థ్రిల్లర్ గా పలకరిస్తే, ఈ సినిమా హార్రర్ థ్రిల్లర్ గా అలరించనుంది. సంపత్ నంది కథ – స్క్రీన్ ప్లే అందించిన సినిమా ఇది.ఈరోజు థియేటర్ లో విడుదలైంది ఓదెల 2 మూవీ.
రిలీజ్
సంపత్ నంది దర్శకత్వంలో తమన్నా హీరోయిన్గా ఇది వరకు చాలానే చిత్రాలు వచ్చాయి. తనకు కలిసి వచ్చిన తమన్నాతో మళ్లీ సంపత్ నంది ఓదెల 2 అంటూ వచ్చాడు. ఈ ఓదెల కథలో హెబ్బా పటేల్, వశిష్ట పాత్రలే హైలెట్ అయ్యాయి. ఇక ఆ సినిమా ఎక్కడ అయితే ముగిసిందో అక్కడి నుంచి ఈ ఓదెల 2 స్టార్ట్ అవుతుందట. ఆత్మలా మారిన వశిష్ట పాత్రను ఎదుర్కొనేందుకు నాగ సాధువుగా తమన్నా రావడం జరుగుతుంది. ఇప్పటికే రిలీజ్ చేసిన టీజర్, ట్రైలర్లు మంచి రెస్పాన్స్ను దక్కించుకున్నాయి.తమన్నా లీడ్ రోల్లో చేసిన ఈ చిత్రానికి అసలు బిజినెస్ జరగలేదని, చాలా కష్టాలు ఎదుర్కొవాల్సి వచ్చిందని సమాచారం. చివరకు ఎట్టకేలక మూవీని మాత్రం థియేటర్లోకి తీసుకు వచ్చారు. ఇంత వరకు ఎక్కడా కూడా ఓదెల 2 హంగామా అయితే కనిపించడం లేదు. అసలు ఈ మూవీ ఒకటి ఉందని కూడా జనాలు పట్టించుకోవడం లేదని, లైట్ తీసుకున్నారా? అని అనిపిస్తోంది.
షోలు పడలేదు
ప్రీమియర్లు పడలేదని తెలుస్తోంది. మామూలుగా అయితే ఈపాటికే టాక్ బయటకు వచ్చేస్తుంది. పెద్ద హీరోల చిత్రాలు అయితే మిడ్ నైట్ షోలు అంటూ హంగామా ఉంటుంది. ఇక ఓదెల 2 చిత్రానికి ఓవర్సీస్లోనూ అంతగా షోలు పడలేదని అర్థం అవుతోంది. తెలుగు రాష్ట్రాల్లోనూ దాదాపు ఇంకా ఎక్కడా షోలు పడలేదు. అందుకే ట్విట్టర్లోనూ టాక్ బయటకు రావడం లేదు.తమన్నాకు తెలుగులో హిట్లు పడి చాలా కాలమే అవుతోంది. హీరోయిన్గా కంటే స్పెషల్ సాంగ్లో స్టెప్పులు వేసి అందరినీ మెప్పిస్తోంది. బాలీవుడ్, టాలీవుడ్, కోలీవుడ్ ఇలా అన్ని చోట్లా ఆమె వేస్తున్న స్టెప్పులకు జనాలు ఫిదా అవుతున్నారు. ఆజ్ కీ రాత్ మేరా అంటూ నార్త్ ఆడియెన్స్ను ఊపేస్తోంది. అంతకు ముందు కావాలయ్యా నువ్ కావాలయ్యా అంటూ సౌత్ మొత్తాన్ని షేక్ చేసింది. ఇక ఐటం సాంగ్స్కు తమన్నా కేరాఫ్ అడ్రస్గా నిలిచేలా ఉంది.
Read Also: Court Movie: కోర్ట్ మూవీ ని తప్పకుండా చూడండి: రాధిక, శరత్ కుమార్