థ్రిల్లర్ జోనర్ లో మరో బోల్డ్ ప్రయత్నం.. ఓటీటీలోకి ‘శారీ’
ఇప్పటి ఓటీటీ ప్రపంచంలో థ్రిల్లర్ సినిమాలకు విపరీతమైన క్రేజ్ ఉంది. రొటీన్ కథలు విసిగించిన ప్రేక్షకులు ఇప్పుడు డార్క్, సస్పెన్స్, సైకలాజికల్ థ్రిల్లర్స్ వైపు ఆకర్షితులవుతున్నారు. ఈ ఒత్తిడి పుష్కలంగా ఉన్న సమయంలో తెలుగు పరిశ్రమలోంచి వచ్చిన బోల్డ్ థ్రిల్లర్ సినిమా ‘శారీ’ (Sharee Movie) ఇప్పుడు ఓటీటీ వేదికగా విడుదలకు సిద్ధమైంది. థియేటర్లలో ఆశించిన స్థాయిలో విజయం అందుకోకపోయినా, ఓటీటీ వేదికపై ఈ సినిమాకు రెండవ జీవం లభించవచ్చని అంచనాలు ఉన్నాయి.
వర్మ ముద్ర, కొత్త హీరోయిన్.. మరింత ఆసక్తి
ఈ సినిమాకు ప్రముఖ దర్శకుడు రామ్ గోపాల్ వర్మ నిర్మాతగా వ్యవహరించారు. ఎప్పటికప్పుడు వివాదాస్పదమైన, గంభీరమైన కాన్సెప్టులతో ముందుకు వచ్చే వర్మ, ఈ చిత్ర ప్రమోషన్లలో కూడా ఎంతో చురుగ్గా పాల్గొన్నారు. ముఖ్యంగా ఈ సినిమాతో ఆరాధ్యదేవి అనే కొత్త హీరోయిన్ ను టాలీవుడ్ కి పరిచయం చేశారు. ఆమె పాత్ర, లుక్స్, నటన – ఈ మూడు అంశాలు యూత్ లో హైప్ క్రియేట్ చేశాయి. గిరికృష్ణ కమల్ దర్శకత్వం వహించిన ఈ సినిమా ఏప్రిల్ 4వ తేదీన థియేటర్లలో విడుదలైంది. అయితే ఆశించిన విధంగా మాస్ ఆడియెన్స్ స్పందన రాలేకపోయింది. కానీ ఇప్పుడు ఓటీటీ ద్వారా మరింత విస్తృత ప్రేక్షకులకు చేరే అవకాశం ఉందనే నమ్మకం వుంది.
కిట్టూ ప్రేమవెనుక దాగి ఉన్న ఆందోళనకర గాథ!
కథ విషయానికి వస్తే — కిట్టూ అనే యువకుడు తన ఫ్రెండ్స్ తో కలిసి ఒక టూర్ కి వెళతాడు. అక్కడ అతను ఓ యువతిని చూశాడు. ఆ అమ్మాయి చీరకట్టు అతనికి విపరీతంగా నచ్చుతుంది. ఆమె రూపం, ఆహార్యాన్ని చూసి కిట్టూ పగలే కలలు కంటాడు. ఎట్టకేలకు ఆమెను ప్రత్యక్షంగా చూశాక వెంటనే ప్రేమను వ్యక్తపరుస్తాడు. అయితే ఆమె మాత్రం షాక్ అవుతూ వినయంగా తిరస్కరిస్తుంది. దాంతో కిట్టూ మనస్తాపానికి గురవుతాడు. ఇక్కడి నుంచి కథ కొత్త మలుపు తిరుగుతుంది. కిట్టూ మనోవికారం ఎలా మారుతుంది? అతను ప్రేమించిందీ నిజంగానే ప్రేమా? లేక కోరికల ముసుగులో ఉన్న మరొక ఆలోచనా? ఈ ప్రశ్నల సమాధానాలే సినిమాకు ములమై, ఆఖరి వరకూ ఉత్కంఠ రేకెత్తించే విధంగా తీర్చిదిద్దారు.
ఓటీటీలో రీచ్ పెరుగుతుందా?
ఈ నెల 27వ తేదీ నుంచి ‘లయన్స్ గేట్ ప్లే’ Lion’s Gate Play) లో ఈ సినిమా స్ట్రీమింగ్ కానుంది. థియేటర్లో విఫలమైనా, ఓటీటీలో చాలాసార్లు సినిమాలు తిరిగి వెలుగులోకి వచ్చాయి. ముఖ్యంగా బోల్డ్ థ్రిల్లర్స్ కు డిజిటల్ ప్లాట్ఫాంలలో మంచి ఆదరణ ఉండటం వల్ల, ‘శారీ’ కూడా ఓ రేంజ్ లో టాక్ తెచ్చుకునే అవకాశం ఉంది. ఇందులో వర్మ మార్క్ ప్రమోషన్, కొత్త హీరోయిన్ గ్లామర్, మరియు కథలోని మానసిక కల్లోలానికి సంబంధించిన పాయింట్స్ ప్రేక్షకులను ఆకట్టుకునేలా ఉన్నాయి.
Read also: War – Chapter 2: ‘యుద్ధకాండ – చాప్టర్ 2’ (అమెజాన్ ప్రైమ్) సినిమా రివ్యూ!
