టాలీవుడ్ స్టార్ హీరోయిన్ సమంత ఇటీవల వరుసగా వార్తల్లో నిలుస్తున్నారు. సినీ ఇండస్ట్రీలో స్టార్డమ్ సంపాదించిన ఆమె, ప్రస్తుతం వ్యక్తిగత జీవితంతో పాటు కెరీర్లో కొత్త ప్రయాణాన్ని ప్రారంభించనున్నారు. గతంలో కంటే ఇప్పుడు సమంత మీడియాలో ఎక్కువగా కనిపిస్తున్నట్లు స్పష్టంగా కనిపిస్తోంది.
సమంత సినీ ప్రయాణం
సమంత తన సినీ కెరీర్ను 2010లో విడుదలైన ‘ఏ మాయ చేసావే’ చిత్రంతో ప్రారంభించారు. ఆ సినిమాలో నాగ చైతన్యతో జంటగా నటించిన ఆమె, తొలి సినిమాతోనే భారీ గుర్తింపు పొందారు. తర్వాత ఎన్టీఆర్ , మహేష్ బాబు , అల్లు అర్జున్ , రామ్ చరణ్ వంటి స్టార్ హీరోలతో నటించి టాలీవుడ్లో టాప్ హీరోయిన్గా ఎదిగారు. తెలుగుతో పాటు తమిళ ఇండస్ట్రీలో కూడా విజయవంతమైన చిత్రాల్లో నటించి తనకంటూ ప్రత్యేక గుర్తింపు తెచ్చుకున్నారు. నాగ చైతన్యతో విడాకుల తర్వాత సమంత వ్యక్తిగతంగా కష్టకాలాన్ని ఎదుర్కొన్నారు. ఆమె ఆరోగ్య సమస్యలు ఎదుర్కొన్నాయి – మయసైటీస్ వ్యాధి కారణంగా కొంతకాలం సినిమాలకు దూరంగా ఉన్నారు. ఆరోగ్య సమస్యలు ఉండగానే ప్రొఫెషనల్ కెరీర్ను కొనసాగించడానికి ప్రయత్నించారు. సినిమా ఎంపికలో మార్పులు – నాగ చైతన్యతో విడాకుల తర్వాత సమంత చాలా సెలెక్టివ్గా సినిమాలు చేస్తోంది. బాలీవుడ్లో ‘సిటాడెల్’ వెబ్సిరీస్ – వరుణ్ ధావన్తో కలిసి నటించారు. ‘సిటాడెల్’ వెబ్సిరీస్ ప్రేక్షకుల ముందుకు వచ్చినప్పటికీ మిక్స్డ్ టాక్ సొంతం చేసుకుంది. ఈ వెబ్సిరీస్లో సమంత వరుణ్ ధావన్తో లిప్లాక్ సీన్లు చేయడం కూడా ప్రత్యేకంగా చర్చకు వచ్చింది.
గతంలో సమంత రెండో పెళ్లి చేసుకోబోతున్నారని రూమర్లు వచ్చాయి. కానీ అవి కేవలం గాసిప్స్ మాత్రమేనని తేలిపోయాయి. తన అనారోగ్య సమస్యల నుంచి కోలుకున్న సమంత, ఇప్పుడు వరుస సినిమాలకు గ్రీన్ సిగ్నల్ ఇస్తోంది. ప్రస్తుతం ఆమె చేతిలో రెండు సినిమాలు ఉన్నాయి. కానీ, అత్యంత ప్రత్యేకమైన విషయం ఏమిటంటే – సమంత ఇప్పుడు నిర్మాతగా మారబోతున్నారు. సమంత తన సొంత నిర్మాణ సంస్థ ‘ట్రాలాలా మూవింగ్ పిక్చర్స్’ పేరుతో నిర్మాతగా మారబోతోంది. ఆమె నిర్మించిన మొదటి సినిమా ‘శుభం’ షూటింగ్ పూర్తి అయింది. సమంత స్వయంగా ఈ చిత్రానికి సంబంధించిన టీజర్ను విడుదల చేసి, తన సోషల్ మీడియా ద్వారా పంచుకున్నారు.
సమంత ఇన్స్టాగ్రామ్ పోస్ట్ – అభిమానులకు స్పెషల్ మెసేజ్
సమంత తన ఇన్స్టాగ్రామ్లో పోస్టు చేస్తూ మా ప్రేమపూర్వక చిన్న శ్రమను మీకు అందిస్తున్నాము.పెద్ద కలలు కన్న చిన్న బృందం. ఈ ప్రయాణానికి, మేము కలిసే సృష్టించిన దానికి మేము చాలా కృతజ్ఞులం.
మీరు మా సినిమాను ఆస్వాదిస్తారని మేము నిజంగా ఆశిస్తున్నాము. ఇది నిజంగా ప్రత్యేకమైనదానికి నాంది కావాలని కోరుకుంటున్నాను. తన ఇన్స్టాగ్రామ్లో ఓ పోస్ట్ను షేర్ చేశారు. సమంత షేర్ చేసిన పోస్ట్ ఇప్పుడు నెట్టింట వైరల్గా మారింది.
