90వ దశకంలో తెలుగు సినీ పరిశ్రమను తన అందంతో, అభినయంతో ప్రేక్షకుల్ని ఆకట్టుకున్న అగ్ర కథానాయిక సీనియర్ నటి సిమ్రాన్ గురించి ప్రత్యేక పరిచయాలు అవసరం లేదు. ఆమె ఒకప్పుడు టాలీవుడ్ లో స్టార్ హీరోయిన్. అగ్ర హీరోలందరికీ ఫస్ట్ ఛాయిస్. చిరంజీవి, అక్కినేని నాగార్జున, నందమూరి బాలకృష్ణ, వెంకటేష్, మహేష్ బాబు వంటి స్టార్స్ పక్కన నటించింది. తెలుగుతో పాటుగా తమిళం, మలయాళం, కన్నడ భాషల్లోనూ రాణించింది. క్రేజీ ఆఫర్స్ తో దశాబ్దకాలం పాటు సౌత్ ను ఏలింది. ప్రస్తుతం సెకండ్ ఇన్నింగ్స్ లో క్యారక్టర్ ఆర్టిస్టుగా బిజీగా మారిపోయింది. అయితే సిమ్రాన్ తాజాగా తన ఫీమేల్ కోస్టార్ ను ఉద్దేశిస్తూ కీలక వ్యాఖ్యలు చేసింది.సిమ్రాన్ రీసెంట్ గా చైన్నైలో జరిగిన ఓ అవార్డ్ ఫంక్షన్ కు హాజరైంది. ఈ సందర్భంగా స్టేజ్పై మాట్లాడుతూ తన తోటి నటికి మెసేజ్ చేస్తే, ఆమె నుంచి వచ్చిన సమాధానం తనని ఎంతో బాధించిందని చెప్పింది. పనిలో పనిగా ఆ నటి మాటలకు స్ట్రాంగ్ కౌంటర్ ఇచ్చింది. ”ఇటీవల నేను నా ఫీమేల్ కోస్టార్ నటించిన సినిమా చూసి మెసేజ్ చేశాను. అలాంటి రోల్ లో నిన్ను చూసి సర్ప్రైజ్ అయ్యానని మెచ్చుకుంటూ మెసేజ్ చేశాను. దానికి ఆమె నుంచి వెంటనే రిప్లై వచ్చింది. ఆంటీ రోల్స్ చేయడం కంటే ఇది ఎంతో బెటర్ అని మెసేజ్ చేసింది” అని సిమ్రాన్ తెలిపింది.
సోషల్ మీడియా
సిమ్రాన్ మాట్లాడుతూ,నిజానికి ఆమె పంపిన మెసేజ్ చూసి నేను షాక్ అయ్యాను. అది అసలు ఎలాంటి మెసేజ్. నేను అసలు ఎక్స్పెక్ట్ చేయలేదు. ఆమెకు నేను చెప్పే బెటర్ ఆన్సర్ ఏంటంటే పనికిమాలిన డబ్బా రోల్స్లో నటించడం కంటే ఆంటీ రోల్స్, మెయిన్ ఆంటీ లేదా 25 ఏళ్ళ పిల్లలకు అమ్మ పాత్రలు చేయడం ఎంతో ఉత్తమం అని నేను భాస్తున్నా. మనం ఏ పని చేసినా కాన్ఫిడెంట్ గా ముందుకు సాగాలి. మనపై మనం నమ్మకం ఉంచినప్పుడే వర్క్ కూడా అనుకున్న విధంగా చేయగలుగుతాం. దేన్నీ చులకన చేయకూడదు” అని సిమ్రాన్ ఘాటుగా మాట్లాడింది.సిమ్రాన్ మాట్లాడిన ఈ వీడియో ప్రస్తుతం సోషల్ మీడియాలో వైరల్ గా మారింది. సిమ్రాన్ కౌంటర్ ఇచ్చిన ఆ కోస్టార్ ఎవరా? అని నెటిజన్లు ఆరాలు తీస్తున్నారు. ఆ నటి జ్యోతిక అయ్యుంటుందని కొందరు కామెంట్స్ చేస్తే, మరికొందరు మాత్రం లైలా పేరు చెబుతున్నారు. ఆమె ఎవరో కానీ, సెకండ్ ఇన్నింగ్స్ మొదలుపెట్టిన సిమ్రాన్ ఏజ్ గ్రూప్ కి చెందిన నటి అయ్యే ఛాన్స్ ఉందని అంటున్నారు.
కీలక పాత్ర
చివరగా సిమ్రాన్ తెలుగులో ‘జాన్ అప్పారావు 40 ప్లస్’ అనే సినిమాలో నటించింది. తమిళంలో మాత్రం అవకాశాలు వచ్చినప్పుడల్లా నటిస్తోంది. సీమరాజా, పేట, మహాన్, రాకెట్రీ వంటి చిత్రాల్లో కీలక పాత్రలు పోషించింది.రీసెంట్ గా వచ్చిన ‘గుడ్ బ్యాడ్ అగ్లీ’ సినిమాలో క్యామియో రోల్ ప్లే చేసింది.
Read Also: Mahesh Babu:మహేశ్ బాబు -రాజమౌళి మూవీ నుండి బిగ్ అప్డేట్!