పవర్ స్టార్ ‘ఓజీ’లో నారా రోహిత్ కాబోయే భార్య శిరీష కీలక పాత్రలో!
పవర్ స్టార్ పవన్ కల్యాణ్ కథానాయకుడిగా నటిస్తున్న భారీ యాక్షన్ చిత్రం ‘ఓజీ’ గురించి రోజు రోజుకు ఆసక్తికర సమాచారం వెలుగులోకి వస్తోంది. యువ దర్శకుడు సుజీత్ తెరకెక్కిస్తున్న ఈ చిత్రం, ఫ్యాన్స్తో పాటు సినీ ప్రేక్షకులలోనూ భారీ అంచనాలు నెలకొల్పింది. తాజాగా ఈ చిత్రానికి సంబంధించి ఒక ప్రత్యేకమైన విషయం అధికారికంగా బయటకు వచ్చింది. ప్రముఖ నటుడు నారా రోహిత్ కాబోయే జీవిత భాగస్వామి శిరీష ఈ సినిమాలో ఓ ముఖ్యమైన పాత్రలో నటిస్తున్నట్లు స్వయంగా నారా రోహిత్ వెల్లడించటం విశేషం.
బెల్లంకొండ సాయి శ్రీనివాస్, మంచు మనోజ్తో కలిసి నటించిన ‘భైరవం’ సినిమా ప్రచార కార్యక్రమాల్లో నారా రోహిత్ చురుగ్గా పాల్గొంటున్నారు. ఈ సినిమా ప్రమోషన్లలో భాగంగా సాయి ధరమ్ తేజ్తో కలిసి చిత్ర బృందం ఒక ప్రత్యేక ఇంటర్వ్యూలో పాల్గొంది. ఈ సందర్భంగా ‘ఓజీ’ సినిమా గురించి ఏదైనా తాజా సమాచారం పంచుకోవాలని సాయి ధరమ్ తేజ్ (Sai Dharam Tej కోరగా, దీనికి సమాధానంగా నారా రోహిత్ “‘ఓజీ’లో నాకు కాబోయే భార్య శిరీష (Shirisha) నటించింది. ఈ సినిమాలో తనకు ఒక కీలకమైన పాత్ర పోషించే అవకాశం దక్కింది” అని తెలిపారు. ఈ ప్రకటనతో శిరీష ‘ఓజీ’లో నటిస్తున్నారన్న వార్తలకు అధికారిక ముద్ర పడినట్లయింది.
ఈ ప్రకటనతోపాటు మంచు మనోజ్ ( Manchu Manoj) కూడా సరదాగా స్పందిస్తూ, ఇన్ని రోజులు ఈ విషయాన్ని ఎందుకు చెప్పలేదంటూ మంచు మనోజ్ నారా రోహిత్ను సరదాగా ఆటపట్టించాడు. దీంతో ఈ ఇంటర్వ్యూలో హాస్య వాతావరణం నెలకొంది. శిరీష పాత్రకు సంబంధించిన వివరాలు ఇంకా బయటకు రాకపోయినప్పటికీ, చిత్ర వర్గాల సమాచారం ప్రకారం ఆమె పాత్ర కథలో కీలక మలుపు తీసుకురానుందని తెలుస్తోంది. ఆమెకు ఈ సినిమా వేదికగా మంచి గుర్తింపు వచ్చే అవకాశాలు కనిపిస్తున్నాయి.
OG: పవన్ కల్యాణ్ నుంచి మరో పవర్ఫుల్ గ్యాంగ్స్టర్ డ్రామా
‘ఓజీ’ సినిమా చిత్రీకరణ ప్రస్తుతం శరవేగంగా జరుగుతోంది. ముగింపు దశకు చేరుకున్న ఈ చిత్రాన్ని సెప్టెంబర్ 25న ప్రపంచవ్యాప్తంగా విడుదల చేయడానికి నిర్మాతలు సన్నాహాలు చేస్తున్నారు. పవర్ఫుల్ గ్యాంగ్స్టర్ యాక్షన్ డ్రామాగా తెరకెక్కుతున్న ఈ సినిమాలో పవన్ కల్యాణ్ మునుపెన్నడూ చూడని ఒక శక్తివంతమైన పాత్రలో కనిపించనున్నారని చిత్ర వర్గాలు చెబుతున్నాయి.
ఈ చిత్రంలో బాలీవుడ్ స్టార్ బాలీవుడ్ నటుడు ఇమ్రాన్ హష్మీ ఈ చిత్రంలో ప్రతినాయకుడి పాత్రలో నటిస్తుండగా, ప్రియాంక అరుళ్ మోహన్ కథానాయికగా నటిస్తున్నారు. సీనియర్ నటులతో పాటు కొత్త ముఖాలు కూడా ఈ సినిమాలో కనిపించనున్నాయి. టెక్నికల్ టీమ్ విషయానికి వస్తే, నేపథ్య సంగీతం మరియు విజువల్స్ ఈ సినిమాకు మరో స్థాయి ఫీల్ కలిగించనున్నాయని చిత్రబృందం తెలిపింది.
ఫ్యాన్స్లో ఉత్కంఠ – ప్రమోషన్లకు మూడ్ సెట్
‘ఓజీ’ సినిమాపై ఇప్పటికే భారీ అంచనాలు ఉన్నాయి. పవన్ కల్యాణ్ అభిమానులు మాత్రమే కాకుండా, సాధారణ సినీ ప్రేక్షకులు కూడా ఈ సినిమాను ఆసక్తిగా ఎదురుచూస్తున్నారు. విడుదల తేదీ సమీపిస్తున్న కొద్దీ ప్రమోషన్ల ఉత్సాహం పెరుగుతోంది. శిరీష పాత్ర, ఆమె నటి గా పరిచయం, నారా రోహిత్ వ్యక్తిగత జీవితానికి కనెక్షన్ అనే అంశాలన్నీ ఈ సినిమాపై మరింత ఆసక్తిని పెంచుతున్నాయి.
Read Also: Naga Vamsi: టీడీపీకి నాగ వంశీ భారీ విరాళం