Movie Piracy: తెలుగు సినీ పరిశ్రమను పట్టిపీడిస్తున్న పైరసీ మహమ్మారిని వేళ్లతో సహా పెకిలించేందుకు తెలంగాణ సైబర్ సెక్యూరిటీ బ్యూరో (TGCSB) నడుం బిగించింది. ఏటా వేల కోట్ల రూపాయల ఆదాయానికి గండి కొడుతున్న పైరసీ గ్యాంగులపై ఉక్కుపాదం మోపేందుకు సరికొత్త యాంటీ పైరసీ యూనిట్ను, స్టాండర్డ్ ఆపరేటింగ్ ప్రొసీజర్ (SOP)ను అందుబాటులోకి తెచ్చింది.
Read Also: Oscar Winners 2026 Full List Telugu: ఆస్కార్ 2026లో ‘వన్ బ్యాటిల్ ఆఫ్టర్ అనదర్’ ప్రభంజనం
ప్రేక్షకుల్లో అవగాహన పెంచడమే లక్ష్యం
దానిలో భాగంగా థియేటర్లలో సినిమా ప్రదర్శనకు ముందు, పైరసీ నిరోధక డిస్క్లెయిమర్ను తప్పకుండా ప్రదర్శించాలి. ప్రేక్షకుల్లో అవగాహన పెంచడమే లక్ష్యంగా ఈ నిర్ణయం తీసుకున్నారు. ఇక థియేటర్లలో సినిమాలను రికార్డ్ చేస్తే…3 సంవత్సరాల వరకు జైలు శిక్ష లేదా 3 లక్షల రూపాయల భారీ జరిమానా విధిస్తారని ఆ డిస్క్లెయిమర్ హెచ్చరిస్తుంది. ఇక పైరసీ కేసులను సమర్థవంతంగా దర్యాప్తు చేసేందుకు స్టాండర్డ్ ఆపరేటింగ్ విధానాన్ని అమల్లోకి తెచ్చారు.
కొత్త SOPలో భాగంగా FIR నమోదు, డిజిటల్ ఆధారాల సేకరణ, ఫోరెన్సిక్ పరీక్షలు, వాటర్మార్కింగ్ ద్వారా లీక్ జరిగిన థియేటర్ను గుర్తించడం వంటి చర్యలు తీసుకుంటారు. పైరసీ URLలను బ్లాక్ చేయడానికి డిజిటల్ సర్వీస్ ప్రొవైడర్లతో అధికారులు సమన్వయం చేసుకుంటారు. ఇక పైరసీ మూలాలను గుర్తించేందుకు సినిమా విడుదలైన తర్వాత కనీసం ఒక నెల పాటు CCTV ఫుటేజ్ను భద్రపరచాలని థియేటర్ల యజమానులకు పోలీస్ అధికారులు సూచించారు.
Read hindi news: hindi.vaartha.com
Epaper : epaper.vaartha.com
Read Also:
