తమిళ హీరో విజయ్ ఆంటోనీ నటించిన తాజా చిత్రం మార్గన్ (Maargan). ఈ సినిమాకు లియో జాన్ పాల్ దర్శకత్వం వహిస్తుండగా విజయ్ ఆంటోనీ(Vijay Antony) ఫిలింస్ కార్పొరేషన్ బ్యానర్పై మీరా విజయ్ ఆంటోనీ నిర్మిస్తుంది. ఈ చిత్రం జూన్ 27న ప్రేక్షకుల ముందుకు రాబోతుండగా తాజాగా ట్రైలర్ను విడుదల చేసింది చిత్రయూనిట్.
ప్రభావం
ఈ ట్రైలర్ చూస్తుంటే మర్డర్ మిస్టరీ క్రైమ్ థ్రిల్లర్(Murder Mystery Crime Thriller)గా రూపొందినట్లు తెలుస్తోంది. ఒక సైకో స్విమ్మర్ అమ్మాయిలకు ఒక వింత డ్రగ్ను ఇచ్చి హత్య చేస్తుంటాడు. ఈ డ్రగ్ ప్రభావం వల్ల వారి శరీరాలు నల్లగా మారి ప్రాణాలు కోల్పోతాయి. అయితే ఈ కేసును దర్యాప్తు చేసే పోలీస్ అధికారి పాత్ర(police officer Role)లో విజయ్ ఆంటోనీ కనిపించనున్నారు. దర్యాప్తులో భాగంగా అతను కూడా ఈ డ్రగ్ బారిన పడి, అతని శరీరంలో సగం నల్లగా మారడం ట్రైలర్లో హైలైట్గా నిలిచింది. ఈ హత్యల వెనుక ఉన్న అసలు కారణం ఏమిటి, హంతకుడిని విజయ్ ఆంటోనీ ఎలా పట్టుకుంటాడనేది సినిమా ప్రధాన కథాంశం. ఈ సినిమాలో విజయ్ ఆంటోనీ మేనల్లుడు అజయ్ దిశాన్(Ajay Dishan) విలన్గా నటించబోతున్నట్లు సమాచారం. ఈ సినిమా తెలుగుతో పాటు తమిళం, కన్నడ, మలయాళం, హిందీ భాషల్లో విడుదల కానుంది.
Read Also: Vijay Deverakonda : డైరెక్టర్కు గిఫ్ట్ ఇచ్చిన విజయ్ దేవరకొండ