కన్నడ నుంచి ఓటీటీకి మరో పవర్ఫుల్ యాక్షన్ మూవీ వచ్చేసింది. మాస్ ప్రేక్షకులను టార్గెట్ చేస్తూ తెరకెక్కించిన ఈ సినిమా పేరు ‘మాదేవా’. థియేటర్లలో విజయవంతంగా పరుగు తీసిన ఈ చిత్రం ఇప్పుడు డిజిటల్ ప్లాట్ఫామ్ మీద సందడి చేస్తోంది.
వినోద్ ప్రభాకర్ లీడ్లో మాస్ ఫస్ట్లుక్
ఈ చిత్రంలో ప్రముఖ నటుడు వినోద్ ప్రభాకర్ (Vinod Prabhakar)ప్రధాన పాత్ర పోషించాడు. డైరెక్టర్ నవీన్ రెడ్డి డైరెక్షన్లో తెరకెక్కిన ఈ చిత్రం, ప్రొడ్యూసర్ కేశవ దేవసాంద్ర నిర్మాణంలో వచ్చింది. కథానాయికగా సోనాల్ ఆకట్టుకుంది. సినిమాలో అచ్యుత్ కుమార్, మైకో నాగరాజ్, శ్రీనగర్ కిట్టి, శృతి తదితరులు కీలక పాత్రలు పోషించారు.
థియేటర్స్లో విజయం.. ఓటీటీలోకి ఎంట్రీ
ఈ ఏడాది జూన్ 6న థియేటర్లలో రిలీజ్ అయిన ‘మాదేవా’, (Maadeva)4 కోట్ల బడ్జెట్ తో తెరకెక్కి 10 కోట్లకుపైగా వసూళ్లు రాబట్టి, మంచి విజయం సాధించింది. ఇప్పుడు ఈ సినిమా సెప్టెంబర్ 26 నుంచి అమెజాన్ ప్రైమ్ వీడియో లో స్ట్రీమింగ్ అవుతోంది.ఈ సినిమా కథ 1980 కాలం నాటి నేపథ్యాన్ని ఆధారంగా తీసుకుని సాగుతుంది. ఒక ఉరిశిక్ష విధించిన ఖైదీ చుట్టూ తిరిగే కథ ఇది. కథలో ఎక్కువ భాగం రైలు మరియు జైలు నేపథ్యంలో సాగుతుంది, ఇది ప్రేక్షకులకు కొత్త అనుభూతినిస్తుంది.
ఎమోషన్తో మిళితమైన యాక్షన్
‘మాదేవా’ యాక్షన్ మాత్రమే కాకుండా, ఎమోషన్ కూడా బలంగా ఉంటుంది. ప్రధానంగా మాస్ ప్రేక్షకుల అభిరుచిని దృష్టిలో పెట్టుకుని రూపొందించిన ఈ చిత్రం, హింసాత్మక ఘట్టాలతో కూడి ఉంటుంది. ఇంటెన్స్ యాక్షన్, భారీ ఫైట్ల సన్నివేశాలు, డార్క్ థీమ్ అన్నీ కలిసి సినిమాకు ప్రత్యేకతను తీసుకొచ్చాయి.
Read hindi news: hindi.vaartha.com
Read Also:
