శేఖర్ కమ్ముల ప్రతిష్టాత్మక చిత్రం “కుబేరా” ట్రైలర్ విడుదల మరోసారి వాయిదా
టాలీవుడ్లో కొత్త కథానికలతో ప్రయోగాలు చేసే దర్శకుల్లో శేఖర్ కమ్ముల ఒక ప్రత్యేక స్థానం సంపాదించుకున్నారు. “ఆనంద్”, “లీడర్”, “ఫిదా”, “లవ్ స్టోరీ” వంటి విభిన్న చిత్రాలతో ప్రేక్షకుల మన్ననలు పొందిన ఆయన ఇప్పుడు ఒక భారీ బడ్జెట్ సినిమాతో ప్రేక్షకుల ముందుకు రానున్నారు. అదే “కుబేరా” (Kubera). ఈ సినిమాలో కోలీవుడ్ స్టార్ ధనుష్, టాలీవుడ్ మాన్మెనర్ నాగార్జున, నేషనల్ క్రష్ రష్మిక మందన్న కీలక పాత్రల్లో నటిస్తున్నారు. గతంలో ఎప్పుడూ చూడనటువంటి కాంబినేషన్గా నిలుస్తున్న ఈ ప్రాజెక్ట్పై భారీ అంచనాలు నెలకొన్నాయి.
ఇప్పటికే ఈ చిత్రానికి సంబంధించి విడుదలైన పోస్టర్లు, గ్లింప్స్ ప్రేక్షకుల్లో ఆసక్తిని కలిగించాయి. ఇక సినిమా విడుదల తేదీ జూన్ 20గా అధికారికంగా ప్రకటించగా, సినిమాకు సంబంధించిన ప్రధాన ప్రచార కార్యక్రమంగా భావించబడే ట్రైలర్ విడుదల విషయంలో అనేక మార్పులు చోటుచేసుకుంటున్నాయి.
ట్రైలర్పై సస్పెన్స్ కొనసాగుతుంది: మూడోసారి వాయిదా
“కుబేరా” (Kubera) చిత్రబృందం జూన్ 13న ట్రైలర్ను విడుదల చేస్తామని ప్రకటించింది. కానీ అదే రోజున గుజరాత్ రాష్ట్రం అహ్మదాబాద్లో జరిగిన ఘోర విమాన ప్రమాదం నేపథ్యంలో, దేశవ్యాప్తంగా గౌరవ సూచకంగా చిత్రబృందం ట్రైలర్ విడుదలను వాయిదా వేసింది. అనంతరం జూన్ 14న ట్రైలర్ను విడుదల చేస్తామని కొత్త తేదీ ప్రకటించారు. అయితే తాజాగా ఆ తేదీ కూడా మారింది. చిత్రబృందం తెలిపిన తాజా ప్రకారం, కుబేరా ట్రైలర్ను జూన్ 15న జరగబోయే గ్రాండ్ ప్రీ-రిలీజ్ ఈవెంట్లో విడుదల చేయబోతున్నారు. ఈ నిర్ణయంతో ట్రైలర్ కోసం ఎదురుచూస్తున్న అభిమానుల్లో మరోసారి నిరాశ నెలకొంది.
అయితే ఈవెంట్ను భారీ స్థాయిలో నిర్వహించేందుకు ఏర్పాట్లు జరుగుతున్నట్లు సమాచారం. సినిమా కథ, పాత్రల మలుపులు, దర్శక శైలిపై మరింత స్పష్టత వచ్చేలా ట్రైలర్ను ప్రత్యేకంగా తీర్చిదిద్దినట్టు అంటున్నారు. జూన్ 15న జరగబోయే ఈ వేడుకకు సినిమాకు చెందిన ప్రధాన తారాగణం, టాలీవుడ్ ప్రముఖులు హాజరవుతారు.
అంచనాలను పెంచుతున్న “కుబేరా”
“కుబేరా” ((Kubera) సినిమాలో ధనుష్ పాత్ర పలు షేడ్స్తో కూడుకున్న మల్టీ డైమెన్షనల్ క్యారెక్టర్ అని తెలుస్తోంది. నాగార్జున పాత్ర చిత్రీకరణలో ప్రత్యేకత ఉందంటూ ఇండస్ట్రీ వర్గాలు చెబుతున్నాయి. ఇక రష్మిక పాత్ర సరికొత్తగా ఉండబోతుందని చిత్రబృందం చెబుతోంది. ఈ ముగ్గురు తారాగణం తొలిసారిగా కలిసి నటిస్తున్న ఈ చిత్రం అందరి దృష్టిని ఆకర్షిస్తోంది. ఈ సినిమాకు దేవిశ్రీ ప్రసాద్ సంగీతం అందిస్తున్నారు.
ఈ చిత్రంలో సామాజిక అంశాలు, రాజకీయ నేపథ్యం, కుటుంబ విలువలు, వ్యాపార రంగం — అన్నీ కలిసిన మిశ్రమ కథ ఉండబోతుందని సమాచారం. ఈ నేపథ్యంలో ట్రైలర్పై అంచనాలు రోజురోజుకీ పెరుగుతున్నాయి. జూన్ 15న విడుదలయ్యే ట్రైలర్ ఈ అంచనాలను మరింత పెంచుతుందా? లేక తీరా నిరాశ పరుస్తుందా? అనేది చూడాల్సిందే.
Read also: Rana Naidu 2: ‘రానా నాయుడు 2’ (నెట్ ఫ్లిక్స్) సిరీస్ రివ్యూ!
