కథ,పాత్రల లోతు, భావోద్వేగాలతో, వాస్తవికతతో మాలీవుడ్ సినిమాలు దేశవ్యాప్తంగా ప్రేక్షకులను ఆకట్టుకుంటున్నాయి. థియేటర్లలోనే కాక ఓటీటీ వేదికలపై కూడా ఈ సినిమాలకు విశేషమైన ఆదరణ లభిస్తోంది. తెలుగు, తమిళ, హిందీ భాషాభిమానులు కూడా మలయాళ సినిమాలను ఆసక్తితో చూస్తున్నారు.ఓటీటీల్లో మాలీవుడ్ సినిమాలకు మంచి ఆదరణ లభిస్తోంది. ఇక ఈ సూపర్ హిట్ సినిమా విషయానికి వస్తే ప్రేమమ్ తో మంచి గుర్తింపు తెచ్చుకున్న సంగీత్ ప్రతాప్, మాథ్యూ థామస్, శ్యామ్ మోహన్ ఇందులో ప్రధాన పాత్రలు పోషించారు.ఫిబ్రవరి 14వ తేదీన బ్రోమాన్స్ మూవీ థియేటర్లకు వచ్చింది. 13 కోట్లకి పైగా వసూళ్లను రాబట్టిన ఈ సినిమా, ఈ రోజు నుంచే ‘సోనీలివ్’ లో స్ట్రీమింగ్ అవుతోంది. ఈ సినిమా కథపై ఒక లుక్కేద్దాం.
కథ
షింటో (శ్యామ్ మోహన్) బింటో ( మాథ్యూ థామస్) అన్నదమ్ములు. షింటో కొచ్చిలో ఉంటూ ఉంటాడు. అతనికి ఇంట్లోవాళ్లు పెళ్లి సంబంధాలు చూస్తూ ఉంటారు. బింటో డిగ్రీ పూర్తిచేసి, ఉద్యోగం లేకుండా తిరుగుతూ ఉంటాడు. ఒక రోజున కొచ్చి నుంచి షింటో ఫ్రెండ్ షబ్బీర్ అలీ (అర్జున్ అశోకన్) కాల్ చేస్తాడు.ఇక కొరియర్ బాబు నుంచి షింటో కి ఎక్కువ కాల్స్ వచ్చినట్టు గమనించి అతనిని కలుస్తారు. షింటో తనకి 15 లక్షలు ఇవ్వాల్సి ఉందనీ, అయితే అతను కనిపించకుండా పోవడం వెనుక తన ప్రమేయం లేదని చెబుతాడు. అందరూ కలిసి పోలీస్ ఆఫీసర్ ‘టోనీ’ని కలిసి జరిగిందంతా చెబుతారు. షింటో ‘కూర్గ్’లో ఉన్నాడనే జాడ తెలుకుని పోలీస్ ఆఫీసర్ చెప్పడంతో, వాళ్లంతా అక్కడికి బయల్దేరతారు. షింటోతో బ్రేకప్ చేసుకున్న ఐశ్వర్య కూర్గ్ లో ఉంటుందని తెలుసుకుని ఆమె ఇంటికి వెళతారు. అక్కడ ఆమె పెళ్లికి సంబంధించిన ఫంక్షన్ జరుగుతూ ఉంటుంది. వాళ్లది కాస్త తేడా ఫ్యామిలీ అనే విషయం వీళ్లకి అర్థమైపోతుంది. షింటో కనిపించకుండా పోవడానికి కారణం, ఐశ్వర్య బ్రదర్ ఆశిష్ (భరత్ బోపన్న) అని తెలుసుకుంటారు. షింటో ఆచూకీ తెలుసుకోవడానికి వాళ్లు ఏం చేస్తారు? ఎలాంటి పరిస్థితులను ఫేస్ చేస్తారు? ఎలా బయటపడతారు? అనేది కథ.
కథనం
తన అన్నయ్య కనిపించకుండా పోవడంతో, అతని ఆచూకీ తెలుసుకోవడం ఓ తమ్ముడు చేసే ప్రయత్నమే ఈ సినిమా. అన్నయ్య ఆచూకీ తెలుసుకోవడంలో అతని మాజీ లవర్ స్నేహితుడు ఆ అన్నయ్యకి అప్పు ఇచ్చినవాడు ఒక హ్యాకర్ ను తోడుగా తీసుకుని ఆ తమ్ముడు చేసే అన్వేషణ ఇది. ఈ టీమ్ చేసే జర్నీతో సరదాగా సందడిగా ఈ కథ కొనసాగుతుంది.
Read Also: Gautham: మహేష్ బాబు కొడుకు పై నెటిజన్స్ ఆగ్రహం ఎందుకంటే?