ప్రస్తుతం మలయాళ చిత్రాలు తెలుగు ప్రేక్షకుల్లో విపరీతంగా క్రేజ్ సొంతం చేసుకుంటున్నాయి. కథలు బలంగా ఉండడం, కథనశైలిలో నైజంగా ఉండటం, నటుల నటన సహజంగా ఉండటం వంటి అంశాలు ఈ సినిమాల్ని ప్రత్యేకంగా నిలిపాయి. అయితే మలయాళంలో వచ్చిన ప్రతి సినిమా అద్భుతమే అవుతుందన్న భావన కొంతవరకు భ్రమే. అందుకు తాజాగా ఓ ఉదాహరణగా ‘అలప్పుళ జింఖానా’ నిలిచింది.థియేటర్లో ఈ మూవీకి ఓ మోస్తరుగా ఆదరణ దక్కింది. ఇక ఇప్పుడు ఈ మూవీ సోనీ లైవ్ (Sony Liv) లో రిలీజ్ చేసారు.మరి ఈ చిత్రం కథ ఏంటో ఓ సారి తెలుసుకుందాం.
కథేంటంటే
జోజో (నస్లేన్) అండ్ గ్యాంగ్లో దాదాపు అందరూ ఇంటర్ పరీక్షల్లో ఫెయిల్ అవుతారు. ఎలాగైనా సరే ఇంజనీరింగ్ కాలేజీలో సీటు సంపాదించాలని చూస్తారు. అప్పుడు జోజోకి ఓ ఐడియా వస్తుంది. స్పోర్ట్స్ కోటా (Sports quota) లో సీటు ఈజీగా వస్తుందని తెలుసుకుంటాడు. దీంతో తన గ్యాంగ్ మొత్తాన్ని బాక్సింగ్లో జాయిన్ అవ్వమని మోటివేట్ చేస్తాడు. అలా అందరూ కలిసి అలప్పుళ జింఖానాలోకి వెళ్లి బాక్సింగ్ నేర్చుకుంటారు. అయితే ట్రైనింగ్ మీద మాత్రం జోజో అండ్ గ్యాంగ్కి ఏ మాత్రం ఇష్టం ఉండదు. అన్నీ ఆకతాయి పనులే చేస్తుంటారు. జిల్లా స్థాయిలో ఏదోలా కిందా మీదా పడి గెలుస్తారు. దీంతో తమ అంతా తోపులు లేరు అని ఫీల్ అవుతుంటారు. అలాంటి వారు రాష్ట్ర స్థాయి పోటీలకు వెళ్తారు. అక్కడ అలప్పుళ టీంకు జరిగిన అవమానాలు ఏంటి? ఈ ఆకతాయి చేష్టలతో నస్లేన్ అండ్ గ్యాంగ్ గెలుస్తుందా? అన్నదే కథ.
కథనం
స్పోర్ట్స్ డ్రామా అంటే మన మేకర్లు అంతా ఫాలో అయ్యే ఓ ప్యాట్రన్, థీమ్ ఉంటుంది. స్పోర్ట్స్ డ్రామాల్లో కొత్తగా చేయగలిగే స్క్రీన్ ప్లే, మ్యాజిక్, ఎమోషన్ ఉండదన్నట్టుగా చూపిస్తారు. మొదట్లో ఓ మిడిల్ క్లాస్, బీదరికం నుంచి వచ్చే హీరో ఎన్నో కష్టాలు పడి స్టేజ్ మీదకు రావడం ప్రీ క్లైమాక్స్లో హీరోని అడ్డుకోవడం, కుట్రలు చేయడం చివరకు జరిగే ఆటలో హీరో గెలవడం అనే పాయింట్ చుట్టూనే స్పోర్ట్స్ డ్రామాలు వస్తుంటాయి.కానీ ఈ జింఖానా (Gymkhana) మాత్రం అలాంటి ఓ స్పోర్ట్స్ డ్రామా కాదు. ఆకతాయిలు అయిన ఓ నలుగురైదుగురు కుర్రాళ్లు ఎలా ఆలోచిస్తారు.ఎలాంటి పనులు చేస్తారు.వారి ప్రవర్తన ఎలా ఉంటుంది.ఏ విషయాన్ని ఎందుకు సీరియస్గా తీసుకోరు, సీరియస్గా తీసుకుంటే ఎలా ఉంటారు.అనే పాయింట్స్ ఈ జింఖానాలో కనిపిస్తుంటాయి. కుర్రదనంలో ఉండే జోరు, హుషారు, తెగింపుని జింఖానాలో చక్కగా చూపించారు.
Read Also: Samantha: సక్సెస్ పై.. సమంత ఇంట్రెస్టింగ్ కామెంట్స్