Virosh Wedding: సమంత ‘భూత శుద్ది’ వివాహం వార్తల తర్వాత, ఆ తరహా పెళ్లి విధానం గురించి ప్రజలు గూగుల్లో విస్తృతంగా సెర్చ్ చేసిన విషయం తెలిసిందే. ఇప్పుడు విజయ్ దేవరకొండ, రష్మిక మందన్న పెళ్లి వార్తలు హాట్ టాపిక్గా మారాయి. ఫిబ్రవరి 26న వీరి వివాహం జరగనున్నట్లు ప్రచారం జరుగుతుండటంతో, ఏ సంప్రదాయం ప్రకారం పెళ్లి చేసుకుంటున్నారనే అంశంపై ఆసక్తి పెరిగింది.
Read Also:Virosh Wedding: విజయ్–రష్మిక వివాహానికి ప్రధాని మోదీ శుభాకాంక్షలు
విజయ్ తెలంగాణకు చెందినవాడు కాగా, రష్మిక కొడవ (కూర్గ్) హిందూ కుటుంబంలో జన్మించారు. అందుకే వీరి వివాహం తెలుగు సంప్రదాయంలోనా? లేక కొడవ సంప్రదాయంలోనా? లేక రెండింటి మేళవింపుగా జరుగుతుందా? అనే ప్రశ్నలకు తాజా సమాచారం వెలుగులోకి వచ్చింది.
తెలుగు, కొడవ సంప్రదాయాల మేళవింపుతో వివాహం
తాజా అప్డేట్ ప్రకారం, విజయ్ – రష్మిక పెళ్లి తెలుగు మరియు కొడవ సంప్రదాయాల ప్రకారం జరగనుందని తెలుస్తోంది. తెలుగు సంప్రదాయం ప్రకారం విజయ్ రష్మిక మెడలో మాంగళ్య ధారణ చేయనున్నారని సమాచారం. అదే సమయంలో కొడవ సంప్రదాయంలోనూ ప్రత్యేక ఆచారాలు పాటించనున్నారు.
కొడవ వివాహ సంప్రదాయం ప్రత్యేకతలు
కొడనాడు లేదా కొడవ ప్రాంతంలో జరిగే వివాహాలు సాధారణ హిందూ పెళ్లిలతో పోలిస్తే కొంత భిన్నంగా ఉంటాయి. సాధారణ హిందూ పెళ్లిలో హోమం, అగ్ని చుట్టూ ఏడడుగులు వేయడం వంటి క్రతువులు ఉంటాయి. అయితే కొడవ సంప్రదాయంలో అగ్ని లేకుండా, కుటుంబ పెద్దల ఆశీర్వాదంతోనే వివాహం జరుగుతుంది. ముహూర్తం కొడవ పెళ్లిలో ప్రధాన ఘట్టం. వరుడు, వధువు తమ తమ ఇళ్లలో లేదా మంటపంలో విడివిడిగా ఈ వేడుక నిర్వహిస్తారు. పెద్దలు వారి తలపై అక్షింతలు చల్లి ఆశీర్వదించడం ఆనవాయితీ.
గంగపూజ & ప్రత్యేక ఆచారాలు
కొడవ సంప్రదాయంలో గంగపూజకు ముఖ్య స్థానం ఉంది. వివాహానంతరం వధువు వరుడి ఇంటికి వచ్చినప్పుడు ఈ పూజ నిర్వహిస్తారు. వధువు నీటి బిందెను తలపై పెట్టుకుని నడుస్తుండగా, వరుడి కుటుంబ సభ్యులు ఆమెను సరదాగా అడ్డుకుంటారు. ఇది ఆమె ఆ కుటుంబ బాధ్యతలను స్వీకరించడాన్ని సూచించే ప్రతీకగా భావిస్తారు. ఈ సంప్రదాయంలో పూజారులు లేదా బ్రాహ్మణుల పాత్ర ఉండదు. కుటుంబంలోని పెద్దలే అన్ని ఆచారాలను నిర్వహిస్తారు.
కొడవ వివాహాల్లో ప్రత్యేక వంటకాలు
కొడవ పెళ్లిళ్లలో పాండి కర్రీ అనే ప్రత్యేక మాంసాహార వంటకం వడ్డించడం సంప్రదాయం. ఇది పోర్క్తో తయారుచేసే ప్రసిద్ధ వంటకం. గతంలో అడవి పందులను వేటాడి ఈ వంటకం చేసేవారు. ప్రస్తుతం పెంపుడు పంది మాంసంతో దీన్ని తయారు చేస్తున్నారు. తినాలా వద్దా అనేది వ్యక్తిగత ఇష్టం అయినప్పటికీ, సంప్రదాయం ప్రకారం ఈ వంటకం ఉండాల్సిందే.
Read hindi news: hindi.vaartha.com
Epaper: epaper.vaartha.com
Read Also:
