ఎండాకాలంలో మనకు ఆరోగ్యాన్నిచ్చే ఎన్నో పానీయాలు ఉన్నాయి. మండుతున్న ఎండలకు దివ్య ఔషధంగా బార్లీ నీళ్ళు పనిచేస్తాయి. ఎండలకు శరీరంలో నీరు ఆవిరైపోయి డీహైడ్రేషన్ కు గురయ్యేవారికి బార్లీ నీరుతో ఉపశమనం కలుగుతుంది. యాంటి ఆక్సిడెంట్ లు, పోషకాలు బార్లీ నీటిలో అధికంగా ఉంటాయి.ఉక్కపోతకు ఉక్కిరిబిక్కిరి అవుతు ,మూత్రం కూడా సరిగ్గా రాక అనేకమంది అల్లాడిపోతున్నారు. అలాంటి వారికి మూత్రం సాఫీగా రావటంతో పాటు, మూత్ర విసర్జన సమయంలో వచ్చే మంటకు బార్లీ నీరు తాగితే ఉపశమనం కలుగుతుంది. మూత్ర విసర్జన సమయంలో దుర్వాసన సమస్యకు బార్లీ గింజల నీరు తాగడం వలన విముక్తి లభిస్తుంది.బార్లీ నీటిలో అనేకమైన పోషకాలు ఉంటాయి. ముఖ్యంగా ఫైబర్ తగిన మోతాదులో ఉంటుంది .ఫైబర్ ఉండటం వలన రక్తంలో చక్కెర స్థాయిలను కంట్రోల్ చేస్తుంది.కాబట్టి డయాబెటిస్ తో బాధపడేవారు బార్లీ నీటిని తాగడం వలన ఉపయోగాలే తప్ప ఎలాంటి హాని జరగడానికి ఆస్కారం లేదు అధిక రక్తపోటు తో బాధ పడుతున్న వారికి బార్లీ నీరు తాగడం వలన ప్రయోజనం ఉంటుంది. బార్లీ నీరు అధిక రక్తపోటును కంట్రోల్ చేస్తుంది.
అధిక బరువు
నూటికి ఎనబై శాతం మంది అధిక బరువుతో ఇబ్బంది పడే వారిని చూస్తున్నాము. వారు ఫుడ్ ఎక్కువ తినకుండా కంట్రోల్ చేసుకున్నా కిలోలు కిలోలు బరువు పెరుగుతున్నారు తప్ప తగ్గడం లేదు. అలాంటి వారు ఈ బార్లీ నీరు తీసుకోవడం వలన అధిక బరువుని నియంత్రించవచ్చు అయితే మీరు వ్యాయామం చేసే సమయంలో లేదా వ్యాయామం చేసిన తరువాత ఈ నీరు తాగితే మీ బాడీలో ఉన్న చెడు కొలెస్ట్రాల్ కరిగిపోతుంది.ఈ నీరు తాగడం వలన రోగ నిరోధక శక్తి పెరుగుతుంది. జీర్ణక్రియ పనితీరు మరింత మెరుగుపడుతుంది.ఛాతీలో మంట ,గ్యాస్ సమస్యతో బాధ పడేవారికి ఈ బార్లీ నీటిని తాగితే కాస్త ఉపశమనం కలుగుతుంది. ఒక వారం రోజుల పాటు ఉదయం క్రమం తప్పకుండా తాగితే గుండెల్లో మంట,గ్యాస్ వంటి సమస్యల నుండి మిమ్మల్ని మీరు కాపాడుకోగలుగుతారు.
సరైన సమయంలో సరైన ఆహారం తీసుకోకపోవడం, వేసవికాలంలో నాన్ వెజ్ ఫుడ్ ఎక్కువ తినడం వలన కూడా మలబద్దక సమస్య ఏర్పడుతుంది. ఈసమస్య కారణంగా ఇబ్బంది పడేవారికి బార్లీ నీరు మంచి మెడిసిన్ లాగ పనిచేస్తుంది. కాకపోతే పరగడుపున ఈ నీటిని సేవిస్తే మంచి ఫలితం దక్కుతుంది.
Read Also:Health :థైరాయిడ్ లక్షణాలు ఇవే!