గురక అనేది చాలా మంది ఎదుర్కొనే ఒక సాధారణ నిద్ర సమస్య. అయితే ఇది వ్యక్తిగత సమస్యగా మాత్రమే కాకుండా, పక్కనున్న వారికి గాఢ నిద్రలేక ఇబ్బంది కలిగించే సమస్యగా కూడా మారుతుంది. గురక వల్ల అనేక ఆరోగ్యపరమైన సమస్యలు తలెత్తే అవకాశమూ ఉంది. ముఖ్యంగా నిద్రలో శ్వాస ఆగిపోవడం వంటి పరిస్థితులు దీని వెనుక ఉండవచ్చు. గురక వల్ల నిద్ర నాణ్యత తగ్గడమే కాకుండా, రోజువారీ జీవితంలో అలసట ఇతర సమస్యలు తలెత్తవచ్చు. సరైన జీవనశైలి మార్పులు నివారణ చర్యలతో గురకను తగ్గించవచ్చు.
గురకకు ప్రధాన కారణాలు
అధిక బరువు :
శరీర బరువు పెరగడం వల్ల గొంతు చుట్టూ ఉన్న కొవ్వు శ్వాసనాళాలపై ఒత్తిడిని కలిగిస్తుంది. ఇది వాయువు ప్రవాహాన్ని అడ్డగించడంతో గురక వచ్చే అవకాశం పెరుగుతుంది.
వెనుకకు తిరిగి పడుకోవడం:
ఇలా పడుకున్నప్పుడు నాలిక వెనక్కి జారిపోతుంది. ఇది శ్వాస మార్గాలను కొంత మేర బ్లాక్ చేస్తుంది. ఫలితంగా గురక సంభవిస్తుంది.
మద్యం సేవ :
నిద్రకు ముందు మద్యం తాగడం వల్ల గొంతులోని కండరాలు అధికంగా సడలిపోతాయి. ఇది శ్వాస మార్గాల మీద ఒత్తిడిని పెంచుతుంది.
పొగాకు వినియోగం :
పొగాకు శ్వాసనాళాల్లో నరాలు కుంగిపోయేలా చేసి గాలి ప్రవాహాన్ని అడ్డుకుంటుంది.
సైనస్ మరియు ముక్కు దిబ్బడం :
ముక్కు మూసుకుపోవడం వల్ల నోటి ద్వారా శ్వాస తీసుకోవాల్సి వస్తుంది. ఇది గురకకు దారి తీస్తుంది.
వయస్సు ప్రభావం:
వయస్సు పెరిగేకొద్దీ గొంతు కండరాలు బలహీనమవుతాయి. ఇది కూడా గురకకు కారణమవుతుంది.
గురక నివారణకు పరిష్కారాలు
బరువు తగ్గడం:
సమతుల్య ఆహారం తీసుకోవడం, వ్యాయామం చేయడం ద్వారా బరువు తగ్గించుకోవడం వల్ల శ్వాస మార్గాలపై ఒత్తిడి తగ్గి గురక తగ్గుతుంది.
మద్యం, పొగాకు మానేయడం:
నిద్రకు 3–4 గంటల ముందు మద్యం తాగకపోవడం, పొగాకు వినియోగం మానేయడం ద్వారా గొంతు కండరాల సడలింపు తగ్గి గురకను నివారించవచ్చు. ముక్కు దిబ్బడం ఉంటే ఉప్పు నీటితో ముక్కు శుభ్రం చేయండి లేదా ఆవిరి పట్టండి. ఒళ్లు తగ్గడం లేదా సైనస్ సమస్యలకు వైద్యుడిని సంప్రదించండి. ప్రతిరోజూ ఒకే సమయానికి నిద్రకు వెళ్లడం, 7-8 గంటలు నిద్రపోవడం వల్ల శరీరం సమతుల్యంలో ఉంటూ గురక నివారించవచ్చు.
హ్యూమిడిఫైయర్ ఉపయోగించడం:
గదిలో గాలి పొడిగా ఉండడం వల్ల కూడా గురక వచ్చే అవకాశముంది. హ్యూమిడిఫైయర్ వాడితే గాలి తేమగా ఉండి శ్వాస సులభంగా సాగుతుంది. రోజు పది నిమిషాలు పాటలు పాడడం లేదా నిర్దిష్ట నోటి వ్యాయామాలు చేయడం ద్వారా గొంతు కండరాలు బలపడతాయి. ఇవి శ్వాస మార్గాన్ని బలోపేతం చేస్తాయి.
హెడ్ ఎలివేషన్:
తల ఎత్తుగా ఉండేలా సరైన దిండు వాడడం ద్వారా శ్వాస మార్గం ఒత్తిడి నుండి బయటపడుతుంది. ఇది గురక తగ్గించడంలో సహాయపడుతుంది. గురకకు తోడు నిద్రలో శ్వాస ఆగిపోవడం, రోజంతా అలసట, తలనొప్పులు, మానసిక ఆందోళన ఉంటే వెంటనే వైద్యుడిని సంప్రదించాలి. ఇది లాంటి పరిస్థితికి సంకేతం కావచ్చు.
Read also: Health: ప్రతి రోజూ కీరదోస తినడం వల్ల ఎన్ని ప్రయోజనాలో తెలుసా!