Telangana: టిజి కు సమగ్ర శిక్షా అభియాన్ నిధులకు కేంద్రం

సమగ్ర శిక్షా అభియాన్ పథకం కింద తెలంగాణ రాష్ట్రానికి రూ.1,487.76 కోట్లు కేటాయించనున్నట్లుకేంద్ర ప్రభుత్వం ప్రకటించింది. మార్చి 15న ఢిల్లీలో జరిగిన ప్రాజెక్ట్ అప్రూవల్ బోర్డు (PAB) సమావేశంలో ఈ మేరకు నిర్ణయం తీసుకున్నారు. 2025-26 విద్యా సంవత్సరానికి గాను రాష్ట్ర అధికారులు కేంద్రం నుండి రూ.2,000 కోట్లు కేటాయించాలని కోరగా గత సంవత్సరం కంటే తక్కువ నిధులు మంజూరు చేయడం జరిగింది.2024-25 విద్యా సంవత్సరంలో కేంద్రం రాష్ట్రానికి రూ.1,945 కోట్లు కేటాయించేందుకు అంగీకరించింది. సమగ్ర శిక్షా అభియాన్ పథకం పాఠశాల విద్యను సమగ్రంగా అభివృద్ధి చేసే లక్ష్యంతో రూపొందించబడింది. ఇందులో భాగంగా పాఠశాలల్లో మౌలిక సదుపాయాల కల్పన, ఉపాధ్యాయుల శిక్షణ, విద్యార్థులకు నాణ్యమైన విద్యను అందించడం వంటి కార్యక్రమాలు చేపడుతారు.కేంద్ర ప్రభుత్వం(Central Government) నిధులు తగ్గించడం రాష్ట్రంలోని పాఠశాల విద్యపై ప్రభావం చూపే అవకాశం ఉంది. రాష్ట్ర ప్రభుత్వం ఈ నిధులను ఏయే కార్యక్రమాల కోసం ఉపయోగిస్తుందో తెలియాల్సి ఉంది. నిధుల తగ్గింపునకు గల కారణాలను కేంద్ర ప్రభుత్వం వెల్లడించలేదు. రాష్ట్ర ప్రభుత్వం కేంద్రంతో చర్చలు జరిపి అదనపు నిధులు పొందే అవకాశం ఉంది.

ప్రభుత్వం

సమగ్ర శిక్షా అభియాన్ అనేది భారత ప్రభుత్వం ప్రారంభించిన ఒక విద్యా కార్యక్రమం. ఇది పాఠశాల విద్యను సమగ్రంగా అభివృద్ధి చేయడమే లక్ష్యంగా పెట్టుకుంది. ఈ పథకం కింద ప్రీ-స్కూల్(Pre-School) నుండి 12వ తరగతి వరకు విద్యార్థులకు నాణ్యమైన విద్యను అందించడం, పాఠశాల మౌలిక సదుపాయాలను మెరుగుపరచడం,వంటి కార్యక్రమాలు చేపడుతున్నారు. ఈ పథకం మూడు ప్రధాన కార్యక్రమాలను కలిపి రూపొందించబడింది. సర్వ శిక్షా అభియాన్ (SSA), రాష్ట్రీయ మాధ్యమిక శిక్షా అభియాన్ (RMSA), టీచర్ ఎడ్యుకేషన్.సర్వ శిక్షా అభియాన్ లో 6-14 సంవత్సరాల మధ్య వయస్సు గల పిల్లలందరికీ ఉచిత నిర్బంధ విద్యను ప్రాథమిక హక్కు(fundamental right)గా మార్చేందుకు ఈ పథకాన్ని ప్రభుత్వం ప్రారంభించింది. భారత రాజ్యాంగంలోని 86వ సవరణ ద్వారా ప్రాథమిక విద్యను సార్వత్రీకరణ చేయడానికి అటల్ బిహారీ వాజ్‌పేయి ప్రభుత్వం దీన్ని ఒక ప్రతిష్టాత్మక కార్యక్రమంగా చేపట్టింది.రాష్ట్రీయ మాధ్యమిక శిక్షా అభియాన్ భారతదేశంలో మాధ్యమిక విద్యను అభివృద్ధి చేయడం దీని ప్రధాన లక్ష్యం.2009 లో ప్రారంభించబడిన ఈ పథకం విద్యారంగంలో అనేక మార్పులు తీసుకొచ్చింది. విద్య ద్వారా అవకాశాలను మెరుగుపరచాలనే లక్ష్యంతో, భారతీయ విద్యార్థుల(Indian students) విద్యను అన్ని విధాలుగా ప్రోత్సహించడానికి ఇది కృషి చేస్తుంది.ఇది విద్యార్థులను ఉపాధ్యాయులుగా తయారు చేసే ప్రక్రియ. ఈ శిక్షణలో ఉపాధ్యాయులు తమకు కావలసిన జ్ఞానం, నైపుణ్యాలు, వైఖరులు, బోధనా పద్ధతులను నేర్చుకుంటారు. తద్వారా వారు తరగతి గదిలో, పాఠశాలలో,సమాజంలో సమర్థవంతంగా పనిచేయడానికి సిద్ధమవుతారు.