టెక్ రంగంలో ఉద్యోగం పొందాలంటే తప్పనిసరిగా బీటెక్(B.Tech) కంప్యూటర్ సైన్స్ (CSE) నేర్చుకోవాల్సిందేనని చాలా మంది భావిస్తుంటారు. అయితే గత కొంతకాలంగా ఈ అభిప్రాయం మారుతోంది. ఒకప్పుడు అగ్రస్థానంలో ఉన్న CSE ప్రాధాన్యం తగ్గుతుండగా, టెక్ కంపెనీలు ఇప్పుడు మరో విభాగాన్ని తొలి ప్రాధాన్యంగా తీసుకోవడం ప్రారంభించాయి అదే ఎలక్ట్రానిక్స్ అండ్ కమ్యూనికేషన్ ఇంజనీరింగ్ (Electronics and Communication Engineering).
Read Also: RBI: ఆర్ బి ఐ లోఉద్యోగాలు.. అప్లై చేయడానికి రేపే చివరి తేదీ
టెక్నాలజీలు వేగంగా అభివృద్ధి చెందుతున్న నేపథ్యంలో అవసరమైన నైపుణ్యాలు కూడా మారుతున్నాయి. కంప్యూటర్లతో పాటు కమ్యూనికేషన్ టెక్నాలజీలో నైపుణ్యం కలిగిన ఇంజినీర్లు ప్రపంచవ్యాప్తంగా అవసరమవుతున్నారు. ఈ కారణంగా ECE కోర్సుకు డిమాండ్ గణనీయంగా పెరిగింది. కేవలం ప్రోగ్రామింగ్‌లోనే పట్టు ఉండటం సరిపోదని, హార్డ్‌వేర్, సాఫ్ట్‌వేర్, కమ్యూనికేషన్ టెక్నాలజీపై పట్టు ఉన్న ఇంజనీర్లను కంపెనీలు ముందుగా ఎంపిక చేస్తున్నాయి.
ఎందుకు పెరుగుతోంది ECE డిమాండ్?
ఇటీవలి సంవత్సరాల్లో AI, 5G, IoT, రోబోటిక్స్, సెమీకండక్టర్ రంగాల్లో జరిగిన విప్లవాత్మక అభివృద్ధి కారణంగా ఈ రంగాలకు సంబంధించిన నైపుణ్యాలు అత్యవసరమయ్యాయి. కేవలం సాఫ్ట్‌వేర్ డెవలపర్లు ఈ రంగాలను పూర్తి స్థాయిలో హ్యాండిల్ చేయలేరు. చిప్ డిజైనింగ్, ఎలక్ట్రానిక్ సర్క్యూట్స్, నెట్‌వర్కింగ్, కమ్యూనికేషన్ సిస్టమ్స్ వంటి విభాగాలు ECE విద్యార్థులు చక్కగా నేర్చుకుంటారు. అందువల్ల వీరి డిమాండ్ భారీగా పెరుగుతోంది.
ప్లేస్‌మెంట్ రికార్డులే నిదర్శనం
NIT జంషెడ్‌పూర్ 2024–25 ప్లేస్‌మెంట్ గణాంకాలను చూస్తే, CSE కంటే ECE వైపు కంపెనీల ఆసక్తి పెరుగుతుందని స్పష్టమవుతోంది.
- CSEలో అత్యధిక ప్యాకేజీ రూ.82 లక్షలు కాగా,
- ECE విద్యార్థి కూడా అదే రూ.82 లక్షల ఆఫర్ పొందాడు.
ఇంటర్న్‌షిప్‌ల విషయంలో కూడా 64 మంది CSE విద్యార్థులు ఎంపికయ్యగా, ECE నుంచి 73 మంది ఎంపిక కావడం గమనించదగ్గ విషయం.
మల్టీ–స్కిల్ ఇంజనీర్లకు ప్రాధాన్యం
ప్రస్తుతం టెక్ కంపెనీలు కోడింగ్ మాత్రమే కాదు, హార్డ్‌వేర్ మరియు సాఫ్ట్‌వేర్ రెండింటిపై దృష్టి పెట్టిన ఇంజనీర్లను కోరుకుంటున్నాయి. ECE చదివిన విద్యార్థులకు ఈ రెండు రంగాలపై స్పష్టమైన అవగాహన ఉండటం పెద్ద ప్లస్ పాయింట్.
CSE ఇంకా బలమైన బ్రాంచ్ అయినప్పటికీ, రాబోయే 5–10 సంవత్సరాల్లో ECE టెక్ రంగంలో అతిపెద్ద, అత్యధిక అవకాశాలు ఉన్న విభాగంగా మారే అవకాశం ఉందని నిపుణులు అంచనా వేస్తున్నారు.
Read hindi news: hindi.vaartha.com
Epaper : epaper.vaartha.com
Read Also:
