accenture-layoffs-11000 : యాక్సెంచర్ నుంచి 11 వేల మంది ఉద్యోగులకు షాక్ – కంపెనీ ప్రకటన ప్రపంచ ప్రసిద్ధ ఐటీ కన్సల్టింగ్ సంస్థ యాక్సెంచర్ ఇటీవల (accenture-layoffs-11000) తన త్రైమాసిక ఫలితాలను ప్రకటిస్తూ, ప్రపంచవ్యాప్తంగా 11 వేల మందికి పైగా ఉద్యోగులను తొలగించినట్లు వెల్లడించింది. రాబోయే నెలల్లో కూడా ఉద్యోగాల కోతలు కొనసాగవచ్చని సంకేతాలు ఇస్తోంది.
ఈ తొలగింపులకు ప్రధాన కారణం కృత్రిమ మేధస్సు (AI) ప్రభావమేనని యాక్సెంచర్ చెబుతోంది. భవిష్యత్ వ్యాపార అవసరాలకు సరిపోని నైపుణ్యాలు కలిగిన ఉద్యోగులను కొనసాగించడం కష్టం కావడంతో, వారిని బయటకు పంపాల్సిన పరిస్థితి ఏర్పడిందని కంపెనీ స్పష్టం చేసింది.
CEO జూలీ స్వీట్ మాట్లాడుతూ – “మాకు కావలసిన కొత్త నైపుణ్యాలను సులభంగా అభివృద్ధి చేయలేని సందర్భాల్లో, తక్కువ సమయంలోనే ఉద్యోగులను తీసివేయాల్సి వస్తోంది” అని తెలిపారు. ఆగస్టు చివరి నాటికి యాక్సెంచర్లో ఉద్యోగుల సంఖ్య 7,91,000 నుంచి 7,79,000కి పడిపోయింది. నవంబర్ వరకు ఈ ప్రక్రియ కొనసాగుతుందని వెల్లడించారు.
భారీ పునర్నిర్మాణ ప్రణాళిక
ఉద్యోగాల కోతలతో పాటు, యాక్సెంచర్ 865 మిలియన్ల డాలర్ల ఖర్చుతో పెద్ద పునర్నిర్మాణ కార్యక్రమం ప్రారంభించింది. దీని ద్వారా వచ్చే ఆరు నెలల్లో దాదాపు ఒక బిలియన్ డాలర్లకు పైగా ఆదా చేయగలమని అంచనా వేస్తోంది. ఇందులో ప్రధానంగా ప్రతిభా వ్యూహం (Talent Strategy)పై దృష్టి సారించనుంది.
కొత్త శిక్షణలు – AI ఫోకస్
AI కారణంగా ఉద్యోగాల కోతలు జరుగుతున్నప్పటికీ, కంపెనీ కొత్త అవకాశాలపై దృష్టి పెడుతోంది. బ్లూమ్బర్గ్ నివేదిక ప్రకారం, ఉద్యోగులకు AI టెక్నాలజీ ప్రాథమిక శిక్షణ ఇప్పించడం ప్రారంభమైందని, భవిష్యత్ అవసరాలకు తగ్గట్లుగా workforce ను సిద్ధం చేస్తామని CEO తెలిపారు.
ఆర్థిక ఫలితాలు
2025 జూన్-ఆగస్టు త్రైమాసికంలో యాక్సెంచర్ ఆదాయం 7 శాతం వృద్ధితో $17.60 బిలియన్లకు చేరింది. ఇందులో 2.5% విదేశీ మారకద్రవ్య ప్రభావం కూడా ఉందని కంపెనీ పేర్కొంది.
CEO జూలీ స్వీట్ మాట్లాడుతూ – “మా క్లయింట్లు AI సాయంతో తమ వ్యాపారాలను తిరిగి ఆవిష్కరించుకోవడానికి మమ్మల్ని ఆశ్రయిస్తున్నారు. డిజిటల్ కోర్ నిర్మాణం, డేటా సిద్ధం, కొత్త విధానాల్లో ఉద్యోగుల శిక్షణ – ఈ దిశలో యాక్సెంచర్ ముందుకు సాగుతోంది” అని వివరించారు.
Read also :
