వరుసగా ఐదు రోజుల పాటు నష్టాలు ఎదుర్కొన్న దేశీయ స్టాక్ మార్కెట్లు (stock market) సోమవారం బలంగా పుంజుకున్నాయి. అమెరికా నుంచి వచ్చిన సానుకూల సంకేతాలు, అలాగే భారత్–అమెరికా మధ్య వాణిజ్య చర్చలు ప్రారంభమవుతాయన్న ప్రకటన ఇన్వెస్టర్లలో విశ్వాసాన్ని పెంచింది. దీంతో కీలక రంగాల్లో కొనుగోళ్ల మద్దతు లభించి మార్కెట్ సెంటిమెంట్ మెరుగైంది. రోజులో కనిష్ఠ స్థాయిల నుంచి సూచీలు వేగంగా కోలుకున్నాయి.
Read also: US: పసిడి ప్రియుల కొంపలు ముంచిన ట్రంప్
stock markets closed with gains
ఈ ప్రభావంతో సెన్సెక్స్ ఒక దశలో దాదాపు 1,100 పాయింట్లు ఎగసి, చివరకు 302 పాయింట్ల లాభంతో 83,878 వద్ద ముగిసింది. నిఫ్టీ కూడా ఇంట్రా-డేలో 25,473 వరకు పడిపోయి, అక్కడి నుంచి కోలుకుని 107 పాయింట్ల లాభంతో 25,790 వద్ద స్థిరపడింది. మార్కెట్ విశ్లేషకుల ప్రకారం, 100 రోజుల ఈఎంఏ కీలక మద్దతుగా నిలవడం సూచీల పునరుద్ధరణకు ప్రధాన కారణమైంది.
అయితే బ్రాడర్ మార్కెట్లలో మాత్రం ఒత్తిడి కొనసాగింది. నిఫ్టీ మిడ్క్యాప్ సూచీ స్వల్పంగా 0.05 శాతం, స్మాల్క్యాప్ సూచీ 0.52 శాతం మేర నష్టపోయాయి. ప్రస్తుతం ఇన్వెస్టర్లు డిసెంబర్ రిటైల్ ద్రవ్యోల్బణ గణాంకాలు, ఫిబ్రవరి 1న ప్రవేశపెట్టనున్న కేంద్ర బడ్జెట్పై దృష్టి సారించారు. మెటల్స్, బ్యాంకింగ్, కన్జ్యూమర్ స్టాక్స్లో విలువ ఆధారిత కొనుగోళ్లు కనిపించగా, రానున్న రోజుల్లో గ్లోబల్ సంకేతాలు మార్కెట్ దిశను నిర్ణయించనున్నాయి.
Read hindi news: hindi.vaartha.com
Epaper: epaper.vaartha.com
Read Also:
