New Labour Code 2026: నేటి ఉరుకుల పరుగుల కార్పొరేట్ ప్రపంచంలో పని ఒత్తిడి కారణంగా చాలా మంది ఉద్యోగులు తమకు లభించే వార్షిక సెలవులను (Annual Leaves) కూడా వాడుకోలేకపోతున్నారు. ఫలితంగా ఏడాది చివరలో ఆ సెలవులు వృథా (Lapse) అయిపోతుంటాయి. అయితే, ఇలాంటి ఇబ్బందులకు చెక్ పెడుతూ కేంద్ర ప్రభుత్వం ‘లేబర్ కోడ్ 2026’ పేరుతో సరికొత్త సంస్కరణలను అమల్లోకి తెచ్చింది. దీని ప్రకారం ఉద్యోగి కష్టం ఇకపై వృథా పోదు.
Read Also: HMRL Pod Taxi Project: మెట్రో ప్రయాణికుల కోసం HMRL సరికొత్త ప్లాన్
సెలవుల నగదు మార్పిడి (Leave Encashment) – కొత్త నిబంధనలివే:
- 30 రోజుల పరిమితి: కొత్త చట్టం ప్రకారం, ఒక ఉద్యోగి గరిష్టంగా 30 రోజుల సెలవులను మాత్రమే తదుపరి సంవత్సరానికి (Carry Forward) బదిలీ చేసుకోవడానికి వీలుంటుంది.
- అదనపు సెలవులకు డబ్బు: మీ ఖాతాలో 30 రోజుల కంటే ఎక్కువ సెలవులు మిగిలి ఉంటే, కంపెనీలు ఆ అదనపు రోజులకు కచ్చితంగా నగదు చెల్లించాల్సి ఉంటుంది. ఉదాహరణకు మీ వద్ద 40 సెలవులు ఉంటే, 30 రోజులు వచ్చే ఏడాదికి బదిలీ అవుతాయి, మిగిలిన 10 రోజులకు మీకు పేమెంట్ లభిస్తుంది.
- సెలవు నిరాకరిస్తే ఆదాయం: పని ఒత్తిడి వల్ల మేనేజర్లు మీ సెలవును రిజెక్ట్ చేస్తే, ఆ రోజులను 30 రోజుల లిమిట్‌తో సంబంధం లేకుండా లెక్కించి, వాటికి విడిగా నగదు చెల్లించాల్సి ఉంటుంది.
New Labour Code 2026: అర్హత కాలంలో భారీ మార్పులు:
గతంలో సెలవు ప్రయోజనాలు పొందాలంటే కనీసం 240 రోజులు పని చేయాల్సి ఉండేది. కానీ కొత్త లేబర్ కోడ్ ప్రకారం, కేవలం 180 రోజులు (6 నెలలు) పని పూర్తి చేస్తే ఈ ప్రయోజనాలన్నింటికీ మీరు అర్హులవుతారు. మరో కీలకమైన మార్పు ఏమిటంటే.. ఒకవేళ మీరు ఉద్యోగం మానేస్తే, మీ బకాయిలు మరియు పూర్తి సెటిల్మెంట్ (Full and Final Settlement) కేవలం 48 గంటల్లోనే క్లియర్ చేయాలని ప్రభుత్వం నిబంధన విధించింది. ఈ మార్పులు ఉద్యోగుల ఆర్థిక భద్రతను పెంచడమే కాకుండా, పని-జీవిత సమతుల్యతను (Work-Life Balance) మెరుగుపరచడానికి ఎంతో తోడ్పడతాయి.
Read Also hindi news: hindi.vaartha.com
Read Also Epaper : epaper.vaartha.com
Read Also:
