Breaking News : న్యూఢిల్లీ లో బుధవారం ఆర్థిక మంత్రి నిర్మలా సీతారామన్ నేతృత్వంలో 56వ జీఎస్టీ (GST) కౌన్సిల్ సమావేశం మొదలైంది. (Breaking News) ఈ సమావేశం రెండు రోజుల పాటు జరగనుంది.
జీఎస్టీ 2017లో మొదలైంది. అప్పటినుండి ఇప్పటివరకు ఇది చాలా ముఖ్యమైన సమావేశంగా భావిస్తున్నారు. ఈసారి తీసుకొచ్చే మార్పులు ప్రజలపై, రాష్ట్రాలపై ఎక్కువ ప్రభావం చూపేలా ఉంటాయని అధికారులు చెబుతున్నారు.
కొన్ని వస్తువులపై పన్నులు తగ్గే అవకాశం ఉంది. ఉదాహరణకు, నిత్యావసరాలు, ఎలక్ట్రానిక్ వస్తువులు చౌకగా కావచ్చు. కానీ లగ్జరీ కార్లు మరియు హానికర వస్తువులపై పన్నులు పెరగొచ్చు.
ఈ మార్పులతో రాష్ట్రాలకు ఆదాయ నష్టం వస్తుందా అన్నది ఇప్పుడు చర్చనీయాంశం అవుతోంది.
జీఎస్టీ మొదటిసారిగా తీసుకువచ్చినప్పుడు కేంద్రం రాష్ట్రాలకు ఐదేళ్ల పాటు ఆదాయ నష్టానికి పరిహారం ఇస్తామని చెప్పింది. దీనికి కేంద్రం ప్రత్యేక సెస్ ద్వారా నిధులు సమకూర్చింది. కానీ ఈ పరిహార వ్యవస్థ 2022 జూన్తో ముగిసిపోయింది.
ఇప్పుడు కొత్త పన్ను మార్పులు వస్తే, రాష్ట్రాలు ఆర్థికంగా ఇబ్బంది పడతాయని పశ్చిమ బెంగాల్, కేరళ, తమిళనాడు, తెలంగాణ, పంజాబ్ వంటి రాష్ట్రాలు చెబుతున్నాయి.
ఆర్థిక నిపుణుల అభిప్రాయం ప్రకారం వినియోగ రాష్ట్రాలైన కర్ణాటక, తమిళనాడు లాంటి రాష్ట్రాలకు లాభం ఉండొచ్చు. కానీ అప్పుల భారంతో ఉన్న పంజాబ్, బీహార్, పశ్చిమ బెంగాల్ లాంటి రాష్ట్రాలు ఎక్కువ నష్టం ఎదుర్కొంటాయి. మహారాష్ట్ర కూడా ఇబ్బంది పడే అవకాశం ఉంది.
మాజీ ఆర్థిక కార్యదర్శి సుభాష్ చంద్ర గార్గ్ మాత్రం మరొక కోణం నుంచి మాట్లాడారు. ఆయన చెప్పింది ప్రకారం, ప్రధాని మోదీ దీన్ని దీపావళి బహుమతిగా ప్రకటించడమే వినియోగదారుల్లో గందరగోళం పెంచింది.
ఉదాహరణకు, కారు ధరలు తగ్గుతాయనుకుంటే, కొంతమంది కొనుగోలు వాయిదా వేయవచ్చు. దీని వల్ల తాత్కాలికంగా మార్కెట్ మీద ప్రభావం పడొచ్చు. ఆదాయ నష్టాన్ని పరిగణలోకి తీసుకుంటే, రాష్ట్రాలకు రూ. 2 లక్షల కోట్ల వరకు నష్టం రావచ్చు.
ప్రభుత్వం తక్కువ పరిహారం ఇవ్వడం సాధ్యం కాదని ఆయన చెప్పారు. అందుకే కౌన్సిల్ సమావేశంలో పెద్ద చర్చలు జరగవచ్చని అభిప్రాయపడ్డారు.
PwC ఇండియా నిపుణుడు ప్రతీక్ జైన్ చెప్పినదానిప్రకారం, ఈ మార్పులు సెప్టెంబర్ 21 లోపు అమలులోకి వచ్చే అవకాశం ఉంది. అయితే పద్ధతి సరిగ్గా ఉండాలి అని ఆయన సూచించారు. ఆదాయ నష్టం రూ. 1 లక్ష నుంచి 2 లక్షల కోట్ల మధ్య ఉండొచ్చని అంచనా వేశారు. కానీ పన్ను చెల్లించే వారి సంఖ్య పెరిగితే ఆ నష్టాన్ని కొంత వరకు తగ్గించవచ్చని చెప్పారు.
Read also :
