కోట్లాది మంది ఉద్యోగుల భవిష్య నిధి (ఈపీఎఫ్ఓ) (Employees Provident Fund Organisation) చందాదారులకు శుభవార్త. అత్యవసర సమయాల్లో పీఎఫ్ ఖాతా నుంచి డబ్బులు తీసుకునే ప్రక్రియను మరింత సులభతరం చేసేందుకు కేంద్ర ప్రభుత్వం సిద్ధమైంది. బ్యాంకు ఖాతా నుంచి డబ్బులు తీసుకున్నట్లే, ఇకపై ఏటీఎంల ద్వారా నేరుగా పీఎఫ్ నగదును విత్డ్రా చేసుకునే సౌకర్యాన్ని అందుబాటులోకి తీసుకురానుంది. ఈ కొత్త విధానం 2026 జనవరి నుంచి అమల్లోకి వచ్చే అవకాశం ఉంది.
Pakistan: 13మంది ఉగ్రవాదులను హతమార్చిన పాక్
అక్టోబర్లో తుది నిర్ణయం, కారణాలు
ఈ ప్రతిపాదనపై తుది నిర్ణయం తీసుకునేందుకు ఉద్యోగుల భవిష్య నిధి సంస్థకు చెందిన సెంట్రల్ బోర్డ్ ఆఫ్ ట్రస్టీలు (సీబీటీ)(CBT) అక్టోబర్ రెండో వారంలో సమావేశం కానున్నారు. ఈ సమావేశంలో ఆమోదం లభించిన వెంటనే, కొత్త సేవలను ప్రారంభించేందుకు మార్గం సుగమం అవుతుంది. వాస్తవానికి ఈ సదుపాయాన్ని ఈ ఏడాది జూన్లోనే తీసుకురావాలని కేంద్ర కార్మిక మంత్రిత్వ శాఖ తొలుత భావించింది. అయితే, నగదు ఉపసంహరణపై పరిమితి విధించకపోతే, భవిష్య నిధి అసలు లక్ష్యం దెబ్బతింటుందనే ఆందోళనలతో ఈ నిర్ణయాన్ని తాత్కాలికంగా వాయిదా వేశారు. అక్టోబర్ సమావేశంలో విత్డ్రా లిమిట్పై ప్రధానంగా చర్చ జరగనుంది.
కొత్త కార్డు, ప్రయోజనాలు
ఈ సేవలు అందుబాటులోకి వస్తే, ఈపీఎఫ్ఓ తన చందాదారులకు ఏటీఎం డెబిట్ కార్డు తరహాలోనే ఒక ప్రత్యేక కార్డును జారీ చేస్తుంది. ఈ కార్డు ఉపయోగించి చందాదారులు ఎలాంటి పత్రాలు సమర్పించాల్సిన అవసరం లేకుండా నేరుగా ఏటీఎం కేంద్రానికి వెళ్లి డబ్బులు తీసుకోవచ్చు. ప్రస్తుతం ఈపీఎఫ్ఓలో 7.8 కోట్ల మంది ఖాతాదారులు ఉన్నారు. వారికి అత్యవసర ఆర్థిక పరిస్థితుల్లో ఇది ఎంతగానో ఉపకరిస్తుందని ప్రభుత్వం భావిస్తోంది. ఈ సేవలను అమలు చేయడానికి బ్యాంకులు, రిజర్వ్ బ్యాంక్ ఆఫ్ ఇండియాతో కార్మిక మంత్రిత్వ శాఖ ఇప్పటికే చర్చలు జరిపింది.
ఏటీఎం ద్వారా పీఎఫ్ డబ్బులు ఎప్పటి నుంచి తీసుకోవచ్చు?
ఈ కొత్త విధానం 2026 జనవరి నుంచి అమల్లోకి వచ్చే అవకాశం ఉంది.
పీఎఫ్ నగదు విత్డ్రాపై తుది నిర్ణయం ఎప్పుడు తీసుకుంటారు?
అక్టోబర్ రెండో వారంలో జరగనున్న సీబీటీ సమావేశంలో దీనిపై తుది నిర్ణయం తీసుకుంటారు.
Read hindi news: hindi.vaartha.com
Read Also:
