మెగాస్టార్ చిరంజీవి నటిస్తున్న అత్యంత ప్రతిష్టాత్మక చిత్రం ‘విశ్వంభర’ నుంచి అభిమానులు ఆసక్తిగా ఎదురుచూస్తున్న ఫస్ట్ సింగిల్ ‘రామ రామ’ నేడు విడుదలైంది. ఎం.ఎం కీరవాణి బాణీలు సమకూర్చిన ఈ పాటకు సరస్వతిపుత్ర రామజోగయ్యశాస్త్రి లిరిక్స్ అందించారు. శంకర్ మహాదేవన్, లిప్సికా ఆలపించారు.
చిరు డ్యాన్స్
చిరంజీవి ఈ పాటలో తనదైన స్టైల్తో చేసిన డివోషనల్ డ్యాన్స్ పాటను మరో స్థాయికి తీసుకెళ్లింది. పాట వినసొంపుగా ఉండి, శ్రోతులను ఆకట్టుకోవడం ఖాయంగా కనిపిస్తోంది. శ్రీరాముడి గొప్పతనం ఈ పాటలో వివరించారు. అలాగే చిరు కూడా తనదైన గ్రేస్తో పాటపై డ్యాన్స్ చేయడం చూస్తుంటే ఈ సాంగ్ సినిమాకు ప్రత్యేక ఆకర్షణగా నిలుస్తుందనడంలో ఎలాంటి సందేహం లేదు. పాటలోని సంగీత భావాన్ని తన అభినయంతో మిళితం చేస్తూ, ప్రతి స్టెప్ను ప్రేక్షకుల గుండెల్లో నిలిచేలా తీర్చిదిద్దారు. ఈ చిత్రం వశిష్ట దర్శకత్వంలో తెరకెక్కుతోంది. ఇప్పటికే విడుదలైన టీజర్కు భారీ స్పందన వచ్చింది. సినిమాలో త్రిష, ఆషికా రంగనాథ్ హీరోయిన్లుగా నటిస్తున్నారు. యూవీ క్రియేషన్స్ బ్యానర్పై వంశీ, ప్రమోద్ విక్రమ్ ఈ చిత్రాన్ని భారీ బడ్జెట్తో నిర్మిస్తున్నారు. ఇక ఇప్పటికే విడుదలైన ‘విశ్వంభర’ టీజర్ కు మంచి రెస్పాన్స్ వచ్చింది. ఇప్పుడు ‘రామ రామ’ పాట కూడా ఈ ప్రాజెక్ట్పై భారీ అంచనాలు పెంచేసింది.
Read also: OTT: తెలుగులో స్ట్రీమింగ్ అవుతున్న చావా ఎక్కడంటే?
